حوائيـــــات
مثل أي بنت عندي هوايات ،،
المطاعم و السوق و الشطرنج و سودوكو و مطارده النامس >> مالت على هواياتك و قسم
و احلى هوايه طبعا الـ make up
الأكيد بعالم الـ make up ان ما في قواعد محدده تمشون عليها
كل وحده و ابداعاتها و طريقتها اللي تميزها
لكن تبقى طرق افضل من بعض
وتقنيات بسيطه تعطيك احيانا اللوك المطلوب باعلى درجه من الاتقان
بموضوعي اليوم راح اتكلم عن البشره
بيس – فاونديشن – كونسلير – باودر
انواعها – طريقه استخدامها – افضل الماركات
و بعض من اسراري >> سلامه عمرتس يا هيلاري
جيبوا كوفي و روقوا ورانا مشوار
EXFOLIATING
قبل أي شي عشان تطلعين باحلى طله
لازم بشرتك تكون نضره و نظيفه
كل ما كانت صافيه كل ما احتجتي make up اقل + تعطيك نتائج احلى
اول خطوه و قبل أي شي نغسل وجهنـا
حتى لو بشرتك جافه و غسلتيه الصباح معليش نغسله مره ثانيه
و نستعمل حبيب الملايين مقشر المشمش من st.ives
يلغي لك اثر أي قشور بالبشره
بعده نبدا بالمرطب اليومي اللي نفضله و يناسبنا
MOISTURIZER>>>الترطيب
شخصيا ارتاح لمرطب olay بالتوت البري
يعطي لمسه مخمليه فوريه تساعد كثير بالـ make up
لكن اكيد ما يناسب الكل
عندكم سيتافيل للبشرات الحساسه روعه و طبي 100%
البشرات الدهنيه حلوه كريمات
garnierو للبشرات الجافه في كريم كنه سحر بيعطيك نعومه ما تتخيلين بشرتك بيوم توصلها
Moisturelush من MACغالي حبتين بس يستاهل طلعي قروشك
و طبعا في كريمات كلينك تبع الـ 3 steps كل وحده و بشرتها
و أي كريم عندك مرتاحه عليه يؤدي الغرض
و احنا نرطب ما ننسى نرطب منطقه ما حول العين
طبعا بمرطب خاص فيها مو نفس حق الوجه
نفس الشي استخدمي أي شي ترتاحين معه
استعمل مرطب من بوبي براون و صراحه حلو و رايق
All about eyes بطل بعد من كلينك
و لانكوم عندهم مرطب حلو >> نسيت اسمه
و لا اشخطي اقرب صيدليه و جيبي لك شي يناسبك
المهم ترطبين المنطقه ترطيب وافي و كافي و منتاز
طيب رطبنا و كلو تمام وش نسوي ؟!
نقعد نتأمل جمالنا بالمرايه و نفق خششنا خمس دقايق لما تتشربه البشره بشكل كامل
لا تتهورون و تبدون بالـ make up قبل ما تشرب البشره المرطب
بهالوقت و احنا ننتظر تعالوا بحكي لكم عن واحد من اسراري
اللي عندها مشكله مسامات ببشرتها ترفع يدها
موب مسامات سيقانكم حقت الليزر هذيك معذبتني بس الشكوى لله
اقصد مسامات بخششكم القميله
المعروف ان اصحاب البشره الدهنيه غالبيتهم يواجهون هالمشكله
>> هذا ازين شي بالجفاف و الشهابه
بس لا تضيقون صدركم يا امهات دهنيه ترا المشهبات يعجزون قبلكم و تطلع لهم تجاعيد
انا من راعيات البشره الصحراويه القاحله
بس اختي بشرتها دهنيه ..و كنت اكره احط لها make up عشان المسامات
لحد ما اكتشفت هالاختراع البطل
MAC Face Protect Primer spf 50 </B>
تدرون وش هذا ؟؟
هذا سيليكون بس عصروه و حطوه في علبه
ايه نعم السيليكون اللي بعمليات التجميل تدخل الوحده ما تعرفين صدرها من مقفاها و تطلع نسخه ثانيه لاليسا
لا تخافون ما راح تتفقع وجيهكم اذا ركبتوا طيارات
هذا شغلته يسد أي حفره بالوجه و منها المسامات
حطوه بعد المرطب و بعده حطوا الـ foundation
وما راح تبين مساماتك ان شاء الله بالاضافه لانه حلو للصباح لانه واقي من الشمس spf 50
جربوه من عند mac قبل ما تشترونه
و اللي تجربه تعلمني حسيته بطل ان شاء الله يضبط معكم
الحين بشرتنا تشربت المرطب و بنرجع نكمل
BASE
الـ Base وظيفته تهيئه البشره و حمايتها من مستحضرات التجميل
و يعطيها لوك حلو ما يقدر الـ foundation لحاله يحققه
في انواع كثيره من الـ base
ابسطها و اهمها الكريم المرطب نفسه
اذا ما عندك عيوب ببشرتك .. مجرد طبقه كثيفه شوي من المرطب راح تعطيك نتيجه حلوه
و اوفر لقريشاتك >> ما كنها توها تقول طلعي قروشك
اذا حابه تستعملين base ثاني .. تعالي اعلمك وش تختارين
يا حبي للالوان
كل لون يناسب بشره معينه .. و لا تخافين ما راح تبان بشرتك ملونه تمويه تمويه
نبدا من اليسار
الاخضر : للناس الي بشرتهم محمره .. حلو بعد للي مسوين تقشير يخبي شوي
الموف : هذا لراعيات فقر الدم امهات وجيه صفرا مثلي و شرواي .. الطسوا منه و ما جاكم علي
الازرق : هذا للي مقطعهم البياض لدرجه انهم صاروا باهتين كنهم ورقه
الابيض : اذا انتي ودك تبيضين شوي اياني و اياك تشترين foundation فاتح
اشتري base ابيض و بيفتحك ان شاء الله
الأصفر : هذا كثير يحطونه الممثلات و المذيعات لانهم يتعرضون لإضاءه قويه .. يعني اذا بتتصورين مثلا او بتروحين مكان فيه spotlight كثير استعمليه
الوردي : للبشره البيضاء الباهته يعطيها رونق و حيويه و جمال >> الله من الهياط
الاورنج : حلو للبشره السمراء .. نفس الرونق و الحيويه
تلقونها بـ make up for ever
طيب توهقتي فيهم و انقلب راسك .. و لا بشرتك عاجبتك و ما ودك بالالوان
الحل موجود
Base شفاف من smashbox >> موجود منه بـ make up for ever بعد
خطير للبشره الدهنيه .. و لباقي البشرات يمشي بعد و يعطي احساس مخملي >> ياهالمخملي الي نسمع به و لا نشوفه
اختاري اللي يعجبك .. و انقزي معي نشوف الـ foundation
كثير يجربون انواع مختلفه من الـ foundation ,, ماركات مختلفه
و مع ذلك يناظرون المرايه و يكتئبون
اذا انتي من هالنوع .. الغالب ان الخطأ عندك هو في اختيار الدرجه المناسبه للـ foundation
كم وحده فينا تشتري درجه بشرتها بالضبط؟ للأمانه يعني لحد يتسذب
مو كثير .. اللي تبي تسمر شوي و اللي تبي تبيض
عادي يا مال العافيه .. كلنا نبي
و ممكن نختار الدرجه اللي تعجبنا .. لكن بشي غير الـ foundation
خذي إما لون بشرتك .. او أفتح بدرجه وحده بس ..
اذا حابه لوك برونز ممكن تاخذين اغمق بدرجتين مو اكثر ابدا .. و لو انه بنفس درجه بشرتك تقدرين تسوين لوك برونز باستخدام الـ base و الـ powder
كيف تختارين foundation يناسبك؟؟
اولا حددي بشرتك و اللي يناسبها .. اذا دهنيه .. خذي نوع oil free اذا جافه خذي fluid و اذا عاديه او مختلطه في انواع تجمع بين الاثنين
ثانيـا حددي استخدامك له راح يكون وين ؟
يوميا ؟؟ للسهرات و المناسبات ؟؟
ايش نوع التغطيه الي تبينها ؟ خفيفه و طبيعيه ؟ ثقيله و خافيه للعيوب ؟ تحبين اللوك الـ matte او تحبين بشرتك تتلامع ؟
كلها اسئله تساعدك في اختيار النوع المناسب لك و راح تلقين خيارات كثير متوفره قدامك بكل ماركه تناسب ذوقك و تلبي رغباتك سيدتي الجميله
نجي لاختيار الماركه .. بقول اللي حسيته من تجربتي و بالنهايه تظل اذواق .. و اللي ارتاح عليه ممكن ما يعجب غيري و العكس صدز
عشان كذا جزاكم الله خير جربوا قبل ما تشترون .. روحوا لدبنهامز مملكه المرأه و جربوا حطوه على وجهكم .. و لا تشترونه على طول
روحي للسوق تمشي و اشربي شي
اذا بعد ساعه لقيتيه لسا حلو و محافظ على رونقه .. it's the one
Best Brands :
وش احسن ماركه يا عرايس ؟؟ >> بيجاوبون من كثر ما ازعجتهم فيها
Christian Dior
مش عايزه غيرك انت ،، و الله بحبك انت
يعجبني ان تغطيته حلوه + منظره طبيعي جدا .. ينفع لليومي و للسهرات
المهم انه يخقق و بس
Make up for ever
اعتبره number#2
حلو للسهرات .. كنت استعمله قبل ديور و كان ماشي تمام .. لكنه اثقل نوعا ما
Givenchy
سمعته حلوه .. ولد حمايل .. تغطيته رايقه .. حطوه من ضمن اللي راح تجربونهم ان شاء الله تراه محبوب عند ناس كثير
اسمه photo perfixion
وحبيت انقله عشان تعم الفائده
باقي لسى جزء صغنون
دعواتكم للعضوه
&&&&شتــــى ‘‘&&&&
Lancome يمكن مو بمستوى اللي قبل .. بس بعد يستحق التجربه و في ناس ما تسمع فيه .. لكن الحلو عندهم foundation بالكولاجين .. حلو لعمر فوق ال 35 يشد البشره
Mac
حطيته بآخر الليست لاني ما احبه .. ثقيل و احسه ناشف . لكن للأمانه اللي ببشرتهم عيوب كثير يمكن يكون احسن شي لان تغطيته قويه .. ما ينفع لليومي نهائيا
للتوضيح : لما اقول يومي .. ابدا ما اقصد الدوام و الجامعه و شموس القايله .. و لا اقصد انك تتميلحين عند ابو الشباب كل يوم
اقصد مثلا روحه مطعم مع صديقاتس .. جمعه بسيطه .. بيت جدتس ما يخالف
غير كذا ماله داعي نستعمل foundation بالذات للدوام .. تكفي البشره النظيفه الحلوه مع مرطب و واقي شمس .. البساطه حلوه يا بنات
لكن اللي معزمه مره تحط شي .. لا تستعملين الانواع اللي فوق .. خذي dream matte mousse من maybelline
خفيف.. طبيعي جدا .. سهل و سريع
راح تحبينه
ان شاء الله كل وحده اختارت اللي يعجبها .. لان بنبدا نشتغل
Applying Foundation
احيانا نختار نوع ممتاز .. و درجه مناسبه .. و مع كذا ما يضبط معنا
معناها المشكله في طريقه الاستخدام ..
من يوم عرفت نفسي و امي تقعد عند المرايه و تكب شوي من القاروره على يدها
بعدين تحط نقط على وجهها و بعدين تفركه على خشتها لين يقول للعنز يا خاله
و كبرت و صرت اسوي مثلها .. و الاحظ اني بعد عشر دقايق كني ما حطيت شي
و اقعد اكبكب اكبكب لين تقضى القاروره .. ما صارت حاله الوحده تكفي شهر و ياله
بعدين جتني اختي الذهينه و قالت لا تصيرين قرويه يا شتى فشلتينا >> قبلي مفشلتهم مدري وراه
و طلعت لي اسفنجه .. و قالت ابد هذي اللي بتزين خشتك
و اقعد الطلط بهالاسفنجه .. و نفس الشي اكبكب اكبكب .. و عجز يضبط يا هو غثيث بعد
و بعد سنين و سنين من المطرسه .. اكتشفت احسن طريقه
Foundation Brushes
اعتبرها من اهم الفرش .. اهم من فرش الشدو حتى
اللي ما قد جربتها للـ foundation .. ما قد حست بالمتعه >> يقطع ام تعريفك للمتعه بعد
وش فرق الفرش عن اصابعنا و الاسفنجه؟
خلق و فرق >> يمديكم على اللي تسال و تجاوب نفسها
الاصبع فيه حراره جسمنا مع الدعك بيحفز الـ foundation يذوب و تمتصه البشره .. عشان كذا تحسين بعد عشر دقايق انك ما حطيتي شي
بشرتك شربت ابوه عليها بالعافيه
اما الاسفنجه .. العكس تماما .. هي اللي تشربه و تمتص المويه الي فيه .. تضطرين اولا انك تكثرين منه لان نصه راح فيها .. بالنهايه راح تحسين نفسك حطيتي كثير بدون ما تحسين
و الشي الثاني راح تلاحظين بشرتك شوي باهته و جافه .. لان الاسفنجه شربت المويه
الفرش توزيع صح و كميه قليله جدا بتستغربين انها كفتك ..
اول فرشاه بنحتاجها هذي
متوفره بكثير ماركات .. لكن جربت اغلبيتهم و ما فيهم وحده تنافس حقت mac
رقمها 190 اشتروها تكفون
اوكي غاليه شوي .. لكن تقعد لك و للزمن .. استثمار مثل ما يقولون
ناخذ شوي من الـ foundation .. شفتوا حبه البن ؟؟ قدها او اكثر شوي .. بيكفي ان شاء الله
نحطه على أي شي بلاستيك .. >> استعمل غطا قديم لعلبه اعواد القطن
و ناخذ منه كميه قليله بالفرشاه .. و نبدا نوزع
شفتوا الاسهم على خشه هالطخمه >> ايه بالحيل
المهم نوزع بشكل طولي باتجاه الاسهم ما عدا من عند الجبهه نبدا من النص للجوانب .. و ما ننسى منطقه تحت العين >> لاحظوا للحين ما حطينا concealerنوزع على الرقبه بعد بشكل طولي
نلاحظ الـ foundation بيكون مبين على شكل خطوط طوليه .. و هذا المطلوب
وقتها بننتقل للفرشاه الثانيه
هذي اكوس فرشاه بالحياه
تدمج لك الـ foundation بطريقه خاقوقيه مع بشرتك
تدمج لك بين الـ foundation و الـ concealer ما يبين بينهم فرق
حلوه للـ powder
تخفف لك الـ blusher اذا حسيتي نفسك كثرتي
بتاع كلو
ناخذها و نستعملها بحركات دائريه خفيفه على الوجه
لا تتحمسون بالتفريك جزاكم الله خير لا نخرب شغل الفرشاه الاولى
لحظات و بتحسون بشرتكم صارت روعه و متوزع الـ foundation صح
هالفرشاه بعد من mac رقمها 187 و منها صغيره 188 كلهم نفس الشي
اختاروا اللي تحبون
جايتكم بالـ concealer بس قبل تعالوا بقولكم سر ثاني