سلام عليكم وكل سنه وانتوا بخير يارب
بنات انا متزوجه لي سبع سنين تقريبا ..اول ماتزوجت جلست سنه ماحملت بعدين ربي كرمني وجبت اول بنوته...والحين عندي اربعه حملت ورى بعض 5 سنين واربعه وسنتين ونص والصغيره شهرين اعمارهم
حملت مع اني استخدمت العزل اول شي وبعدين حبوب وكلها احمل عليها....الحين بركب لولب ان شاء الله
المشكله فين اني صايره موسوسه اني احمل مره ثانيه وانا حلاص تعبت برتاح وبريح جسمي ...احس وقتي كله مع البزوره وتعرفون كيف عاد الله يصلحهم..الحين استخدم حبوب ومانعه زوجي يقرب مني احس اني بحمل واوسوس اني احس غثيان ولا ظهرى ولا اي شي وماطمن الا لما تجي الدوره صار تفكيري كله اني اكون حامل مع انه اخذ مانع وبنتظام وبحرص وزوجي جننته معي ..وبركب لولب هالشهر ان شاء الله بس كمان اقول بحمل اعرف حظي خلاص احس تعبت بشيل هالفكره من راسي مو قادره ..
برجع طبيعي بنسى موضوع الحمل مو قادره وزجي بدا يمل ويلمح بالكلام بس غصب عني انصحوني بنات خلاص احس راسي طول اليوم يفكر لو حملت ايش بيكون وضعي وكيف بستحمل انا مهمنى شغل البيت ابدا لاني منظمه وضعي ومساعدني زوجي الحمدالله بس همي عيالي خلاص احسهم انظلموا مو كل واحد اخذ حقه بتربيته واهتمامه
الله يوفقكم بالايام الفضيله هذي الي تنصحنى وتقولي كيف ابعد هالافكار من راسي ان خلاص مدام اخذه مانع بنتظام مايصير حمل
والحمدالله يارب قبل كل شي الي رزقني بعيالي ولايحرمنى منهم ...
بيت وسفر @byt_osfr
محررة
يلزم عليك تسجيل الدخول أولًا لكتابة تعليق.
الصفحة الأخيرة