زي الشاطرة كده تجيي الجمبري من ظهره و بمقص صغير تقصي القشر من الراس للذيل
: (ماتقصيش الذيل طبعا)
و تشرطي شرطة بالسكين بالراحة في مكان االعمود الفقري بتاع الجمبري في لحم الجمبري نفسه
(طبعا هو مالوش عمود فقري بس انا بحاول اوضحلك الصورة)
هتلاقي زي عرق كده هو ده امعاء الجمبري
اسمة كيس رملى
ودة لازم يتشال سواء هتعملوة متنضف او بقشرة باى طريقة لازم الكيس دة يتشال
ياأما مش هيبقى جمبرى هيبقى زفارة
بعدين كدة الطرق التلاتة بالترتيب
اولا
الجمبرى الصينية اللى بقشرة
بصلة كبيرة مقطعة معكبات صغيييرة
طماطم كبيرة مقطعة مكعبات صغييييرة
فلفل رومي كبيرة مقطعة مكعبات صغيييرة
ملعقة صغيرة ثوم مهروس
ملح وفلفل وكمون وسنة زعتر لو موجود
اقل من ربع كوب خل
وليمونتين
شوية زيت
و تنقعي الجمبري في ماية فيها دقيق و ملح و ليمون
دة الاول طبعا
بعدين تعملى التتبيلة بالمقادير اللى فاتت
وتحطى كل الحاجات دى فى صينية ومعاها الجمبرى االمنقوع فاليمون والدقيق
و نحطها علي البوتاجاز من فوق
بعدين ندخلها الفرن
طبعا دى طريقة
بس فى طريقة تانية للى بقشرة
فى طريقة الجمبرى اللى بقشرة بس فى صوص طماطم بالتوم زى بتاعة المسقعة
وبيقولولى حلوة جدا وبسيطة
بس كترى الصوص
وحطيها عالبوتوجاز شوية واول مايتسبك تدخليها االفرن تاخد لون
الطريقة التانية
طريقة الجميرى المتقشر المشوى
ودى بقى انا بعملها وانصحكم بيها
طبعا هتنضفى الحمبرى زى مااتفقنا بس سيبى الديل
بعدها تحضرى
بصلة متوسطة مفرومة كويس اوىوحطى عليها شوية ملح وسيبيها خمس دقايق
ضيفى عليها 5 ملاعق كبيرة كاتشاب
وتوم مبشور
وملح وفلفل وكمون
وتوابل سمك من عند العطار
وليمون كتير ممكن 6 ليمونات وشوية خل
لحد اما لتتبيلة تبقى ماريناتيد خالص
مليانة مية يعنى
وتحطى فيها الجمبرى على الاقل ساعة
بعدها تجيبى بصل مقطع اربع ومتفصص ورقة ورقة
وفلفل اخضر مقطع مربعاات عريضة شوية
وتجيبى اسيااخ خشب
وتسيخى بقى يامعلم
ورقة بصل ومربع فلفل وجمبرياية
كا سيخ علية جمبريتين وتلات صفوف بصل وفلفل
وتحطيهم مع زيت بسيط وفالفرن من تحت مش عاى شواية الفرن على ورق فويل وعلى نار عالية او متوشطة بلاش نار هتادية علشان ماينشفش
بس ياستى وبالهنا
الطريقة التالتة
طريقة شورية االحمبرى
اولا لازم يكون عندكم شوربة حلوة مثلا شوربة لحمة او فراخ مركزة
لو مفيش ممكن تستخدمى مرقة دجاج
بصلة متوسطة
جزرة صغيرة2
عود كزبرة خضرة
عود كرفس
مستكة ودى ضرورية
طماطماية متوسطة
وتواابل شوربة متكاملة(حبهان وقرنفل وكراويا وورق لورى وكدة يعنى
حطى دة كلة فالشوربة وعلى النار
بعد متغلى
ضعى عليهم راس سمكة او سمكتين
و كام راس جمبرى
وسيبيهم يغلو كويس
حوالى ساعة على نار هادية
بعدها حطى عليهم ربع كوب ماءاو حليب مذوب فية معلقة كبيرة دقيق(ممكن فريش كريم بدل الحليب)
ودقيقتين كدة او ماايربط اقفلى النار من علية
وباالهنا والشفا
وماتنسوش تقيمو الموضوع وتقولو رايكم
:cook::cook: