نمره
•
مساء الخير :55:
الحمدالله ان الموضوع يهمكم ..
اولا بالنسبه للاخوات كويتيه كوول , سنا البرق :
الكريم الاخير اللي هو يجي بشكل كريم مضغوط مائل للبودره الكريميه .. انا جربته بعد
الحاح البياع اللي حن على راسي وصجني بالاناره والكلام المعسول الى ان استسلمت
مع اني مبسوطه على لوني الخمري , وما عندي مشكله , لكن اتضحلي ان البياع
ما كان يتكلم عن تفتيح لون , كثر ماهو اضاءه , انا انصح بوضعه اذا كنتو تبون شي خفيف
وتمويه بس ينحط بخفه تحت العيون .. واذا مشكلة الهالات عويصه ومأساويه لا تخلون كونسيلر هيلينا روبننستاين اللي على شكل علبة الشدو ..
مع بعض سيعملون عمل جميل تحت العيون ..
اما وضعه عالوجه جدا سهل و تاثيره جميل سواء لوحده او مع الاساس , تحته يعني ..
:41::41::41:
اخواتي ناعومي و كويتيه عسل و LAMAARA و ROMA و حبيبة ابوها .. حياكم و تسلمون عالمتابعه وانشالله تجربونهم وتستفيدون ..
بالنسبه للكريمات انا استخدمت الاول وهو اللوشن وهو راااااااائع واحطه لوحده
على بشرتي الدهنيه :06: واجد عليها ما احس بترطيب زايد او لمعه ..
وهو بنفس الوقت يغذي ..
والثاني المصل اعرف بنات يحطونه مع الاساس وهم بشراتهم فاتحه
وما اقدر اقولكم لاي درجه رايق هالكريم :32: ... له لون
وردي وخلطه مع الاساس حركه حلوه ..
اما استخدامه لوحده ينور تنوير حقيقي مع الوقت ..
تحياتي لكم :55:
نمره
•
مرحبا كويتيه كول .. الكريم الثالث sheer illuminator من شانيل ..
سوري حبوبتي ما انتبهت للسؤال :26:
سوري حبوبتي ما انتبهت للسؤال :26:
الصفحة الأخيرة
DIOR LUMINATOR
شي رائع كريم يستخدم لحاله يعطي الوجه نور ولمعه من عند عظمات الوجه بالذات , يعني
الشكل اللي تنمنينه وتشوفينه على صفحات المجله , بس يا بنات لازم تكون البشره مرتبه
وفيها اقل حبوب او خشونه ممكنه :06: المهم له استخدامات عده :
1 - يستخدم كمرطب لحاله , و لسيدات الدهون واللمعه :44:
بيغنيهم عن اي مرطب نهاري ثاني ..
2 - فوق كريم الاساس عشان يحيي اي درجة اساس باهته , او ممكن يستخدم كمعدل
لدرجه الاساس سواء بالتفتيح او تغميق ..فالكريم يتوفر بدرجات متعدده جميله :32:
3 - ممكن ينحط على نقاط محدده هي عظمة الخد , الذقن , عظمة الحاجب لتأثير خفيف
اذا اردتي .. :55:
النتيجه : ممتازه وتثير تساؤلات الاصحاب ..
العبوه : انبوب ليس كبير الحجم ابيض ..
اتمنى انكم استفدتو .. والموضوع مفتوح وقابل للاستأناف ..
وانا بصدد البحث والتحري اكثر انشالله .. لان الموضوع فعال جدا
واول مره كل الشركات تصدق بوعودها بهالشكل هذا ..