كوبونات الراقية تسجيل الدخول

ورديات
ورديات •
لوحات جنااااااااان الله يحفظك ويرعاك ويزيدك من العلم النافع وييسر امورك يارب

ونحن ننتظر الدروس ياقمر ؟؟؟؟؟

وربي يعطيك العافية ويجزاك عنا كل الخير يارب
seham.megahed
seham.megahed •
ورديات ورديات :
لوحات جنااااااااان الله يحفظك ويرعاك ويزيدك من العلم النافع وييسر امورك يارب ونحن ننتظر الدروس ياقمر ؟؟؟؟؟ وربي يعطيك العافية ويجزاك عنا كل الخير يارب
لوحات جنااااااااان الله يحفظك ويرعاك ويزيدك من العلم النافع وييسر امورك يارب ونحن ننتظر الدروس...
تسلمى حبيبتى ربنا يبارك فيك

حببتىالخامات جلد طبيعى والورد من الشمواه

ربنا يرزقك كل الخير يارب

والجنه ونعمها



ماما زوزو حبيبتى ازيك ياقمر

حاضر ياجميله

ان شاء الله بعد الرد هذا اشرح اللوحات بتتعمل ازاى

تسلميلى ربنا يخليك ويبارك فيك يارب
ويرزقك كل الخير وصلاح الاحوال وراحه البال

والجنه ونعمها




دعاء ياقمر

اى فن فيهم عجبك
الى عرضوا الى الان اربعه فقط

ربنا يوفقك وتقدرى تتعلمى كل الفنون الجميله

وتعلمى كمان ياقمر

ربنا يرزقك كل الخير والجنه ونعمها



جبل صبر ياجميله

ربنا يباركلك فى صحتك وعافيتك يارب

ويرزقك كل الخير

اللوحات هذه جلد طبيعى وشمواه

ربنا يكرم وان شاء الله نطلع من هنا فاهمين الشغل ده بيتعمل ازاى



جود لك يافنانه
ربنا يبارك فيك

وان شاء الله توصلك كل المعلومات ان شاء الله تعالى

ربنا يرزقك كل الخير والجنه ونعيمها



ورديات ياجميله

ربنا يوفقك ويبارك فيك

ان شاء الله تتابعوا معايا وتعرفوا الفنون دى بتتعمل ازاى

ربنا يرزقك كل الخير يارب

والجنه ونعمها يارب
seham.megahed
seham.megahed •
بسم الله الرحمن الرحيم


اللوحات هذه من الجلد الطبيعى

وليست من الجلد الصناعى وطبعا ممكن نعملها على جلد صناعى ولكن

الجلد الطبيعى طخين اولا

وظهره وبره خفيفه او شبه الزعب

والجلد الصناعى ظهره قماش جيرسيه

لما نعمل الورد الظهر حيبان ويعطى نتيجه مش مرضيه

الا لو كانت الورده مش باين ظهرها

زى اللوحه باللون الروز الى فاتت

الورده عباره عن قطعه مستطيله ولفنها ورا بعض

من خصائص الجلد الطبيعى

انه عندما يوضع فى ماء لمده 4 ساعات تقريبا

الى 12 ساعه ينتفخ طبعا الساعات حسب طخن القطعه

نقدر نشكل عليه الرسومات الى احنا عايزنها

ولو كان رقيق شويه نمرر عليه قطنه بماء ساخن لمده ربع ساعه تقريبا وساعتها سينتفخ

ساعتها ممكن نعمل نرسم على ورقه شجر الخطوط الى احنا عايزنها والتعرجات الى احنا عايزنها

بقلم لايكتب

بالنسبه للورده نقدر برده نعمل تعريجات فى الورقه من الامام حتى تعطى نتيجه رائعه للورده

خلاص اتفقنا الاول نتعامل مع الجلد ازاى

وطبعا ممكن كمان بالحرق على الجلد بماكينه لحام القصدير مثل الحرق على الخشب



نيجى للشغل الى احنا شايفينه ده

الورده مثل الورده البلدى التى وضعت فى الموضوع الخاص بالورود

الى فى توقيعى

وافضل باترون ليها القلب

الورقه على شكل قلب

وممكن كمان فى بعض الورق من بعد مانجمع قلب الورده
نيجى على الورق الى بعد كده

يعطى كسره خفيفه فى الورقه من تحت فى منتصفها حتى تفتح وتنتج بعد للورده

والباقى عباره عن ورقه شجر كبيره ومكسرنها

بالشكل الى امامنا وطبعا مثنيه من الجهتين


وقطع مكششكنها وضعنها فى الخلف

بالنسبه للورده الصباغه هنا برش الدوكو الخاص بالعربيات

وهو بيباع على شكل اسبراى كلنا عارفينه

بيقص الورقه

وبعد ذلك وضع على كرتونه مثلا وترش بالدوكو

ونفس الموضوع لباقى الشغل الذى حول الورده

كله بيرش بالدوكو

ولو كنتى عايزا تظهرى جزء فاضى نغطيه باى ورقه عليه حتى لااخذ اللون


بالنسبه للصباغه على اللون الغامق

ولو كنتى عايزا تشتغلى على لون فاتح ممكن صبغات كتيره جدا

منها الوان الزجاج التى وسيطها فى التركيب مياه او التى وسيطها تنر

وممكن الوان جواش الوان رسم على القماش

طالما اللون فاتح اللون مايتعب

نيجى للتجمع

ياماما زوزو

حبيبتى الجلد لايعامل بالغراء الابيض خالص

الغراء الابيض عايز على الاقل يوم لينشف

ولكن

اللزق الخاص بالجلد هو الكله بضم الكاف

سواء العاديه او الالمانى

ودى بتكون بدهن الجزئيين المراد لصقهم

وتركها فى الهواء لمده نصف ساعه تقريبا

وبعد ذلك يتم اللزق

وانا مش عارفه اسمها فى باقى البلاد


ولكن ممكن نسال اى حد بيفصل احذيه اعزكم الله

او اى حد بيشتغل سروجى سيارات

لانهم الذين تعاملوا مع لزق الجلد ببعضه




نرجع تانى للتجميع

بصى اقمر

بعد مانرش الدوكو على الورده ضاع منها خصائص الجلد بالنسبه للزق فى بعضه



نعمل ايه ؟؟؟؟؟؟؟؟؟؟

هاتى صنفره وصنفرى الجزء الذى حيلصق مع بعضه حتى تمسك فيه الكله بضم الكاف

او تحاسبى فى الرش انك توصلى للاماكن التى حيلزق منها



فى طريقه تانيه كمان

بالنسبه للورد اننا نخرمه بالخرامه من تحت ونجمعه بخيط او سلك مع بعض ويضغط جامد وساعتها حنخرم البطانه ونعدى منها السلك او الخيط ويثبت على هذا

ولو ان اللزق الالمانى قوى جدا ممكن يلزق بعد الرش


بالنسبه للضهر هو بيكون جلد كمان

وهناك الى بيصنعوا هذا الفن بيستخدموا مسامير ضغط للجلد

بتجمع فيها الورود وتضغط على الظهر

طبعا لايوجد صور توضيحيه للى انا بشرحه

لكن هى دى الطريقه التى يشتغلوا بيها

وطبعا هذا الفن من الفنون التى تحجب عنا ولايعرضوا شغلها

لكن هذا ماقراته وعرفته من مواقعهم فى التعامل مع الجلد
وكمان ممكن الورده تتعمل بالشمواه وبرده يتلزق بنفس الماده

والشمواه ميزته وشه مثل ظهره وفى ورد جاهز منه فى السوق صينى كتير حسبى الله ونعم الوكيل

واخرا بالنسبه للاطار ممكن طبعا تعمل جلد منه فيه

وانا لسه حعرض لوحات بذلك

وعلى فكره الجزء الطاير من اللوحه على الخشب لايلزق ولكنه يترك هكذا مجسم

والجلد بعد الرش سيكون ناشف فى التعامل جدا

هذه فكره عامه عن المشروع

انا فى انتظار الاسئله

ربنا يوفقكم
seham.megahed
seham.megahed •
بسم الله الرحمن الرحيم

نشوف هنا تجهيز ورق الشجر

بالحرق

وبعد ذلك وضعوا عليها بودر دهبى
seham.megahed
seham.megahed •
بسم الله الرحمن الرحيم

وهذ باترون لورده وضع داخل الموضوع