هلا والله
كثير مواضيع نلقاها عن التوفير او كيف تتسوقي او كيف اقدر اخلي مصروفي يكفيني
بما انها اجازة الصيف قربت واكيد الطلعات والافراح بتكثر الله يزيدها
وطلعات السوق
حبيت اقول شي عندي ان شاء الله يفيدكم ياارب ويساعدكم
وراح ابدء معاكم بنزول الاسواق
اكيد اغلبنا ينزل السوق وماشاء الله عنده من الخير الكثير ونرجع البيت نلقى نفسنا ماشرينا الا اشياااء بسيطه بسيطه جدااا نفتح الشنط نلقى مبلغ ماهو قليل نااقص
ونسال نفسنا
حناا وش اشترينا وين راح المبلغ اللي معاايا
لكن لو تحسبيها تلقي 10 ريال هنا و20 هناك و5 مدري فين
و30
ووووو
ولاحظي كلها مبالغ بسيطه لكنها تتجمع وتصير مبلغ كبير طاار مننا من غير فااايدة
فاليوم بحط لكم بعض الاشياء والافكار اللي ان شاء الله ساعدنااا
في التوفير
ومانستغناا عن تجااربكم ياحلوات
اول شي
.......... لازم يكون عندك محفظتين وحده تحددي فيها المبلغ اللي راح تتسوقي بيه والثاني المبلغ اللي تبين توفرينه وتحطين في كل محفظة المبلغ اللي يناااسبك
كل شهر اعملي هالشي
.......... حطي مبلغ اي كااان في الشنطة وانوي انك بتتصدقين فيهاا
ولاتنسين هالشي اهم حاااجه
فالصدقة فضلها عظيم وقوله صلى الله عليه وسلم في حديث أبي سعيد ـ رضي الله عنه ـ: "وفعل المعروف يقي مصارع السوء" (15)، ومنها: حديث رافع بن خديج ـ رضي الله عنه ـ مرفوعاً: "الصدقة تسد سبعين باباً من السوء"(16).
وقــوله ـ سبحانه ـ: إن المسلمـــين والمسـلـمـــات... والمتصـدقــين والمتصدقــات... أعد الله لهـــم مغفــرة وأجــرا عظيما {الأحــــزاب: 35} وقوله ـ عــز وجــل ـ: وسارعوا إلى" مغفرة من ربكم وجنة عرضها السمـوات والأرض أعـدت للمتقـين 133 الذيـن ينفقـون في السـراء والضـراء والكاظمـين الغيـظ والعافين عن الناس والله يحب المحسنين {آل عمران: 133، 134}
........... كل شي علشان يصير صح لازم تخطيط له
فمثلا حددي احتياااجك قبل نزولك للسوق او احتياج اولادك
.......... اياك والاسراف فإن الإسراف والتبذير داء فتاك يهدد الأمم والمجتمعات، ويبدد الأموال والثروات، وهو سبب للعقوبات والبليات العاجلة والآجلة.
فمن ذلك يا عباد الله أن الإسراف سبب للترف الذي ذمه الله تعالى وعابه وتوعد أهله في كتابه , إذ قال تعالى: ﴿وَأَصْحَابُ الشِّمَالِ مَا أَصْحَابُ الشِّمَالِ (41) فِي سَمُومٍ وَحَمِيمٍ (42) وَظِلٍّ مِنْ يَحْمُومٍ (43) لا بَارِدٍ وَلا كَرِيمٍ (44) إِنَّهُمْ كَانُوا قَبْلَ ذَلِكَ مُتْرَفِينَ﴾(1).
قال ابن كثير رحمه الله: (كانوا في الدار الدنيا منعمين مقبلين على لذات أنفسهم ) فإياكم يا عباد الله أن تكونوا من المترفين فرب كاسية في الدنيا عارية يوم القيامة.
أيها المؤمنون التبذير والإسراف سبب يؤدي بصاحبه إلى الكبر وطلب العلو في الأرض قال صلى الله عليه وسلم: (كلوا واشربوا وتصدقوا من غير سرف ولا مخيلة )
بهالشي نكون اتفقنا على الاساس
اولا الصدقة
التخطيط
عدم الاسراف
طيب علشان يكون تسوقك صح لازم يكون سلوكنا صح
فالمفترض انا كل شهر احدد مثلا مبلغ انزل فيه السوق هالشهر لام اكون فاضيه ماعندي مستلزمات ولاافراح ولاطلعات وهو عادة تكون شهور الدرااسة
خلاص الحين لبستي عبايتك لامستعطرة ولامتزية الحمد لله
قولي دعاء السوق
خلنا كل شي في حياتنا نعمله نكسب فيه الاجر
قال الرسول صلى الله عليه وسلم : « من دخل السوق فقال: "لا إله إلا الله وحده لا شريك له ، له الملك وله الحمد يحيي ويميت وهو حي لا يموت بيده الخير وهو على كل شيء قدير" كتب الله له ألف ألف حسنة ومحا عنه ألف ألف سيئة ورفع له ألف الف درجة » .
نبدا ببداية صحيحه
كيف البداية الصحيحه
انزل السوق راح اشتري
جزم مثلا
اخد الوان معينه
الدهبي الفضي البني الاسود مع شنطتهااا
جاايبه لكم صور علان الموضوع مايكون ممل
وع فكرة ترى انا اتسوقت من الانترنت اخترت الاشياء اللي عجبتني يعني كاني من جد رحت السوق وجت لكم واخترتها والله على حسب مايعجبني وكل الاشياء اخترها بالصدفه مو من تخطيط بس راح تتفاجؤا انه كيف راح نوفر
المهم هالاشياء الي اخترتها
ناقص بعض الالوان بس اعتبرونها موجوده
وبعد اخد اكسسوارات للاعراس يعني فخمه
اكسسوار فضي طقم كامل مع ساعه
اكسسوار دهبي
خلاص هالاشياء اساسية يفترض انها تكون عندك حتى لو تشترينها وتجلس بالدولاب مافي ماانع
الشهر اللي بعده وانت طيبه
لو هي مثلا اجازه وموسم اعراس اكيد انت عارفه تقريبا عرس مين بيكون في الاجازه يعني عارفه العدد
خلاص اشيل مبلغ معين كل شهر لفساتين السهرة لو قبل موعد الاعراس باكثر من اربعه خمس شهور مو مشكلة شيلي المبلغ ويفضل لو انك تخلينها مثلا في صراف او عند زوجك علشان لاتضعين المبلغ
قرب الزواج انت ماشاء الله مجمعه مبلغ ورحتي السوق
خلينا نكون صريحين اغلب الفساتين الحلوة بتكون سعرها بادئ من الف ريال صح ولا لا
لاتقولين ابي تفصيل مابي احد يلبس مثلي ولاتقولين ابي فستان ب 3000 لو تفكيرك بهالشكل افتكري وش قلنا عن الاسراف
المهم يعني لو 6 شهور شلتي منه كل شهر 500 راح يصير عندك 3000 صح
فالنفرض انه عند 3 افراح
ماراااح اكون متشدده معاك كثير وسط:D
نشتري 3 فساتين فستان نروح بيهم فرحين والفستان الثالث نروح بيه فرح واحد ولو بعد فترة جاتك مناسبه البسيه
امم شوفوا اللي جبتها لكم:D
هالفستاين اللي شريناها
طبعا انت توك دافعه مبلغ
بااقي لك جزم اكسسوار
الحمد لله موجوده وانت محتفظه بيها
الفستان الكحلي يبيله جزمه فضي على حسب تطريزه واكسسوار فضي
والفستان الرمادي بعد يلزم له جزمه فضي واكسسوار فضي
والاخير جزمه دهبي واكسسوار دهبي
وحاولي يكون فستانين مثلا فضي وفستان دهبي لييه
علشان لو رحتي الفرح الاول والثاني لبستس الفضي بالاكسسوار الفضي
راح يكون الزواج الثالث لابسه دهبي ومغيره الاكسسوار
اما لو كان الثالث برضوا فضي راح تضطري تلبسي نفس الاكسسوار
بهالشي تكون انتهت مشكلة الاعراس وفساتينها ووو
وصدقيني ترى مافي احد يفتكر فلانه وش كان شكل جزمتها او الاكسسوار
طيب اكيد كل الكلام اللي قلته نسبي يعني فيه منكم لو شالت 500 يبقى عندها 300 او 600 اواو
ولاتستغربون احيانا بنات ماشاء الله يكون مصروفها لوحدها 1500 ومع هالشي تشتكي مازاد معاااي شي
نرجع نكمل
شلتي مبلغ لفستان السهرة طيب والباقي
بتكون للطلعات العادية
تاابعوووني
يعني ابي ملابس سهره وملابس للطلعه وجزم وشنط وووو
في اشياء بسيطه ماتكلف
مثلا الاكسسوارات العادية اسعارها بسيطه خليك كل مانزلتي اشتري وحاولي ماتكرري نفس الالوان
فلو مثلا حااسه انه عندك مبلغ زايد وخاايفه تضيعينه ممكن تاخدين لك كم قطعه وتحتفظين بيهاا الين ماتجي لك منااسبه
وفي نفس الوقت حاولي القطع اللي تختارينها الوانها تكون متوفره عندك بالبيت
يعني مثلا انا اخترت هالبلايز
من جد انا اخترها لانها عجبتني مو لسبب ثااني
بكدا تكون عندي البلايز
طيب والباقي انا اقول لو شريتي تنوره سودااا ورايقه راح تقدري تلبسينها على كل هالبلايز
ممكن تقولين مو معقوله البس نفس التنوره مع كل البلايز لازم اغير
طيب بقول لو غيري
ممكن تاخدين تنورتين بس تنوره سوداا والثانية بني لانه هي اللي راح تمشي مع لبلايز اللي اخترتها صح ولا لا
والاكسسوار بطبيعه الحال بيكون موجود لاننا قلنا كل مره ناخد اكسسوار بسيط بالوان مختلفه
ولو عندك اكسسوار اسود راح تلبسينه على كل القطع
واكيييد الجزمه السوداا متوفره
تااااااااااااااااااااااااااااااابع