طيب بقولك ايه يا سناء

بما انك شوفتى شكل الادوات ديه ممكن نشوف اى حاجة ممكن تقضى الغرض حتى ولو كان شئ ننفذه بأدينا

يعنى مثلا اللوح اللى بنقطع عليه القماش ممكن نستعيض عنه بقطعة خشب وننفذ عليه المربعات ديه

ويا ريت لو تعرفى تصورى الكتر الدوار يا ريت عشان نشوفه

وجزاكى الله خيرا مقدما
بصراحة انا نفسى اشتغل الترقيع على المكنة هيكون اسرع ....عشان ابنى الصغير مش بيهنينى انى اعمل حاجة .....

ويا ريت تقولىلى مكنة برازر جيباها بكام ....اصلى ناوية ان شاء الله اشترى مكنة

والسلام عليكم ورحمة الله وبركاته

تسلم ايديكى على كل هذا المجهود الرائع واخلفه الله عليكى وعلى ابنائك

ايه كده خلصتى الموضوع انا كنت عاوزه استفيد اكتر واكتر من عمايل ايدك تسلم ايدك

بسم الله الرحمن الرحيم

بصي ياروعة الماتة ميزتها ان بها مربعات وقياسات بتظبتي عليها القماش قبل قطعه بالكتر الدوار علشان القياس يطلع صح في كل القطع والمسطرة العريضة برده لاني انا جربت وعملت قطع بدون هذه الادوات ولم تطلع معي مظبوطة وعلي العموم اخر حاجة اذهب لها واقول خلاص مافيش فايدة هي مكتبة سمير وعلي
ويارب اعثر عليهم وسوف ارفع لك صورهم ان شاء الله لما يجي ابني لاني انا مش بعرف ارفع صور الي الان مع تحياتي

والسلام عليكم ورحمة الله وبركاته

اه معلش ياروعة نسيت اقولك انا جبت الماكنة اللي عندي من زمان وكان ثمنها تقريبا 750 جنيه اما الان فليس عندي فكرة بس احسن مكان تشتري منه مكن الخياطة شارع شريف موثوق فيه لان الرويعي عايز يكون معاكي حد كويس بيفهم في المكن لانهم بيبيعو مكن مستعمل وشكرا

والسلام عليكم ورحمة الله وبركاته