موضوعي الثاني

ياحلوات انا اتاثر من المواضيع اللي اقراها يعني ذلحين قريت موضوع ثاني عن الخدم وقبل فتره اكثر من وحده يشكون من الحريم اللي يجيبون عيالهم وصرت بحيره

تصدقون ماعمري تركت عيالي عندها ابدآ الا في حاله وحده اذا نومتهم واكون متاكده انهم مايصحون من غير شر اطلع ولا اتعدى ساعتين ويكون ضروري المشوار يعني للمطبخ مثلآ

الاحراجات اللي تجيني

لمن بسير على وحده او اهل زوجي غالبآ اجيب الجمل بما حمل واشوف النظرات ان الناس متضايقه وما صرت ازور احد حتى اختي اقلل زيارتي لها لان اولادي كثيرين حركه وانا ادري ان الناس يالله تتحمل اللي عندها مو عيال غيرها واذا وحده عزمتني وماقد دخلت بيتها استأذنها اني بجيب عيالي معي طبعآ معمر احد قالي لا تجيبينهم بس انا استحي ولا احب اطول بحيث مره قهويت وحده وبعدها وصلني كلام انها تقول عني ليتها خذت قهوتها معها يعني بس سلمت وطلعت ماطولت بالجلسه

والسبب

اخاف من الخدم اقول بخاطري انا ماتحملت عيالي كيف اجنبيه بتتحملهم مين مثلي لمن تروح تاخذ عيالها وهل تحس باحراج واللي تحطهم بالبيت وشلون خاصة الصغار اللي مايتكلمون وشلون يطاوعك قلبك تتركينهم

ياحبي لعيالي من يوم جوا بهالدنيا وهم قبلي بكل مكان في المطاعم والكوفي شوب حتى الفنادق فديتهم المشكله اني اجتماعيه واحب الناس بس هالموضوع يسببلي احراج

انا بنام ذلحين بس ان شاءالله راح اقرا ردودكم بكره وقولولي هل هو عيب اني اخذ عيالي للناس