تولهــت علييكن واايد ..من زماان ماا سوولفتلكن و من زمااان ماا حطييت مواضيع!! <<<من شاف احبابة نسى اصحاابه هاهاهاهاهاهاهاهاا:07:
ترا اللغة اماراتيه قححح قحح ..يعني الي عندها استفسار عن كلمة او شي تسأألني :)
تفضلــــــــــــــــن الموضوع !!
اوال شي ..الف مبروك على الخطووبة ..و الله يتمم لكن على خير ...
خواتي ..
انا في يوم من الايام كنت مكانكن ..كان فيني حفووز مب في حد..ابا اخم كل الي في السوق ..وخاصة قمصان النوم!! جنننننه مرة الحيين العرس بس حق الاستعراظ و التلبيييييس و الي بالي بالكن! و انا متأكدة 90 % من الي بيعرسن هذا تفكيرهن ...صح؟ لا يا بنات ..العرس حياة..عشرة..تغاظي..ظرايب مراضاا ..الخ ..
المهم ..ما بطلع عن محور الحديث....بس بغيت انبه لهالنقطة لانه معظم مواضيع العرايس عن المكياج و الفستان و الزهااب ...صدقوني هذا 0% من العرس او الحياة الزوجية :1 (25):
بسم الله ...
يوم العرس:نشي الضحى ..على رواااااء..تريقي عـــــدل و صلي الظهر و تغدي عـــــــدل..و هوووووب سيري الفندق..استرخي شوية ..اذا عندج حد من خواتج خليهاا تسويلج مساج ..الخ..اهم شي تكونين رااايئة لانج لاحقة على الارتبااك!!صلي العصر و تسبحي عدل و عقب السبوح طبعاا ترطيب البشرة و تعطيرها بالكريمات المعطرة ..شعرج لا تسويبه شي..نشفيه بجون سشوار و لفيه بالفوودة اذا تبين ..البسي ملابسج الداخليه و خللج بالرووب..
الحين خلصتي الي عليج؟ باقي ايوونج قوم بو المكياج و الشعر..لين ايوونج..يلسي اقري الاذكار و اقري قران ..اذكري الله ليين ايونج لانه بعدين ماشي وقت..طبعاا خلج على مسوح..هذا اهم شي..
يعني اذا واعدج مالت الشعر او المكياج الساعة 6 و نص مثلا؟؟؟ تدخلين تتوضين و عقب تطلعينلهاا..لااااااااا تتمكيجين او تسوين شعرج الا و انتي على مسح ..مش حصلاااانة؟لااااااااع ما ايووز..تمسحي و عقب سوي شغلج ..الصلاااااااااااة اصلاااااااااة الصلاااة
عقب المكياج و الشعر و الفستان..دور التصوير...نصيحة ؟ خلي عندج 1 او 2 او بالكثير 3 من اهلج بس..لا تكااوشينهم عندج..انا ما قدرت اتصوور مثل الناس لانه حجرتيه واايد كانن فيهاا بناات..و المستحى ماثر علياااه ..الحركاات الي كانت تطلبها المصوورة كنت استحي اسويهن <<اواني يعني هههههههههه ..
بالنسبة للتصوير مع الرايل هذا شي راجعلكم ..ماتفرق .. الي يقوولج لااااا خليه اوال واحد يشووفج ..و الي يقوولج لاااااااااااا خليه يتحرقص و يشووفج في قاعة العرس و هالسوالف الارعة..المهم الامر راجعلج في النهااية بيجابلج 24 ساعة ههههههههه
قبل لا تنزلين للمعازيم اقري على عمرج ايات التحصين..و سمي بسم الله و اقري و انتي تمشين عالكوشة..؛؛ياويلي خخخخخ:1 (84):
ني حق عقب العرس و الزيطة و الزنبليطة ..بتنزفون؟ وين؟ اذا في بيت اهلج وصييي حد من اهلج يجهزلكم عيشة (سندويتشات صغار..فواكه صغيرة مثل الفراولة و الكرز و السنطر...الخ) ..صدقوني ركزو على الاشياا الصغيرة لانكن بتستحن تاكلن هههههههههههه..العصااير..انتو و ذووقكم..
الصباحية ..؟ نشي قبله ...عشان ما يشووف الكشة ..ههههه
تسبحي و تلبسي و تأكدي انه ريووقكم جاهز..بعد شي خفيف .. و حطو الريوق على ترولي ..اسهل و ارقى ..انثرو عليها ورد جوري و بتلاات ... تيرينهاا لين الشبرية..توعينه شوي شوي ..تسولفين وياه شوية..جان بيتسبح و عقب ..تريقينه ..
في حركة حلوة سويتها في صباحيتيه..قدمتله بوكس فيه هداايا..استاانس ..ممكن تسوين نفس الشي <<غشوو مني هههههههههه ..
شهر العســـــــــل ..
مدري اذا تعرفون هالشي..و هوه شي متداول من بيننا كشعب اماراتي عربي.. "الشخص ما تعرفه عدل غير في السفر) بغض النظر انه شهر عسل و رومانسي و شهر حب و و و ..؟
حاولي تتقربين منه في شهر العسل ..تفهمينه..و تخلينه يفهمج..بتستحين يوم يومين 3..بس بعدين خلااص...بتكون بينكم عشرة..فا لازم تخلينه يعرفج و يعرف شو تحبين و شو ماتحبين...لا تقولين لااا بااسسسسسسكت دامني في شهر العسل ...لا..بكل هداوة و رمانسية ..تعارفو على بعض و شاركو بعض احاسيسكم..مب ااذا بدر منه تصرف ما عجبج تسكتين؟ لا تحملي ..صارحيه و قوليله بطريقة حلوة ترا اناا ما احب جيه يا زوجي العزيز..<<<عاشت الفصحى...
ليش اقولكن جيه؟ لانه جيه بدااية مسك زمام الامور....
على سبيل المثال..؟
اغلب شي يستحن منه العرايس في شهر العسل طلب الفلوس ......!!! معاكن حق و انا مريت في نفس الظروف..
حد من الرياايل من نفسه يعطي عرووسه ..و حد؟ يستانس انها ما فجت حلجهاا و قالت اباا فلوس هههههههههههههه..
اوكي في شهر العسل استحيتي تاخذين منه..بترجعين البلاد ..و بعدين؟ بعد ما بتطلبينه ؟
عوديه من شهر العسل انه هوه مسؤول عنج ..ترا بعض الرياايل يستغل هالشي و يطنش مع الوقت ..
خاصة في شهر العسل تبين تشترين حق امج و امه هدايا..فا هوه المسؤول ..
شخصياا ..؟ سكت يوم يومين 3 4 ..ياربي!! واايد اشيااء تمن في خااطرية ..! شو اسوي؟
سرتله و قلتله يا فلاني ؟ ابا اخذ كم من هدية بسيطة حق الي فازعو في عرسنااااااا..و ما سكرنا الموضوع ليييين ماا تكلمنا في موضوع المصروف الشهري و كم احتااج و كم البيت يحتاج ..من هني مسكت زمام امورنا المادية ..و لله الحمد؟ مصروفي الشهري يوصلني كل راس شهر ..
موضوع ثاني ..؟
الطلعاات ..و الربيعات ..و الاهل ..
حاولي تلمحين له انج حاطة فبالج انج تتواصلين مع ربيعاتج و ما تقاطعين اهلج و انج مثلا مرة في الاسبوع تخصصينه حق الشوبينج او النادي ..
اقولج ليش؟ لانه في فترة شهر العسل الرايل يااخذ و يعطي و ممكن تقنعينه اذا قال لااا...
و فعلا نصيحتي لج كعرروس؟ رتبي حياتج (لج+لحياتج الزوجية+اهلج+ربعج+طلعتج) ..لا تحكرين عمرج بحياة زوجية و بس!! تحكمين على نفسج بالعزلة بهالطريقة..
و حطي شي في بالج ..(الرايل على ما تعودينه ) ..!
تواصلي مع ربعج بالتلفون و تلاقوا من وقت لين وقت ..ترا يوم من الايام بتحتاجين لهم اذا لااا سمح الله حسيتي بالوحدة .. و عوديه انه اهلج و اهله زيارتهم شي اسااسي في لالسبووع
الشكـــل...موضوع اللبس ..و تغيير اللوك ..و المكيااااااج<<الف خط تحتهاا
اذا انتي من النوع الي متجدد في اللووك
البسي حق رايلج ماا لذ و طاب من اللبس<<حشى خبزة مب عروس خخخخخ
المهم ..البسي و تعدلي و تمكيجييييي ..و شعرج اذا انتي من النوع الي يصبغ و هاي لايت و جيه؟ اصبغيه قبل العرس .. اقولج ليش؟
عشان يتعوود على شكلج و ما يمنعج او يتطنز عليج اذا سويتي هالشي عقب فترة من العرس ..!
و وايد حريم اعرفهن ممنوووووووع عليهن هالسوالف ..ليش؟؟ لانه الرايل ما تعواد يشووفهن بهالشكل ... فا من شهر العسل..خليه يعرف و يتعود على هالجاانب ..
الكمـــال..و هالشي يمكن حد منكن يعاشيني فيه ..و اناا ماا علياا .بقوولكن و انتن براحتكن ..
لا تعوودن رياالكن على انه يشووفكن 24 ساعة بمكيااج ..حتى لو جحاال..و لو تعوودنه انكن دووم ملسااات مافيكن شعر..انا مااقلت لا تتعدلن ولا قلت تمن مشعرات؟؟؟ قصدي مفهوم لا تعووددددددنه <<<يعني لا تخلونه يتعواد عليكن انكن بيرفكككككت 100%..اقولكن انا ليش..
بتيكن اياام بتتعبن..او نفسيتكن بتكوون مش ولا بد!! او ممكن تمررن بظروف صحية او نفسية او ماادية حتى..صدقوني اااااااجلاا ام عااجلاا رايلج بيشووفج بيشووفج في كل الاحوال ..!! و اذا كنتي معوودتنه دووم على انج تكونين بيرفكت و مرة وحدة طحتي ولا تعدلتي ؟ بيقوول (اااااااااااااااااع..شوو هذاا الوايه و شوو هالشعر) ...!!
شخصياا .. عودت ريلي بالترديج على شكلي .. مثلاا ..اوال يوم عرس بمكياج كامل ...ثاني يووم بمكياج خفيف..قبل الرقاد ماشي مكياج بس يكون بقايا جحال .. الي عقبه ماشي حجال و هكذاا ..و الشعر اللهم لك الحمد من عقب الاشعة الضوئية افتكيت من الشعر ..بس يطلعن كم من شعره ..مااهتم!!..حتى اقوول ((شووف الشعر كيف طلع مع اني مسوية اشعة ضووئية )) اصاارحه ..اخليه يشووف و يشاركني..مافيها شي..
ريلي شافني بجحال ساايح..............من غير مكياج...........بكشتيه ههههههههههههههه ....بوايهي الاصفر اياام الحمال و الوحاام ...و انا اتواياع من الطلق و اناا ازحر ....اصيح اضحك مستانسة مفرفرشة مضاايقة كككككككككل الاحوال ...!! هذاا نصي الثاني ..لازم يعرف كل جوانبيه ..:1 (21):
فا نصيحتيه ..لا تعودين رايلج على الكمال في كل شي ..و عوديه على طبيعتج ..
المشاكـــــل..انتي و رايلج ..توكم متزوجين ..حياة يديدة و شخص يديد و اطباع يديدة..شي يعجبج و شي ماتحبينه و شي و شي ..
بتصير بينكم مشادة كلامية او حتى سوء فهم او ظرايب ..((الصحون في الصيااني تدااق) .مابالج الزوج و الزوجة...؟
هالاشيااء هيه الي تخليكم تفهمون بعض ..نصيحة لج يا عزيزتي العروس..خذي الامر بهدااوة ..و في نفس اللحظة عالجي الامر ..لا تقولين (هالمرة بسكت و اذا عادهاا بتكلم))!! لانه بيعيدهاا ..
اي نقطة سلبيه تشوفينهاا في رايلج على طوول قولي (حبيبي انا شي في خاطرية و ابا اقوله....) فيه احلى عن جيه؟
و عنه هوه اذا شفتيه عصب عليج او ما عجبه شي فيج تناقشي معاه و امتصي غضبه بكلمة حلوة ..و خذي كلامة باقتناع تااام ..مب تقوولينله ان شااء الله و منااك انتي لا مقتنعة ولا شي..؟ النقاش و التفاهم و التواصل الفكري اسااااااااااااااااس الحياة الزوجية...فاا لا تهملين هالنقطة ..
من البداية تأأكدي انه في بينكم حوار و نقاش محترم..و اهم شي انه يكون محترم بدون صيحة و صريخ..لانه اذا تلاشى الاحترام؟ تلاشت حياتج الزوجيه..
...المسؤوولية ...........عودي رايلج انه مسؤول عن زوجة و بيت ...يعني مثلا؟
وايد حريم يشتكن..."ريااييلنا ما يصرفون ..رياييلنا ما يقعدوون معاناا..ريااييلناا شاطرين يتأمرون و مناك ما يعرفون شي عن بيتم و رياايلنا دوم مع ربعهم و ما يعبروون ولا يقعدون في بيتم ...." ..طيب ليش تشتكين و انتي السبب يا الزووجة ؟
انته ياا حبيبي متزوج..انا زوجتك من حقي اني ايلس معاك..من حقي اطلع معاك..و بيتك له حرمة و احترام..لازم تقعد فيه تشوف شوفيه يحتاج شي ما يحتاج ..! كذب من قال البيت مسؤولية الزوجة فقـــط! هذا اكبر خطاأ..و انا اسميها دكتااتورية!! الحياة الزوجية و عش الزوجية عبارة عن مشاركة و تعاون ..عييل باجر اذا يبتي لعيال رايلج ما بيتدخل؟؟!!!! ..
اخر شي .. اااااااااااااااااااااه تعبت ...:1:
اخر شي يا حبيبااتي ..و نصيحة اخيرة ..و ادري اغلبكن بيقوول لاا و ليش ..بس مثل ما قتلكن هاي نصاايحي من تجربتيه و في النهاية شي راجعلكن ..
الحمل ...................! لا تحملين لين ما تعرفين رايلج 100% ..على الاقل 4-6 شهور ....غيرج ياا حبيبتي حملت و تواهجت و عقب عرفت رايلهاا انه خالي من المسؤولية ..و النتيجة؟ طلاق و الظحية منو؟ الطفل ..
فاا فكري في هالنقطة ...حتى لو قالج رايلج ابا بيبي على طوول ..لا تستوين ملقووفة؟ كل شي بالعقل ..!
و بس ..الله يفرحكن و يتمم لكن على خير اللهم امين ...
اتمنى انكن استفدتن ..و الاختلاف في الراي لاا يفسد للود قضية
اباكم تدعونلي .. امااااااااااااااااااااااااانة ....
انه الله يبارجلي في ولديه و يجعله من البارين و المتقين ..و ان الله يفرج كربتيه عاجلا غير اجلاا..امين يارب ..
اختكن دلوعة كيفي ..
نصايح من ذهب ماشاء الله
والله يخلي لك ولدك وزوجك ويفرج كربك ياااارب