.. يعني يا تصيب وتكسب التحدي وتعدي للجهه الثانيه بسلام .. يا يجيك لوري ويخليك لاصق بالازفلت ما يقلعونك منه الا بملعقة بيض
( عشان كذا نص اللي ما لزقوا بالازفلت من عيال الحاره راحوا لافغانستان من جسارتهم ) … المهم يا جماعه وبعد ما سكن الباكستانين ذلك المنزل وجدنا شيء جديد نتسلى به .. ففي كل عصريه يأتي باصين من الصفر مثل باصات المدارس مليئه بهؤلاء العمال منهكين من اعمالهم وتافلين العافيه .. فنتركهم حتى يدخلون ونبدأ برمي الحجاره عليهم وبعد المغرب نشعل ليفه مواعين منقعه بقاز ونرميها على النايمين بالحوش … ونردد بصوت عالي باكستاني حراااامي باكستاني هرااااامي ( فاضين لا انترنت ولا دشوش ولا شي ) … وفجاءه تلاقي طلع لنا كم واحد والشرر يشر من اعينهم وركض ورانا 
.. بس يمسكون مين ياباااااا ( الله يرحم ايام اللياقه لو لعيبة منتخبنا هالايام كلهم يركضون وراي ما لحقوني) ..و يعني لو يلف الباكستاني الدمام كلها وراي عشر مرات ما تعبت ( ااايه ماخرب عيالنا الا المكدونلدز الواحد كنه فقمه) … وعلى هالمنوال كل يوم لمدة شهرين .. جنناهم وجبنا لهم الصمرقع لدرجه انهم ودهم يشتغلون ليل ونهار ولا يقابلون هالبزارين السمرمد اللي اقلقوا راحتهم واقضوا مضاجعهم … وبعد ان يأس القوم منا او اشفاء نار غليلهم في احدنا قاموا بعمل اجتماعات فيما بينهم للخروج من مأزق بزارين الحاره ( طبعا عرفنا بعدين انهم قاموا بتلك الاجتماعات ) … وخرجوا بنتيجه رائعه تطبقها معظم الادارات الناجحه الان .. حيث انهم يعملون في احدى مجمعات الخواجات .. وتعرفون عيال الخواجات ذيك الايام عندهم بطره ويرمون العابهم وهي توها جديده وحنا حدنا بالحاره ( الدنينه .. وعلى فكره كان يلعب بالدنينه معنا احد اشهر المطربين واحد اشهر المشائخ على الساحه الان وكذلك اشهر واول ليبرالي ) .. فبدأ الباكستانين بجمع ما يجدونه من العاب وتضبيطها وعند رجوعهم من العمل وعلى باب الباص يقف احدهم ويرفع يده باحدى اللعب فنتجمع عليه وكل واحد يترجاه ان يكون هو صاحب الحظوه للحصول على تلك اللعبه .. وبدأت الحجاره تخف عليهم طمعا في الهدايا .. وبدأنا ننتظر باصهم على احر من الجمر لدرجه اني كنت اسنتر من الظهر عند بيتهم واحيانا من المدرسه مباشره عند بابهم هذا اذا ما لقيت عشر بزارين حاجزين قبلي .. تقول شمس وحر ورطوبه اقولك ولااااااا همني المهم ان اكون صاحب السبق عند حضورهم
… وهكذا كبرنا في تلك الحاره واصبح الكثير من اولئك الباكستانين من اصحابنا حتى اني كنت اجلس مع بعضهم لالعلمهم اللغه العربيه وانتهت حقبه زمنيه كانت مليئه بالشد والجذب والنرفزه وكل طرف يحاول فرد عضلاته على الاخر دون نتيجه ( لا ما اقصد احد ) … والسبب هديه بسيطه كسبوا بها قلوبنا ومحبتنا فتبدلت طباعنا تجاههم من العنف الى الحب .. وانتهت محبتنا للهدايا وبقيت محبتنا لهم
علشان كذا اقول اصدقاء اخوان وكل الناس تهادوا تحابوا
ملطوش وحبيتكم تقرونه