موضوعي جدا مهم ومنتشر

اي وربي صدقتي
تصدقين اخوي يقولي وصلت معنا بالمجالس
كلمن يكلم الثاني بجواله اذا يبي منه شي
ولى يقوله نطلع وش رايك ههههههههههههه
ماغير الشيبان يسولفون :28:
على بعض ابهاتهم يعني
ولى البنات لي اجتمعوا
تلقين كلهن فزن مع بعض بدون حس
هااااا وين على الله
نبي نشرب ماء هههههههههههههههه
ياحلوهن افهم لهن :27: ياكثر ماعطشن للماء ههههههههههه
فعلا زمن صار يضيق الخلق
الاكثر سااااكت اجواء صااامته
يمكن ماغير اناااااا اهذر ياحليلي ربي يخليني لميمتي:39:
بس شوفي مرا سويت لي حركه باخواتي واخواني وعيالهم لاجتمعوا عندنا
هذا الله يسلمتس كنت قاعده بصاااله لحالي
وجايبه حلا ومسويه قهوا وماغير انا وامي
وامي اذبحتني وينهم خل يجووون وراهن وش صاير نايمين اطلعوا اي وبعدين وش تحترين ياالعنود:16:
وروووح لتس لشبكه وافصلهااااا هههههههههههههه
وسبحااان الله قعدت اضحك هجوووم ركض اللي من الغرفه واللي منا ومنا وراكن جيتم كلكم وش صار العلم :32:
قاااالوووووا لااااا صحيح كانك ماتدرين هههههههههههه:23:
وانتي سوي مثلي افصلي الشبكه وارتااااحي
والبعض شبكته معه الله يعينك
روووعه موضوعك جا على الجرح
اعاني مثلتس يوووووه جننوني وربي

الله يلطف فينا ويرحم حالنا
اجتمعت مع اهلي
أمي وأختي الكبيره مانا مع بعض نسولف
ولا الصغار ع الايباد وأجهزتهم مانشوف وجههم الا اذا يشحنوا جهازهم هههههه

تصدقين حتى جدتي الله يحفظها اذا اجتمعنا تفتح هالجوال وشوفوا هالمقطع وشوفوا هالصوره ... مع انها قبل لو تلمح الجوال مع وحده هزئتها هههههه لكن دوام الحال من المحال

الكل يشكي.
طفشنا طفشنا من هالاجهزه. فرقتنا

اي والله طفش انا اذا كنت مع حريم والا اختي ومبسوطه مااحب اطالع في الجوال اولا احب السوالف ..ملسونه ..
وكمان استحي من اللي قدامي احسني اقلل من قيمته يوم اقعد على الجوال واطنشه