حبايبي كان عندي كريمة خفق مسويتلي زحمه في الثلاجه لان عيالي الله يهديهم فتحوها وهي لازم 3ايام تستخدم وبعدها لازم تنرمي قلت خليني اسوي فيها شيء قبل تخرب ومن امس وانا احوس وافرفر في مجلداتي وفي النت الين رسيت على وصفه للاخت المبدعه غرومه الله يسعدها على هذي الوصفه وطبقتها مع انها شوي صعبه بس غامرت والحمد لله طلعت رووووووووعه وكانها شغل محلات الحلويات والله جد ما بالغت في كلامي هذي عندكم المقادير المقادير:
1 ك شوكولاته حالية مذوبة "شرايح شوكولاته مع 1\4 ك كريمة سائلة حطيها بحمام مائي وخليها تذوب وتصير سائلة بدون كتل "
2 ك كريمة سائلة
1\4 ك ماء حار شوي + 2 م ك إسبريسو أو نسكافيه "الكمية إختياري ممكن تخلينها م ك بس "
بيضة كبيرة
صفار بيضة كبير
رشة ملح
م ك فانيليا سائلة انا ما كان عندي حطيت البودره
1/2 ك سكر ناعم
1\2 ك ماء حار شوي + 2 م ك جيلاتين
شرايح كيك شوكولاته أو فانيليا
صوص شوكولاته هيرشي
للتزيين:
شوكولاته مرة بودرة
صوص شوكولاته هيرشي
الطريقة:
اخفقي الكريمة السائلة بالخفاقة لحد ماتتكون القمم الصلبة بس لا تخلينها كثير بس تبدى تجمد وقفي الخبط ..
ذوبي 1\4 ك ماء حار شوي + 2 م ك إسبريسو وخليهم على جنب..اخبطي البيض بحمام مائي بسرعة عشان مايستوي البيض لحد ما يثقل الخليط ويصير رغوي "لمدة 30 - 40 ثانية بس" ..
صبي خليط البيض على خليط القهوة مع الفانيليا وحركي بسرعة .. ضيفي خليط البيض والقهوة على الشوكولاته السائلة الساخنة نسبيا واخفقي بالخلاط اليدوي لحد مايتجانس الخليط عدل ..
ابدي ضيفي السكر وخليط الشوكولاته "تأكدي انه برد شوي مو تضيفيه حار على الكريمة" على الكريمة المخفوقة على دفعات مع تشغيل الآلة على الخفق السريع..
ذوبي الجيلاتين وصفيه بمصفاة ناعمة جدا وصبيه على الخليط واخفقيه مره اخيرة ..صبي
شوي من صوص شوكولاته هيرشي السائلة على خليط الموس بدون ما تحركينه ..
قطعي الكيك شرايح وصفيه بصينية قابلة للفتح وصبي فوقه صوص شوكولاته هيرشي ..
رشي الوجه ببودرة السوكولاته المره وفوقها صوص هيرشي السائلة كتزيين وقدميها بالعافية ..
وهذي للمبدعه غرومه الله يعطيها الف عافيه