قلبتي المواجع ..

امي الله يحفظها تسوي لاختي اللي عمرها 13 سنه مكياج عروس افخم من مكياجي انا الكبيرة اللي عمري 24 سنة ومتزوجة وعندي عيال .

اهي طويلة وجرمها كبير ومع المكياج والفساتين الفخمة فقدة طفولتها ..

ولما اكلم الوالدة في الموضوع تعصب وتحسب لي مقاصد ثانية

وتختلف معي وتسكتني واسكت الشكوى لله .

والحين تعرضوا لموقف لا يحسد عقباه ..

تقدم لاختي هالبزر واحد من العايلة يبيها ..

وعاشوا لحظات حرجة .

البنت صغيرة والولد كبير والادهى القرابة احراج .

الكل يناظرها يقول وشذا البنت ماشاء الله فزّت ..

وان ما صدقت خبر هزأت اختي تهزئ ماله اول ولا اخر وقلت لها احسن تستاهلين ...

وحطيت عليهم حطه ..

لو كانت محتفظة ببراءتها ماكان احد فكر انه عمرها عمر زواج ..

اللي عندها اخت او بنت نفس اختي تخبرها هالقصة ..

انه ممكن لو كان الزوج كفو تزوجونها واهي ما تمتعت بالحياة .

انا معاك وضد المكياج الكثيف حتى للناضجات .

انتظر الزمن اللي يصير مكياجنا مثل الاجنبيات ..

مجرد لمسات تعديلية وليس اخفاء معالم الوجه الحقيقية .

مشكووره اختي صوغه

وفعلا البنات تغيروا مررررررررره

اختي عمرها 15 وتحط فل ميك اب هذا غير المدرسه تروح وحاطه الكحل والقلووس

انا الحين عمري 18 واروح للجامعه ولا شي بوجهي الا اذا ابي اكشخ احط قولس

ويقالي كاشخه بعد .. لان البنت برأي حلاها على طبيعتها ..

وكل ماكان مكياج البنت ناعم كل مابرز جمالها وعمرها الحقيقي اكثر ..

لكن انا ضد البنات اللي من عشر سنين وتحت انهم يحطون المكياج

وضد بنات 13 و15 .. في انهم يحطون فل ميك اب

لان والله المكياج يعدم البشره عدم .. ولااحقين على التصبييغ

شااكره لكي اختي

انا بصراحه يستفزوني اللي يحطون مكياج وهم مش عارفين وين ربي حاطهم بس مسألة تقليد وهم لسه وراعين،، كثييير اشوف كذا بس احيانا تكون الأم او الاخوات هم المشجعات لهم انا برأيي من تدخل البنت سن ال20 تبدأ في الحوسه والمكياج ،،اما اللي في المتوسط وتحت فما له داعي ابوه مكياج بدري بكثير حلاة الوحده بنعومتها في هالسن ..
وفيه بنات في ال20 والله اشوفهم بس مكياج خفيف بس يعجبوني نعووومه من جد :26: :26:
المكياج حلو بس فيه ناس يبالغون فيه بدرجه مش طبيعيه حتى في النهار،والبعض مايناسبهم كثثير بس الاغصب زي الناس حلو مو حلو كيفه هههههههههههههههه:eek: هههههههههههههههه:)
يعطيك العافيه موضوع رهييب

الان مو مثل قبل واحنا مو مثل امهاتنا ولا بناتنا بيصيرون مثلنا ....هذي سنه الحياه ومن الطبيعى كل جيل غير عن اللى قبله ....
مو مشكله لو البنات الصغار اهتموا بالمكياج لكن الاهم انهم ماينسون المضمون والجوهر فى انفسهم ويلتهون بالمظاهر والقشور ....

فعلا موضوع رائع الله يرزقك ان شاء الله الذريه الصالحه ..
عندي بنوته بس لسا صغيره ..
وانا ضد المكياج للصغار الى سن 15 سنه الله يعينك يا بنيتي علي ..
اما لطرحك الموضوع الثاني فانا احط مكياج على حسب المناسبه اللي اروح لها ..
وانا حجابي كاملا ولله الحمد يعني ما يظرني اذا حطيت مكياج الا اذا حطيت عدسات يذبحني زوجي ما اطلع عيوني ..
والله يرزقك درزن اولاد و بنات بس مؤدبين حسوفه المكياج ينحاس ..
الف شكر لك لطرحك الموضوع وخاصه الثاني لان بعضهم متساهلين هداهم الله ..
اختك
تميمية