موجوع قلبي💔 ابي نصايحكم

بنات والله اكتبلكم وقلبي مكسور الحمدلله رب العالمين لا اعتراض على حكمك والله اني راضيه بنصيبي بس اوقات بضعف وابجي كثير باختصار يا بنات انا متزوجه من سنتين وشوي عمري 22 حملت بعد زواجي بشهر بس الله ما كتب يكتمل وسقطت بشهرين ومن بعدها ما حملت وكنت ما حاطه كثير ف بالي فكره الحمل يعني مو مهتمه وراضيه واني كنت توني عروس والامور تمام وكنت كثير افكر فدراستي لاني طلعت من الجامعه ع اساس اكمل عند زوجي دراسه لاني فبلد غير ومتزوجه فبلد ثاني من ولد عمي ف لبدايه ماطل وما قدملي ع طول في السنه ثانيه راح يقدملي بس للاسف ما انقبلت وما رضا يدخلني خاصه عشان يبيلها فلوس وهو مو مقتدر مع انه ف الملجه كان من شروطي اني اكمل بس الحمدلله بعدين بعد ما مضت السنه ثانيه زوجي قرر ان نروح نكشف عشان تاخرت ما حملت كانت تقاريري زينه وهو كان معه شوي نقص ف العدد وتعالج فشهر تقريبا وصار كل شي زين انا كنت ما افكر متا وربي كتبلي راضيه بس ريلي كان متشفق كثير وكله يفكر بالاولاد وصارت تصير مشاكل وهيك بعدين قررت اني افحص مره ثانيه فحصت المره ثانيه وهني ياتني صاعقه والحمدلله قالولي انابيب فالوب مسدوده الاثنين مسدودين بعد ما عملت صبغه ماعرف اوصف شعوري ذيك لحضه ومابي اذكرها وكل ما اتذكر كلام دكتوره اتحطم قالتلي مافي امل تحملي طبيعي لازم اطفال انابيب بس انا رديت عليها انه عندي امل وربي قادر ع كل شي بلحضه وحولتنا ع دكتوره حق اطفال انابيب وانا رافضه رفض تام اسوي انابيب ومتكله ع ربي وقراءه القران والاذكار بس زوجي ما صبر قالي بتسويها ونتوكل رفضت بس بعدين رضيت ما تتخيلون حجم الالم والضغط الي مريت فيه بعد هالعمليه سويتها برمضان هذا لي فايت والله والله اني قعدت سبوع ما اقدر امشي شفت الموت بس كنت متوكله ع ربي حتا اهلي محد يعرف اني سويتها بس زوجي وانا وام زوجي المهم حملت بتوأم وكان كل شي تمام فجاه دون مقدمات كنت بشخري ثالث وحريصه جدا جدا ع راحه والاكل ومداومه ع الحبوب بس قدر الله وما شاء فعل شفت الموت للمره ثانيه وضطريت اسوي عمليه تنضيف الحمدلله ع كل حال زوجي كان معاي وما خلاني لاني مالي حد اهلي بعاد وامي مسكينه اول ما عرفت اني سقطت يات ع طول وخواني الحين ريلي يقول انه خلاص اذا ربي مو كاتب نييب عيال ما بيدينا شي واحيان يقول لازم نسعى يباني اسوي عمليه فك الانابيب بس دكتوره الي قبل تقول حتا لو سويتي بيصير حمل خارج رحم وانا ماةهلي من كلامها بس كرررررهت شي اسمه مستشفى وعمليات واشوف ريلي بس يطالع اليهال ويلعبهم عيالخواته واخوانه الله يخليهم ويحفظهم .. انا احيان احس اني مذنبه لانه سبب مني مو منه واحيان اقول بسوي عمليه فك الانابيب بس خايفه كثييييييبييير ومتردده اذا عندكم خلفيه عنها وهو حلف انه ما عاد نعيد اطفال انابيب بعد ما شافني بيت الحيا والموت مو قادره افكر انا متوكله ع ربي كثير ومتاكده انه بيرزقني بس زوجي مشكلته ما عنده صبر ابدا وانا محتاره الحمدلله احس كل شي ضاع مني خصوصا دراستي اللهم لا اعتراض ربي لا تذرني فردا وانت خير الوارثين ..🙀