مشكوره

ما شاء الله عليكي يا دكتورة ، تعجبني مواضيعك بشدة . الله يجزيكي كل خير ..

انا اتعقدت وجالى احباط نفسى ارضع بنتى طبيعى
كل ما احطها على صدرى عياااااط وصريخ واتعودت على الصناعى لحد ما لبنى قل جداااااااا
اعمل ايه
امنع عنها الصناعى ولا اعمل ايه؟؟؟؟؟؟؟؟؟؟؟؟

سلامتك
لا تقلقى كله خير ان شاء الله
لازم تهدى لان اهم شىء يقلل اللبن سوء الحالة النفسية
اولا لازم تحكيلى بالتفصيل
لم اخذت صناعى من الاول؟
هل عندك اى مشاكل فى الرضاعة غير انها اتعودت على الصناعى؟
الحل انك تقللى استعمال الزجاجة بالتدريج
وراجعى موضوعى طفلك يرفض الثدى وضعيها على صدرك بدون ملابس كما فى الموضوع وانتظر ردك

انا بعتلك فى مشاركات قبل كده
بس فعلا انا تعبت .. انا كنت فقدت الامل بس لما قرأت مواضيعك صممت انى ارضعها
انا امبارح حاولت معاها من الساعة 11 بليل للساعة 3 ونص الصبح عياط وصريخ ومش راضية تاخد صدرى ابدا مع انها كانت جعانة جدا كانت من 7 مأكلتش لحد 3 ونص بليل يعنى اكتر من 8 ساعات

انا ولدت قيصرى واللبن نزلى بعد حوالى 10 ايام كانت فيه قشرة رقيقة على الحلمة اتقشرت من كتر الرضاعة وبعد كده بدأ ينزل اللبن
فالدكتور كتب على لبن صناعى لان البنت ماكنتش ينفع تفضل من غير اكل
البنت اتعودت على البيبرونة لحد ماكرهت صدرى والبن فضل يقل لحد مايدوب بينزل نقطتين بالعافية بالشفاط
بقول يمكن النقطتين دول الى فيهم الفايدة
لما نزل اللبن فى الايام الاولى كان كتير لدرجة انى صحيت من النوم لبسى متغرق لبن
بس ماكنت اعرف انى لازم اشفطه بالشفاط عشان يزيد
وماكنتش اعرف ان كتر الرضاعة بيزود اللبن
فتقريبا فضل يقل لحد ما نشف
دى اول بنت لى وليس لى خبرة
انا دلوقتى نفسى لبنى يرجع كتير تانى ونفسى بنتى ترجع ترضع طبيعى
فى حل؟
ساعدينى وقوليلى اعمل ايه بالظبط