مساكم الله بالخير
يا حريمات وبنتات حواء
عندي أقتراح
ليه ما نسوي موسوعة للبهارات نرجع لها وقت ما نحتاج أي نوع من البهارت من جميع الأخوات المشاركات في عِالم حواء يعني من الدول الخليجية والعربية
مثلاً ممكن في بهارات تشابه بعض بهاراتنا بس يمكن لها اسم عندنا وعندهم اسم ثاني ..........
في بعض الألإخوات ماعندهم خبرة جيداً في الطبخ مثلاً العرايس الجدد :3_10_6: أو حتى البنات اللي يبغوا يتعلموا الطبخ على أصوله يعني على وش زواج وعمتي أم زوجي تقول إذا نفس الحرمة حلو فهو من بهاراتها ( الله الله ) :icon28:
وفي بعض الطبخات لها بهارات معينة ما تكون عندك في البيت وتحتاجينها حيييييييل
فخلونا نسوي ها الموسوعة علشان الفايدة تعم الجميع (الطبخات الماهرات)<<<<<مصدقة نفسها :D
وابدأ
بسم الله
طبعاًالمقدار كاسة شاي ( بيالة) واللي تبغى تزيد مقدارين أو ثلاثة <<<<<يالله دوخة بالكلام
بهارات أمي الله يخليها لي :
نص كاسه كمون صحيح
ربع كاسه هيل صحيح
ربع كاسه فلفل أسود صحيح علشان لايصير حار مرررررة
نص كاسة أعواد قرفة صحيحة (دارسين) تكسرينها علشان لاتكسر لك الطحانة هاهاها :D
نص كاسة كزبرة ناشفة صحيحة
هاذي بهارات الشوربة الحب
وأيضاً الكبسة الاساسية أو اللي أحنا نسويها ونضيف لها الخولنجان المطحون وقليل من الكركم المطحون وفيه ناس يحطون شوية شيبة ولومي ويستغنون عن الكركموناس يحطون بس الاساسية اللي فوق فقط لاغير <<<< هذا مو شيك يا خمعة :22: .
بهارات الغاراماسالا
10 حبات هيل أخضر صحيح
6ملاعق طعام من حبات الكزبرة الناشفة
4 ملاعق طعام من حبات الكمون المحمص
10 حبات من كبش القرنقل ( المسمار)
عود قرفة كبير
ملعقة طعام من الفلفل الأسود
3 ورقات غار
ملعقة طعام من مسحوق جوز الطيب
ملعقة أو ملعقتين شمر أخضر ( سنوت أو حبة حلوة ) براحتك
ملعقة أو ملعقتين حلبة مطحونة لأنها إذا كانت حبوب ماراح تنطحن زين تتعب في الطحن.
بهارات الشاي العدني :
كاسة شاي هيل
نص كاسة شاي كبش القرنقل (مسمار)
نص حبة من جوز الطيب (أنا أسوي مقدارين )
وتطحنيهم وحطيهم على الشاي العدني وبالعافية
والله الله بالمزيد
ولكم تحياتي