موجووع قلبي

بنات تخيلوو أخت زوجي بالعيد مسويه لبنتها حفله عشان تعينت ومسويين بناتها حركات بروجكتر وشيلات وتعرض اشعار وكلام وحاطه اسامي خواتها وحريم اخوانها إلا انا وبالسناب هي وبناتها حاطين اسامي خالاتهم وزوجات خوالهم وعماتهم وحريم عمانهم وشكر على الحضور ويالبيه وفديتكم ومصورين هداياهم كلهم حتى صاحباتهم وصاحبات امهم الا هديتي مع اني متكلفه فيها بس متجاهليني تجاهل يمرض القلب مافقدوني بكلمه ويعاملوني كني غريبه حتى بالاطفال ماسلم ولدي من حركاتهم والتفريق لاصور ولا اهتمام ولاشي
تخيلو سلفتي جت جلست جنبي وانا خانقتني العبره واسولف واضحك مابي ابين لهم شي
تجي اخته وتشكر فيها قسسم كلامها معاها ينقط عسل واهتمام اهتمام وتناديها تعالي على يميني يام فلان بنقطع الكيكه وتنادي اختي وترحب وتهلي فيها ماتعاملها زيي وسلفاتي تناديهم بالاسم قسم يابنات وانا حتى الشوف ماتناظرني
وانا جالسه جنب اختي وسلفتي ماستحت وماقالت قومي معانا حسستني مزهريه حتى ماتناظرني هي وخواتها ولايعبروني طيب ليش اعزمتني تكرهيني خلاص خليني بحالي
مو تعزمين واجي على وجهي وتخليني اتبهذل احس الحريم لاحضو مدري وش يقولون اكيد يحسبوني
ظالمتهم وماذيتهم بحياتهم وانا والله الادميه ذي اسمع منها وابلع عشانها أخت زوجي الكبيره وزوجي يقدرها
واحاول أحاول أقرب منها بس كل مالها تزيدبنات احس تكرهني طيب لاتحبني بس تحترمني على الاقل
طول الطريق بنات وانا بالسياره ابكي ندمت اني رحت يعاملو الشغالات احسن مني وربي يضحكون معاهم
حتى الرقص يرقصونهم ويصفقون لهم ضحك ومزح وانا صافطيني كن فيني جرب حسبي الله