موضفات المدارس الاهلية ادخلوا ابغى اسالكم سؤال؟؟؟؟؟

مرحبا أختي همسة غلا ....

أنا السنه هذي توظفت معلمة في مدرسة أهلية ابتدائية وأنا خريجة لغة عربية من كلية التربية .... طبعا الوظيفة جتني بواسطة .... لكن أنا قدمت على مدرستين غيرها بس ثانوي ومتوسط وبعد مابديت أداوم بالمدريه هذي تقريبا بثلاث أسابيع دقو على المدرستين محتاجييني .... لكن أنا خلااااااص لقيت الأريح ( ابتدائي ) ... وراتبي الان 1600 ريال ..
ومعي 14 حصه بالأسبوع ومسكيني ريادة فصل وإذاعة المدرسة ونشاط ( جماعة ) ...

وبالنسبة لك إذا احتاجوكي راح يدقون عليك ... وأكيد فيه اختبار عبارة عن درس تلقينه على أحد الفصول بحضور المديرة أو المشرفه حتى يقيمون تدريسك إذا كنتي تنفعين أو لا ... وبض المدارس يحطون أسئلة يتأكدون من ثقافتك .....


وبس

مرحبا همسة غلا

<<<موظفة بأهلية

شوفي اختي حتى لو ماعندهم احتياج احيانا فجأة يصير عندهم شاغر ويدقون عليك


لاتيأسين المهم قدمي على مدارس كثيرة وترى الأهلية مو لازم واسطات ولاشي.

بالنسبة للكرف
ترانا يالسعوديات مرفهات ماتعودنا على الكرف والذل احيانا وهذا اللي يخلي المعلمة

تنحاش من الاهلية :D بس شنسوي المفروض نتحمل حرام تاخذين شهادة بعد تعب

وسهر ليالي واخرتها البيت وربي قهر صح؟؟ الوظيفة تحسسك بكيانك

هو فيه تعب شوي وفيه ذل . لكن لما تشوفي نتيجة تعبك مع الطالبات وحتى الادارة

اذا اعجبتيهم يمدحونك يروح التعب كله. غير كذا تكوين علاقات وصداقات جديدة

والرواتب تختلف فيه مدارس تعطي 1500 وفيه 200 وفيه 2500 الى 3000

وفوقها مافيه اتوقع.

وأي استفسار عن الاهلية انا حاضرة [/

الف شكر لك اختي الريم 2002 على ردك مشكورة ياقلبي والله يوفقك
اختي حنين انثى شكرا على ردك وكلامك صحيح مية بالمية انا الان اتمنى اتوضف اي شي لاني لي 3 سنوات في البيت وكلا على بالي ان كل البنات زيي حالتي قاعدين في بيوتهم واتفاجا ماشاء الله ان اغلب البنات اللي اعرفهم توضفوا في مدارس اهلية من اول ماتخرجنا وكانوا قبل التخرج يقولون نبي نرتاح ولاحقين على الشقا وانا ياغافلين لكم الله ما ادري وش الدنيا فية
واللحين توني احس بعمري واقدم الله كريم بس
قلت لكم قصة حياتي

طيب وش تنصحوني في الدرس اللي تحظرة المديرة او المشرفة انا احس من كلامكم ارتبكت كيف لو صار الامر جد؟؟؟؟؟؟؟؟

يعني المديرة وش تدقق علية الشخصية ولا تدليلك للبنات ولاالوسائل اللي استعملتيها ولا ايش بالضبط؟؟؟
وش تنصحوني

وشهو اللي يخلي المدرسة الاهلية تاخذك من بين البنات اللي معك لان اكيد راح يكون فية اكثر من وحدة وراح ياخذون الافضل يعني وش اللي يخليك متميزة بعيونهم

انصحوني الله يخليكم وادعولي

سلام

شوفي حبيبتي المدارس الأهلية دايما يصير عندها وظائف شاغره لكن انتي روحي قدمي اوراقك عند اكبر عدد تقدرين عليه من المدارس الأهلية ولاتنتظرين مدرسة وحدة يمكن مايكون عندهم شاغر .
ثانيا:اذا اتصلوا عليك توكلي على الله واختاري درس سهل وحلو وقصير عشان تستوعبينه وتتفننين فيه بالوسائل وغيره.
ثالثا:لازم تكوني واثقة من نفسك وبدون ارتباك وصوتك عالي واهم اهم شي تطبقين الطريقة التربوية اثناء شرحك من تمهيد وتقويم وتطبيق وحسن استخدام السبورة والهامش ولازم يكون عندك معلومات خارجية عن الدرس ومعلومات من ثقافتك واطلاعك عشان مايقولون انك متخرجة من فتره ونسيتي طرق التدريس ونسيتي الي درستيه بالكلية .
لا تخافين من هالكلام الكثيرترا كله سهل جدا جدا والله يوفقك.

طيب واللي متخرجه من كليه الاداب ولاتفهم بالاشياء التربويه وش تسوي ؟؟