موسوعة الصالونات كل وحدة من الامارات تتدخل

هلا اخواتي يتني فكرة شو رايكم ياعرايس حواء انسوي موسوعة كا ملة عن الصالونات اللي في الامارات


وعن خبيرات التجميل الموطنات واللي جربت صالون واو اي خبيرة


ممكن انسا عد بعض انا بخبركم عن الصالونات وكل وحدة اتقول رايها في الصالون اللي جربتة









اما عن المكياج والتسريحة خلونا انقسم الصالونات اللي زين في المكياج واللي في التسريحة شو رايكم يابنات وكل بنت لها راي في صالون


صالون مشكبار((هندي)) من احسن الصالونات والمعروفة على مستوا الامارات ولاعروس طلعت من عندهم خسفة سوري كل العرايس حلوات من كل النواحي التسريحة والمكياج واخفاء العيبوب سوا العروس بيضا او سمر او حنطية

صالون موار ((لبناني)) زين مكياجهم ويناسب البيض بس لاتغمرين اذا كنتي سمرا لانهم مايعرفون يتعاملون مع البشرا السمرا مول يطلعونها بهلون يوم العرس وهي طبعا ليلة وحدة ماتتكرر

صالون ايمان في الميكاج ووايد حلوة مكياجهم للحنطيات والبيض وحتا السمر ومن اقدم الصالونات في دبي اقدم عن موار وغيرهم

صالون الوداد ((هندي)) مكياجهم نفس مشكبار بس الفرق في السعر وانهم ما عندهم نفس زحمة مشكبار واللي اتمكيج طلعة من عند مشكبار مكياجها مميز

صالون المعالي آنا شايفة المكياج على ربيعتي ((هندي))بس المعاملة مول مب زينة بس الشغل اوكية

صالون غواطيس في الكرامة مركز الشريفي مووووووووووول مب زين كلة زيت في زيت
اللي اتمكيج دليلة مغربية ماتعرف مووول المغربيات معروفات حق الحمام المغربي مش للمكياج نصيحة مب ززين

مركز قنطار اللي في ديرة يبعون ماركة كرولايون كانت عندهم وحدة اتمكيج زين يقولون طلعت حلوة مكياجهم بعد

صالون رفال((لبناني)) اللي في ديرة في التسعيان كانت لة سمعة اما الحين مش ووايد عرايس ايسرون عندهم

صالون عمرو((لبناني)) اللي في ديرة مول مب شي الصراحة آنا شفتة في فنجان قهوة ما اعتقد انة في عروس تيغي أتجازف يوم عرسها


صالون((هندي)) روبي في ديرة من اقدم واحسن الصالونات من المكياج روعة واللة

صالون مني((لبناني)) مساكين آنا من راي مش حلوة بس حق اللي تبا لة


بنات اخاف نسيت صالون من صالونات دبي احنا اتكلمنا الحين بس عن المكياج ما قلنا شي عن التسريحة

هيفاء صفر معروفة في حد يمدح واحد يذم وانا ماايعيبني مكيجها بس انا شفتة في المجلة

هند الاميري ايقولون روعة ما ادري

عايشة المطوع شفت حلو وبسيط

ندا شفتة على ربيعتي وووايد حلو وسعرها بعد 1100 للعروس يستاهل

ام سيف اول مرة اسمع عنها في المنتدي ولا اعرف احد جربها

عذبة شفت مكياجها روعة في عدد زهرة الخليج كانت امكيجة عارضات اول مرة بعد اسمع عنها
واذا اتعرفون اي مواطنة خبرونا