الله يفرجها عليك يارب ويصلحلك زوجك

الله لايوفقك ياخرابة البيوت

يقلبي معليك هذي المشاعر تجي بعد الاجهاض انا جربتها وترا الرجال من طبعه مشغول معليك يمكن هو شخصيته كذا وانتي طنشي وعيشي مع عيالك واهم شي انك في امن وامان وبين عيالك والله يريح قلبك ونصيحه نصيحه شيلي فكرة الطلاق من باالك لايوسوس لك الشيطان وترا احنا الحريم حساسات مرره لانطيح لوسواس الشيطان

فكره الحمل هي اللي واقفه بينكم
انتي مهتمه وهو مطنش وعادي مو ضروري تحملي.. كذا يمكن تفكيره.. ،،
انتي يستفزك بروده وطناشه واهماله
وهو هذا اسلوبه وطبيعته مثل اغلب الرجال العقل المسيطر يعني خليك معه واقعيه عمليه الا وقت الفراش يبغئ دلع واهتمام ولاتفكري في فكره الحمل وقت العلاقه ،،
خلي علاقتكم طبيعيه يعني يكون اساسها الاشتياق واللهفه مو رغبه في الحمل ..
الرجال مو نفسنا الحريم احنا عاطفيااات لابعد حد نحس ونتحسس من كل كبيره وصغيره عكسهم،،،
صلافه وصلابه وقساوه وعناد واهمال ليش لانك ماسايرتيه لانك مهمله واجباتك اتجاهه هذا بيكون كلامه عليك ،،
انتي تنجرحي من كلامه وهو شايفه صح،،
انتي مقصره وكل تفكيرك بالخلفه وماتهتمي فيه وتراعي تعبه وتقدريه انه يتعب عشانكم،،
هذا هو الصرااااع الدائم بين آدم وحواء ،،
مانتفق حتئ لو اتفقنا مانقتنع بس عشان الحياة والامور تمشي كل واحد يمشيها ويعديها وعشان العياااال ،،
نقطه مهما الرجال اغلبهم ومعظمهم مايعبرون بالكلام عن حبهم .. افعالهم هي قمة الرومنسيه عندهم،،
واذا هو تصرفاته وافعاله مافيها اهتمام بالمرررة يعني فيه شي بقلبه مو عاجبه! مو مرتاح متنكد فيه ..
يمكن حكايه تفكيرك بالخلفه يمكن طفش منها ويمكن في أمور ثانيه حاولي تعرفيها وتفتحي قلبك له وجه لوجه وباسلوب خفيف ولطيف وبحب خليه يحس انك تتكلمي معه لانك مهتمه انك ماتخسريه وتخسري علاقتكم… والله يصلح الحال..
الله يهدي بالك ويصلح حالك ويرضيك ويسخرلك بقلب زوجك يارب🤍

الحمد لله على سلامتك و الله يخلف لك الخير و يأجرك على التعب ..
يا أختي من وصفك حسيت إنكم الاثنين مجهدين على الآخر …..
هو مرهق لأن قلتي يكون راجع من سفر بعيييد و طبيعة عمله عليه ضغط ،،، فخلاص يالغلا قولي الحمد لله على الثلاث ساعات اللي يجلس فيها معكم و استمتعوا فيها
مو مهم طول وقت الجلسة ، المهم كيف تقضوا الوقت بهذه الجلسة.

عبروا عن شوقكم له ، و فرحتكم بوجوده معكم، و مهم تكون الجلسة هادية و الكل مرتب لبسه و ريحة المكان حلوة حتى ترتاح النفسية. و الحمد لله على لمة العائلة و العافية.

طيب نجي لموضوع اشتياقك للكلام الحلو و الاهتمام فهذا طبيعي ، الكبير و الصغير محتاج للحب و الاهتمام.
اللي يزيد الوضع عليك إنه حتى التلامس الجسدي متبااعد ،
لكن قلتيها من أول الزواج فممكن عنده مشكلة صحية مأثرة على وضعه.

عمومًا طالما عاتبتي و مانفع ،
فلا تعاتبين لأنك بتندمي ، تعرفي ليه ، لأنه وقتها إما بيدافع و يطلع أعذار لنفسه ، أو يهاجم مثل ما حصل معك و صار يقول ما يعجبك شيء !

لذلك الله يفرج همك يا أم فارس
فوضي أمرك لله و بإذن الله ما يخيبك ربي
و حتى تحسنين من الوضع ركزي على حاجتين :
الأولى / الوقت اللي تجلسون فيه كعائلة يكون راايق و تكونوا مستمتعين فيه.
و الثانية / إنت قربي من زوجك حاولي يكون بينكم تلامس جسدي لو تقربي منه و تمسكي يده أو كأنك تعملي مساج لساقه أو ظهره ،، و وقتها ركزي على طريقة لمساتك لجسمه ،، منها هو يرتاح و يحس بالتقدير لجهده و منها إنت تحسي إنك قريبة منه ،، و مع بعض اللمسات ممكن يصير عنده رغبة أكبر بالعلاقة الخاصة.

أهم شيء اهتمي بصحتك هذه الفترة ،
و إذا ما عملتي تحاليل أفضل احجزي من الأسبوع الجاي لا تتأخري..
و منها تأكدي من الحديد و مخزونه و غيره ،
و معهم فيتامين د ..
لأن بعد الإجهاض ممكن يكون حصل نقص بالحديد ،،
إضافة إلى أن نقص بعض الفيتامينات يؤثر على النفسية.