كيف حالكم بنوتات وماماوات
شخباركم
اليوم يايبتلكم طريقه بيتنا الخاصه في عمل الكريم كراميل......والله يابنات سهل مررررررره
على قولتهم
ولذيذ مرتيييييييييييين على قولتي
=======================
كريم كراميل بيتي:
==========
هذي احلى واسهل والذ طريقه لعمل كريم الكراميل في البيت
وطبعا حقوق النشر مثل مايقولون محفوظه....وامي الله يجزاها خير عقب تجارب عديدة لكريم الكراميل......ضبطت معاها هالطريقه
وعساها ما تحدره من بلعومها اللي تنسب الطريقه لنفسها :30:
ما علينا
المقادري:
1 لتر حليب
1 علبه حليب مكثف ومحلى (الحجم الكبير)
1قيمر
6-7 بيضات
هيل وزعفران
فانيليا حسب الرغبه
===================
لعمل الكراميل
1 كوب سكر (او اقل حسب الرغبه)
==================
الطريقه
(نشعل الفرن قبل كل شي)
اولا نحضر قالب الكيك المفتوح من المنتصف.....ونذيب السكر على دفعات
لحد ما نحصل على الكراميل السائل......نترك القالب على جنب ونكمل شغل
نخلط البيض بسرعه (لمجرد الخلط)
ثم نضيف باقي المقادير بدون ترتيب
(حليب سائل..حليب مكثف...قيمر...هيل وزعفران)
=================
في هذي الاثناء يكون الكراميل برد شوي
=================
نصب القليل من الخلطه على الكراميل ....عشان تتعادل الحراره
وبعدين نصب باقي المقدار
============
نحضر صينيه ....لعمل حمام مائي.....(على الغاز) لمده 10-15 دقيقه
بعدين ندخل الكريم كراميل مع صينيه الحمام المائي بالفرن لمدة ساعه (او اقل)
ونختبر النضج مثل الكيك العادي
هذي الصورة بعد ما طلعتها من الفرن
نتركها بدرجه حراره الغرفه لمدة ربع ساعه....ثم ندخلها الثلاجه لتبرد
وبالعافيه
ملاحظه
الخوات اللي يبون طعم الفانيليا يكون قوي شوي ويصير كأنه جاااااهز
استخدموا 4 علب صغيره من حليب بنكهة الفانيليا+1 ظرف دريم ويب+شويه قيمر زيادة عشان ما يصير الخليط ثقيل عقب الدريم ويب
بس بصراحه الاهل يحبونها بطعم الهيل والزعفران اكثر من الفانيليا
:30:
وسامحونا على القصور .....وعلى رداءة التصوير
وهذا الشكل النهائي
يسلمووووووووووووووووووووووووووووووووووووووووووووووووووووووووووووووووووووووو على الموضوع الجنان