موضه جديده طايحين فيها هههههههههههه ياحليلهم عيني عينك

موضه الجحاده الجحد يعني اللي مايعلم بشيء يكتم



تبين خطوبه يجحدونها تبين شبكه و زواج يجحدونه شهر العسل يجحدونه حمل يجحدونه


عزايم سفريات مشتريات اكل يجحدوووووووون كل شي

ذولا يسمعون بشي اسمه جحاده شكلهم شافوا الناس يجحدون قالوا نسوي مثلهم خخخخخخخ ترى مو كل شي تجحدونه


الرسول اللهم صلي عليه قال اقضوا حوائجكم بالكتمان بس ماقالوا اكذبوا او اكتموا عيني عينك

بنتهم مخطوبه يقولون لا ماصار شي طيب اهل الولد معلمين الناس ووتبارك لهم وانتم تقولون ماصار شي ماندري الا البطاقه جايه هههههههههههههههه


لا تجيك الوحده حامل بالشهر السابع شي واضح وتقول الله يرزقنا والا تقول نفاخ ونمشيها نصدق ماندري الا بعد كم شهر يقولون فلانه جابت ولد
اي صح نسيت يجحدون حتى نوع المولود مايخلون الناس تشوفه الا لما يكبر عاد غصب عليهم لو الود ودهم كان ماخلوا احد يشوفه ياربيييييييييه تخلف
والا بنتهم اللي توها متزوجه مبسوطه ماعليها تجيك امها بنتي حظها زفت شين الله لايجزاه خير اللي عرفنا على زوجها ويلا تشتتغل خلاص اسكتي محد سألك


ولدهم ياكل تقول ولدي ماياكل شي الناس تشوف ولدك بسم الله عليه ياكل لاتكذبين ولاتجحدين النعمه
تشتري جوال تقول موب لي
عندهم شبكه اتصال يقوولون حقه الجيران
عندهم حاجات غاليه اذا جاء احد خبوها
تسألينها عن طريقه حلى هي مسويته تقول هاه موب انا من جارتنا ارسلته على طلعتنا من البيت قلت اخذه معنا

سوالف حريم هههههههه
ميخالف اجحدوا بس لاتكذبون ولا يصير الشي واضح وتنكرون وتخبون وهو واضح
نقول الزواج لاتعلمون احد اول الخطبه بس عاد انكم ماتعلمون الا اذا جت البطاقه ليه ؟؟؟ مو عيب خاصه للاقارب مره
واذا حمل لاتعلمين بكيفك بس اذا طلع واضح ورحتي عزايم لاتكذبين وتقولين ماحملت و بطنك مرتين قدام


ترى مسخت
الناس صاروا تقول وحوش ترى كل الناس متزوجين وعندهم عيال واللي مارزقه الله بيرزقه يعني وش تخافون منه

واللي مسافرين للعمره او برى ديرتهم مايعلمون وش تحسسسسسسسسون فيه :icon33: ترى كل الناس يسافرون واخذوا عمره وحجوا وياكلون احسن اكل بعد




على فكره انا ماكتبت المووضوع عشاني مقهوره من اللي يسوون كذا لا لا لا انا من النوع اللي مااهتم لاحد ولااعطي الناس اكبر من حجمهم ومايهمني شي ولا عمري زعلت او شرهت الحمدلله الحمدلله
لكن اشوف بعض الناس تزعل ومن حقها تزعل خصوصا لاصاروا اقارب مره مثل اخت اخ قهر تكذب عليك ولاتعلمك بشي
صراحه عيب يعني هالجحد يمكن يسبب حقد وقطاعه تحسسونهم انهم اغراب او مايخافون الله ولايحبون الخير لأحد


ولاحظت اللي تجحد تزعل على اللي يجحدون عنها طيب علمي نفسك قبل تزعلين على العالم

وهالشي صار يسبب مشاكل بين العوايل الاقارب


للدرجه هذي تخافون من العين وين التوكل بالله

اعرف ناس يجحدون وللاسف صابتهم عيون مو عين وحده سبحان الله يمكن لانهم معروفين بالجحد صارت الناس تنتبه لهم اكثر وتتكلم فيهم كثير لانهم لفتوا نظر الناس وهم يقالهم مايبون يلفتون نظر احد اشوف اانا اللي مايعلمون بشي الناس تقطع جلودهم ماعلمونا ماقالوا ماسوو ويتشغلون فيهم يمكن من غضبهم مايذكرون الله بعكس اللي يعلمون تلقين الناس تحترمهم وتدعي لهم وتبارك لهم


للاسف صارت موضه كلن يقلد الثاني مو خوف من شي لا بس تقليد او بيقهرون بعض الحمدلله

الله يهديهم