على فكرره بنااات عيييب يجووكم ضيووف
والبيت حوووسه وهم قايلين لكم عن زيارتهم
او ماتقدمين شي حتى لو جاهز المهم شي
يتقدم لو عصير المراعي تصبيه بكاسات مزينه
مع فواكه او مصاصات حلوه وابو ريالين ماخلا شي
هذا اذا مستعجله وماعنك وقت وداايم خلي
اغراض البسبوسه او حلى تتقنينه ويكون جاهز بنص
ساعه تسوينه ع بال ما تلبسين وتمكيجين
وتعطرين المجلس
عل طاري العطر :)
عيب تنشرب قهوه ولا شاي او بالكاس
او مع اكل ولا بالملعقه طعم عطر
حاولي ماتتعطرين الا اذا دقو الجرس
ولا تكثرين عشان مايصير يكتم
بنااات دااايم خلو المجالس والصاله والمطبخ
وحمااام الضيوووف نظيف باستمرااار
انا وربي غرفتي تظل حوسه عادي
لاني ادري مصيري لها ولازم تنحاس كللل يووم
بس اخذت من هالمنتدى افكاار البنات الله يجزاهم
خيير وقاعده اطبقهم مو عيب الواحد يعترف بغلطه
ويطلب من احد يساعده العيب يظل على غلطه
بس عشااان تظل اطوول مده مرتبه الغرفه
واهم شي واجهة الضيووف تبيض الوجه
لان مايجيها استخداام حنا ماندنا خدامه
بس حمدلله امي معلمتنا على كل شي
تخلينا شهور بدونها عشان مانتعود على
الكسل والرفاله
والبيت ماشاءالله يلق مقسمته
بيني وبين اخواتي اللي
اصغر مني بالمتوسط وبخامس
ابتدائي ويعتمد عليهم ماشاءالله
وهم حتى بغرفهم انظف مني
لان غالبية الشغل علي الفطور
العشاء والغداء ايام العطل والاوفات
والخميس والجمعه والغسيل
والكوي والتشطيف والمسح
والحمدلله ماعاد بقى شي
وتجي وتريحنا من مهاام ع الاقل
الملابس وغسيل المواعيين
طوووولت سسسووري بنااات بس
غصب عني مااصدق افضفض لاحد عن شغل البيت....:)
هنووو92
•
هنووو 92 .. ما شاء الله عليك إضافات راااائعة ومنكم نستفيد
أحياناً الشخص يتصرف خطأ عن جهل ومو متعمد .. والمواضيع هذي نتعرف على عيوبنا ونصححها
ألف شكر لكٍ ولصاحبة الموضوع
أستغفر الله
أحياناً الشخص يتصرف خطأ عن جهل ومو متعمد .. والمواضيع هذي نتعرف على عيوبنا ونصححها
ألف شكر لكٍ ولصاحبة الموضوع
أستغفر الله
الصفحة الأخيرة
* عيب تزوري ناس ويضيفونك ويسقبلونك وتسولفي وتضحكي معاهم
وبس تطلعي تسولفي بكل اللي قالوه واللي شفتيه باسلوب انتقاد
وفضيحه
*عيب تشوفين الخطا عند وحده ولا تنبهينها بس تروحين
فلانه فيها وفيها
*عيب ماتروحي لناس الا لهدف معين او تنقل اخبار
(يعني اشوف ناس تقطع باقاربها وبس تتطلق بنتهم
او يصير فيهم شي ويبو الاخبار يجو ويصلحو العلاقه
بس عشان ينقلو الاخبار من المصدر)
*عيب تراددي زوجك قدام اهله
*عيب تسوو عزيمه وجيرانكم مايدرو
او ع الاقل ترفعين لهم من الاكل الكثير
*عيب تكبي الطعام النظيف في الزباله وانتي تعرفي ان احد يفرحه
*عيب تلبسي الملابس اللي تبين الزنود
قدام عمك اخو ابوك او عمك ابو زوجك او ابوك اخوك المهم رجال
حتى الحريم استحي منهم فما بالكم الرجال
*عيب تقاطعي جدك او عمك وهو يسولف عشان تصححين معلوماته
انتظريه بعد مايخلص واذا مايعنيك او مايخصك اسكتي
*عيب بس يجي زوجك تساليه عن امه واخواته
وايش سوو وايش قالوا وتحرضينه عليهم
*عيب احد يتكلم بام زوجك او زوجك وانتي ساكته
لازم ماترضين وتعتبرينها بمقام الوالده
*عيب تنسي نفسك مع بنات الضيوف
ولا تنتبهين لهم خلصوا شرب اكل
يبون او لا لازم تشيلين لا يتكدسن
المواعين بالمجلس
او تتكلمين وتضحكين وصوتك
يصير اعلى من صوت اممك والضيفه
* عيب لما تروحي لناس تدخلي للمطبخ
بدون استاذن يعني بقط الميانه
(انا عني عادي قرايبي حيل متعوده
لاني ادري ماينقدون ويقلولي الصح او الغلط بالوجه)
وجهن يبكيك ولا وجهن يضحكلك ومن وراك الله اعلم
*عيب تجي عند ناس ع غفله
*عيب تروحين لبيت ناس وتطالعين بكل مكان بالبيت
وعينك تدور بالمكان او ماتعطي الحرمه مجال تسولف
وتطالعينها
*عيب احد يسولف عليك امك ابوك عمك خالك اخوك,,,,الخ
وانتي مو معاه تطقطقي بالجوال
*عيب وحرام تطلب منك الوالده شي وتقولي طيب طيب
وتستنى ساعه عشان تسويلها اللي تبي
* عيب تقهوي بيدك اليمين وتمدي باليسار >>اتوقع الكل يعرفها
*عيب يروح زوجك ويجي وانتي بنفس اللبس
*عيب تراسلي ع الواتس عن اشياء انتي ماتسويها
*عيب تتزوجي وانتي ماتعرفي تطبخي اشياء ع الاقل خفيفه
*عيب يكون لزوجك اخو بالمتوسط وتعاملينه
مثل اخوك تستهبلي وتضحكي عليه وتقولين قدامه بزر
وتنتقدينه او تفشلينه الرجال ماينسى
ع الاقل استحي منه خلك خلوقه
عشان يصير لك هيبه واحترام ويضرب فيك المثل
بكرى لا كبر وبس تحسي انه كبر وصوته تغير لازم
تتغطي عنه وبهالوقت الواحد باول متوسط تخافين منه
قرقت كثييير وطووولت على فكره انا مو متزوجه
بنت بس الحمدلله ديننا ماخلا شي ولا الوالده
ولا الاخوات او الصديقات الصالحاات حتى المعلمات
علمووونا اشياء كثير الله يجازيهم خير
بنات بقولكم شي يلخص كلامي عن اذا طلعتي
من ناس وتكلمتي فيهم او سبيتيهم
او على قولتك مو شي بس سوالف وعادي
او تسولفين مع امك او زوجك عن حماتك وسلفتك وعمتك
قبل لا تتكلمين تخيلي انها عندك تتوقعي تقدري تتكلمي
او ممكن ترضى وانتي تسولفي عنهم بهالطريقه
او تخيلي مرت اخووك تتكلم عن امك او عنك
عند اهلها والحياه دين اي شي تسوينه
تاكدي بمكان اخر ان احد بيفضحك وبيتكلم عليك
وقبل كل شي هذي غيبه حرام تسووها
حتى لو هالشي فيها اكتمي سرها
واستري عيبها ان مانطقت بها بوجهه لاتذمه في ظهره
اما سوي معروف وقولي لها او سوي احسان واسكتي
مااحد بيسالك ولو سالوك ردي عن عرضها ولا ترضين عليها
شي مهما سوت لك هالانسانه ردي الاساءه بالاحسان
بالنهااايه العيييب اشياء كثييره لا تحصى
وانتم ماقصرتو وبخلي مجال للي يبي يشارك
بس الواحد قبل يسوي او يقول الشي يفكر فيه
1/بيرضي ربه
2/بيرضي الانسان اللي قاعد يسولف فيه
3/بيرضاها على نفسه لو سمع ان احد تكلم فيه بالسووء
وبعدها يتوووكل ...............
يعطيكم العافيه اخوواتي وخصوصا
انا وعيلتي ع هالموضوع الحلووو
جزززيتم خييرا :),,,,,,,,,,,,