مرحبا خواتي ^__^
أحزنتني موضه منتشرة وايد هالأيام بين البنات... وااايد وايد أحزنتني :44:
أقول فخاطري.. معقوله يعني لهالدرجه هالشي مب واضح لهم؟؟ أو مجموعة بنات شلو مثل هالشنط والباقين علــــــى طول ركــــض وراهن.. سبحان الله!! هل وصلو أنهم بدون عقل يفكر!
الموضه هيه بختصار... عــلم بريطانيا!!!
معنى شكل علم بريطانيا.. والكلام مأخوذ من موقع الموسوعة الحرة
علم المملكة المتحدة لبريطانيا العظمى وإيرلندا الشمالية يعود لعام 1801 (عام اتحاد بريطانيا العظمى وإيرلندا الشمالية) مكون من صليب أحمر للقديس جورج (شفيع انكلترا)
محاط بإطار أبيض الذي يشكل صليب القديس باتريك (شفيع إيرلندا الشمالية). بالإضافة إلى صليب قطري بشكل إشارة أكس X الذي يكّون صليب القديس أندرو (شفيع اسكتلندا).
الرابط
حكـــم لبس اللباس اللي عليه صليب.. ويشمل اقتناء الأغراض الثانيه طبعا!!
رابط آخر للفتوى
روابط أخرى
بين لبس الصليب ولبس ما عليه صليب - إسلام ويب - مركز الفتوى
http://www.alifta.net/Fatawa/FatawaChapters.aspx?View=Page&BookID=3&PageID=9330&back=true
بعض من طلبات البنات في المنتديات..
ما أتخيل أسير مول و وين ما أصد أشوف كل بنت شالتلها صليب!! المسحيين شوه بيقولون يوم بيجوفون هالمنظر!! شوه بيقولون عن المسلمين وهم معظمين الصليب!!
عفوا بنات بس لا تكونون أمة ضحكت من جهلها الأمم !!!
ملاحظة: هالموضوع موجهه للبنات اللي جاذبتنهم ها اللي يسمونها موضه... وللتاجرات.. للعلم بس.. فيه تاجرات وايد يبيعن مثل هالسوالف في أغلب المنتديات... والموضوع مب موجه لشخص معين.. للكل ^^ وأتمنى نشره
وسبق حطيت الموضوع في منتدى ثاني واتعجبت من العدد الكبير من البنات اللي ماكانو يعرفون أنه علم بريطانيا يرمز للصليب!!... والحمدلله الله بعد عنهم شر هالموضه.. يعني ان شاءالله اللي مب منتبه ..موضوعي ان شاءالله ينفعها دنيا وآخره^^
ونداء للتاجرات.. حاسبو في تجارتكم لأنها بتكون لكم سيئة جارية يتناقلونها البنات
قال رسول الله صلى الله عليه وسلم:
((من سن في الإسلام سنة حسنة كان له أجرها وأجر من عمل بها من بعده لا ينقص ذلك من أجورهم شيئا، ومن سن في الإسلام سنة سيئة كان عليه وزرها ووزر من عمل بها من بعده لا ينقص ذلك من أوزارهم شيئا)) أخرجه مسلم في صحيحه.
ولا تنسون تشوفون علمكم!! يحمل شهادة التوحيد ... وانتو تحملون صليب وتلبسون صليب!!
والسموحه منكم.. واللي تبا تنقل موضوعي يزاها الله خير وان شاءالله في ميزان حسناتها
ويمجدوووونه
معليش سووا زيهم،،
حتى بعض التواقيع للأسف :(