موضوعوي غريب شوي ابغى المشورة لمشكلة طالما ارهقتني

الأسرة والمجتمع

بسم الله الرحمن الرحيم
موضوعي بدخل فيه على طول انا بصراحة من تزوجت وانا مع خلاف مع اهل زوجي واللي خلقني ان الزعل دايم منهم ماعمري رفعت صوتي على احد منهم اسمع الكلام وماارد يتدخلون بقوة في حياتي وبذات خالتي الله يجزاها خير تبي تحكمنا لا تقولون ام الزوج انا والله اعتبرها مثل امي لكن هي للا سف تعتبرني عدوة مدري ليش انا بعطيكم مقتطفات بسيطة عن حياتي وانتو احكموا
اذا طلعنا للبحر ليش ماخذتونا معكم لين رحنا للحرم ليش ماقلتولنا طيب احنا خذناهم مرة مرتين مايجوز اني اروح لحالي براحتي انابصراحة متعودة عند اهلي اذا حريم اخواني قالو لمي بنروح تقول الله يستر عليكم جيبو عيالكم الله يجزاء والدينا بالجنة بعدين خالتي عندها عيال غير بعلي والله يروحون البحر ويرحون للحرم مع ابوهم ومايقولن لي وانااقول احسن اناماابغاهم يقولون لي عشان مايقارنون ومرتاحه لكن للاسف ماعندي احد فاهم بيتي خالتي ماتبيني احط فيه شي ليش ماادري خايفه اسرف على ولدها لين حطيت شي في بيتي سفهتناولعاد كلمتنا مدة سنه تصدقون خياليه مرة جاء بعلي دورة بالطايف 3 شهور وخذانا معه تقول ليش تاخذهم خلهم في البيت وانا اخلي اخوك واختك يقعدون عندهم وانت تعالهم في الويك اند تخيلو اااه احس اني مقهورة والله يابنات جتني المرارة بغيت اموت
من تصرفاتهم بس كنت ادعي ان الله ينصرني عليهم وكانو البنات يتسفهون علي ويزعلون لين زعلت الام والله ثم والله ماجابهم الا الدعاء البنات امهم اللهم لا شماته قلبت عليهم صارت تعاملهم زي متعاملني ماله صاحب والله اني ارحمها بتعب نفسها وبتتعبنا معها جاء لبعلي دورة خارجية لامريكا راحت قصت جواز تقول بروح معكم طبعا هذا الكلام قبل شهرين انا رحت لاهلي عشان موعد ولادتي وولدت والله مارفعت السماعه علي ولا باركت يوم سميت بنتي زعلت تقول ليش ماخليتوني اسميها والله من زين الاخلاق معي هذا غيض من فيض انا رحنا لامريكاالان ماخذناها معنا حتى استشرنا دكاتره نفسيين ومشايخ قامو يضحكون انا احس ان خالتي مريضة نفسيا حتى بناتها يقولون وش وداها عندها بزارين في البيت اللي مضايقني في الموضوع انها ماترد على ولدها وتسب فينا وتشتم وتدعي علينا ابغى حل لاني احس نفسية زوجي مرررة تخيلو ان امكم زعلانه عليكم ابغى الحل لمشكلة طالما ارهقتني
31
3K

يلزم عليك تسجيل الدخول أولًا لكتابة تعليق.

تسجيل دخول

بنت الند
بنت الند
والله مشكلتك عويصه الله يفرجها معاكي يمكن تغار منك ادعيلها بالهدايه
ام مجوووووووووودي
الله يجزاك خير على المرور والله انك صادقه عويصه
ريمان2007
ريمان2007
شوفي حبيبتي تيجي نتفق انا وياك اتفاق
نعتبرها فعلا مريضه نفسيا ما ودي اقول كلمه ثانيه احتراما لزوجك
ونتعامل معها على هالاساس لانه منطقيا اذا اقنعتى نفسك ان الانسان اللي تتعاملين معه يعاني من مشكله مرضيه ليست بيده تستطيعي ان تتاقلمي ولك الاجر
اعتبريه ابتلاء من الله واكسبي الاجر في معاملاتك معها ودائما انظري الى الجانب اليجابي من الحياة اي نعم لديك ام زوج تزعجك لكن لديك ولدها الذي يبدو من كلامك انك تحبينه وتقدرينه بسم الله ما شاء الله ان شاء الله دوم فهذا المر يكفيك
وانظري الى مصايب غيرك بعيد الشر تهون عليك مصيبتك
حاولي ان تسايريها اكثر ولا تقارينيها بتصرفات الوالدة مع اخوانك فهذه المقارنه تبعد المسافه بينك وبينها
هنالك مثل مصري يقول (دعوة الام في الكم ودعوة الحمى (ام الزوج )في السما
فاكسبي رضاها ولا تنسي رضاها عليك يرضي زوجك عليك اكثر ويقدرك
موفقه
ام مجوووووووووودي
والله انك صادقة يااخت ريمان لكن كيف التصرف معها انا بالنسبه لي التصرف معها جدا صعب وحساس حتى زوجي والله مهب مقصر معها بشي لكن الله يهديها ويسخرها لنا
شوق شرقاوي
شوق شرقاوي
الله يكون بعونك000ويجزاك خير
تحمليها مالكم الا الصبر هذي امه
وارجي ان الله بكره يرزقك بذريه صالحه مثلك انتي وزوجك
وبعدين بعض الامهات الله يهديهم 000يغارون على عيالهم
وانتي اصبري واحتسبي000وادعي ان الله يسخرها لك ولولدها