كوبونات الراقية تسجيل الدخول

prettysoulful
prettysoulful •
مها الإمارات مها الإمارات :
نصيييييييييييييحة للي بعدها ما تزوجت لا تقبلين العيشة مع أهل الزوج مهما كانوا طيبين نصيحة على شان الدوم هالطيبة خلج في بيت بروحج أريح لج ولزوجج وعيالج... صدقيني يوم بتكونين في بيت بروحج وتزورين أهل زوجج بين فترة وفترة بتكون العلاقات جداً ممتازة وما بتكثرالمشاكل بينكم لأنهم ما يعرفون عن حياتج مع زوجج وكل واحد منشغل في حياته...وغلاتج بتزيد عندهم بعد..حتى لو قلتي أنا بكون أحسن منهم وبتحمل وبصبر والله ما بتقدرين أقلها نفسيتج بتتعب وهذا بيأثر على حياتج مع زوجج أما إن كنتي معاهم في سكن واحد الحرية بتكون معدومه مثل ما قالوا الأخوات...والله حتى نومج بتتحاسبين عليه...يحسبولج كم نمتي وليش ما قمتي...وكله كوم والغيرة بين أخوات الزوج وزوجات الأخوان والمقارنات بينهم...الله لا يوريج...هذي أنا أعاني صارلي أكثر من 5 سنين ومازلت أعاني...وأكثر المشاكل تجيني من أخت زوجي هي أكبر من زوجي وعمرها تعدا 30 سنة وبعدها ما تزوجت تسويلي مشاكل في أبسط الأشياء والله صارتلي مشاكل مع زوجي بغيت أتطلق بسببها...غير المشاكل اللي بيني وبين زوجة أخو زوجي... وألحين أهل زوجي كلهم اللي في البيت واللي برا البيت ما يكلموني ومقاطعيني صارلهم أكثر من سنة بسبب منو بسبب أخت زوجي حسبي الله ونعم الوكيل...حاولت إني أدوس على نفسي وأروح اراضيهم لو كانوا هم الغلطانين ..بس ما في فايده ردتني أم زوجي بطريقة مهينه جداً جدام بنتها...بس الله يمهل ولا يهمل...
نصيييييييييييييحة للي بعدها ما تزوجت لا تقبلين العيشة مع أهل الزوج مهما كانوا طيبين نصيحة على شان...
العيب لافي الزوجه ولا في اهل الزوج اتوقع كل انسان يبحث عن الخصوصيه والراحه ويحب يدير حياته على كيفه وشلون بتحصله الزوجه فبيتلحي اهل زوجها خاصه اا كانت الام كبيره وتبغى تمشي كل شئ على كيفها خاصه ان افكار وقناعات الزوجه لازم تكون مختلفه بحكم فارق السن
وانا بصرحه استغرب معقوله فيه احد الحين عوايل تسكن مع اهل الزوج؟؟؟؟؟؟؟؟

اصلا ودي اعرف ايش الحكمه من السكن مع اهل الزوج؟؟؟؟؟؟؟
أم*محمد
أم*محمد •
.. جربت السكن مع أهل زوجي ..

أممممم .. كانوا طيبين في طيبتهم مافي أحد .. و أم زوجي ذهب الله يخليها .. و عمرها ما غلطت علي أو قالت لي كلمة جرحتني فيها .. و تناديني دوم بنتي وتقول لي انتِ في معزة بناتِ و أكثر ..

كنت بنفسي إذا شريت شي جديد أروح لها أفرجها عليه .. وتفرح .. و دايما تنصحني .. وتوقف جنبي لو زوجي قال عني كلمه قدامها ..
وتفرح لي لو جا يطلعني وتقول له طلعها مو كل تخليها محبوسه في البيت .

وما كانت ترضى اسوي شي في البيت لكني ما كنت أقبل وكنت أقوم الصبح قبلها واسوي الشغل اللي ممكن أسويه ..

بس مع كل هذا تبقى في خصوصية بين الزوجين .. ما يحبون احد يطلع عليها .. يعني لو بتشوفي الحركات و الطبخ اللي البنات يسونها لأزواجهم كنت محرومه من هل الامور لاني مااقدر اطبخ ومااطبخ لهم .. " مو حلوه " وما كنت اقدر أستقبل زوجي أول مايوصل من شغله استقبال حلو ..

ولا اقدر تكون لي ليالي رومانسية إلا على ضوء الشموع .. وبدون عشا .. ما نقدر ناكل وهم ما ياكلون .. هم مو حلوه ..

... كنت ألاقي صعوبه في غسيل ثياب النوم ... لاني ماادري وين راح أنشرها ..

مودايما تكون الزوجة المضلومة ولا يكونون اهل الزوج المضلومين أو الظالمين يختلف الوضع من إنسان إلى إنسان ومن أسره لأسره ..

في وضعي كان زوجي الظالم .. وكنت أنا المظلوم ... لان بإمكانه يسكني في أحسن مكان لكن الغيرة هي اللي دمرت كل شيء ..

الحمد لله على كل حال :)

بس ماانصح وحده تقبل منها ومن نفسها تسكن في بيت أهل زوجها ... إلا لو كانت إمكانيتهم ما تسمح لهم إنهم ياخذون شقه .. لوحدهم .. يعني حسب الظروف ..
ام الحلوووووين
ام الحلوووووين •
ضد السكن مع اهل الزوج الااذا كانت امه لوحدها
واسكن في بيتي ويكون لها ملحق خاص ومااسكن معها علشان مو الكل يعتبره بيت الوالده
ولاابعد كثير علشاان احتاجهم
ولو احتجت اسكن معهم اشرط على زوجي ولا وحده من سلفاتي تعيش معي
والعيب لافيني ولافيهم لكن البيئه والطبيعه واختلاف الاعمار له دور
وتحياااااااتي
* قلوبي*
* قلوبي* •
كلام نور البرق سليم وبالنسبه للايجابيات ماراح تنذكر ولا لها وجود مهما كانت لان السلبيات غطت عليها
دكتورة لجامعة
دكتورة لجامعة •
انا اسكن مع اهل زوجي في عمارة واحدة و عنيت الامرين و تعبت من كتر المشاكل مع حماتي و مع سلفتي اللي حماتي تبقى عمتها و من الاخر لا لا لا انصح اي واحدة تقعد مع اهل جوزها لا في نفس العمارة و لا في نفس الشقة لان المشاكل كتير و انتهت اخيرا ان ما فيش حد طايق حد و انا اتكلمت مع الاخوات هنا بخصوص هذه المشاكل في موضوع بعنوان " ارجوكم ضروري جدا" و ده الرابط بتاعهhttp://forum.hawaaworld.com/showthread.php?t=315317