كيف الحال ياحوائيات عساكم بخير
انا من المتابعات للمنتدي
من تقريبا 7 او10سنوات>>>> لاتحسبوني كبيرة حيل
بس من كنت بالمتوسط وانا متابعه له
وسجلت كثير بس من نسافر انسي<<عاد الذاكرة والنعم فيها
حبيت هالمرة اكتب موضوع وان شاء الله بدايه تثبيت لي بالمنتدي اللي انتو اعضاءه<<بالله
(قبل ابدا بموضوعي رجااااااااااء
يامشرفات لاتحذفون موضوعي لان ابي الكل يقراء
بحاول انسخه اذا يسمح لي لاني عضوة جديده بكذا قسم)>>قامت تصيح
موضوعي دائما افكر فيه وشاغل بالي
وانا متاكده ان كل وحده فكرت فيه الا قله
دائما افكر بيني وبين نفسي اقول ليش بيينا فقراء
ليش بيينا ناس تتألم وتحس بالغربه واحنا ماندري
ليش بيينا ناس تنام جوعانه؟؟ واحنا غافلين
ليش محيطنا مملؤ بالمساكين؟؟
هنا انا ماتكلم عن الفقراء اللي يتوسلون ويشحدو لا
انا يلفت نظري كثير
الفقراء اللي مايرضو يمدو يدهم لاحد ويتحرجون من المساعده
ومحتسبين الاجر
قال تعالي:
(يحسبهم الجاهل أغنياء من التعفف، تعرفهم بسيماهم لا يسئلون الناس إلحافاً). البقرة / 273
ليش الناس تغفل عنهم
يعني عشانهم ساكتين ومايشحدو
والفقراء اللي يشحدو ويتوسلو يشبعون ويغتنون
بالله مو ظلم لهم؟؟
وينك يازوجه التاجر وينك يبنت التاجر
وينك ياسيده الاعمال
وينك يااميرة
وينك ياصاحبة اكبر صالون
وينك يامعلمه,ياممرضه,يادكتورة,يااستاذه
وينك يازوجه,يابنت,ياأخت,ياخاله ,ياعمه المقتدرين والتجار والاغنياء واصحاب العقارات
وينكم يالطبقات الوسطي
ليش غافلين
ليش ماتتصدقون تتبرعون لهل مساكين
لاتقولو مافي ناس محتاجه
لاتقول هذي اموالنا ماجت بالساهل
لاتلقولو احنا تعبنا وسهرنا وبالاخير نصرف على غيرنا
هذول اخواننا ومسلمين ومننا وفينا
لاننسي قول
رسول الله صلى الله عليه وسلم ( المسلم للمسلم كالبنيان يشد بعضه بعضا)
روحو شوفو ايش كثر الحارات الشعبيه والمهمشه
شوفو الفقر على اصوله
بيت متهالك
سيارة معدومه
اطفال مالين البيت ملي>>>>>لحد يترك الموضوع ويقولي
طيب هما ليش خلفو اطفال وهما مو قد المسؤليه؟؟
شوفو كم طفل ينام جوعان
كم ام تبكي من صريخ ولدها اللي مو لاقيه نقطه حليب تشربه
شوفو كم طالبه نامت حزينه باكيه لان مريولها انعدم وابوها مايقدر يشتري لها غيرة
وتظطر تداوم فيه الى نهايه السنه
او لان ابله الرسم طالبه الطلبات الفلانيه وابوها عاجز عن توفيرها
وصل فيهم لدرجه ان البنات يغبون عن المدرسه لان وانتو بكرامه الوحده مو لاقيه فوطه تلبسها
لان الفوطه يبيلها 10 ريال وابوها مايملك ريال واحد
لان هالشهر سدد ايجار بيته حق 6شهور مضت او مقبله
>>ماعرف ليش طمع التجار بالدفع المسبق للبيت
او لان الراتب راح بتصليح السيارة
او سدد دين عليه
,,,
لاتقولن ابالغ
ابد وربي ماابالغ
شفت اللي حولي
وعشت وتعايشت معهم
وربي مواقف كثيرة وحالات كثيرة تقطع القلب
بس لان خجلهم من مد اليد محد حاس بمعاناتهم
,,,
وربي مرات من توقف السيارة عند الاشارة وتمر من جنبي سيارة (معدومه ,خرده ,قرنبع)
احزن حيل اقول ياربي معقول مافي شخص مقتدر شاف هالسيارة وفكر يساعد صاحبها
مادري هي قلوبنا قست اواعتدنا نشوف الفقراء بيننا
او احنا فعلا غافلين
,,,
ومرات تكون في منازل قديمه وواضح عليها الفقر على الخط السريع
اقول يالله هذا الخط يمر فيه مئآآآآآآآت الطبقات والشخصيات
معقول مارق قلب احد عليهم
معقول مانمدت يد العون لهم
سبحان الله,,,
والله دخلت كذا بيت وبعز الحر مايملكون الا مكيف او مكيفين
وياااادوب يهف عليهم شوي هواء
وهما ميتين حر
لان المكيف له 10 او 11 سنه ماتبدل
لانه ماجا بالساهل
والله تقطع قلبي عليهم
اقول وين ياربي اهل الخير مايمرو يشوفو اهل البيوت هذي ومعاناتهم,
تخيلو معي شويه لو
كل شخص مقتدر اهدى ثلاجه او غساله او مكيف او موكيت او او اوحتي طقم صحون
لعائله محتاجه كان خف الفقر والمعاناه
ودخلنا الفرحه عليهم
ودفع الله بها عنا البلا وكتب لنا اجر عظيم
الصدقات سبب في السعاده وشفاء المرضاء
وتكفير الذنوب
,,
في موسم الامطاااار
معاناه كبرى لهم
لان السققققققف يخر
والبيت ينقط
ويقلق يومهم...واترك التفكير بحالهم لكم...
الله المستعاااان
,,
يمكن في ناس يقولون وين الجمعيات الخيريه عنهم
>>طبعا الجمعيات لها فضل كبير ع كثير من الناس
وراح ارد رد متواضع حسب معرفتي القليه
اولا
الجمعيات الخيريه ماتغطي كل الاحتياجات
لان المساعدات قليله
ثانيا
الجمعيات الخيريه مو كل فقير تقبل تساعد لازم بشروط معينه
ثالثا
هذول ناس عندهم عزة نفس وكرامه
واللي يبي يساعدهم لازم مايحسسهم باهالشي لان ماراح يقبلو
,,,,
وييننا عن المستخدمات(الخالات,الفراشات)
كل مدرسه فيها على الاقل 4او5 مستخدمات
ليش نغفل عنهم وحنا كل يوم نشوفهن ونتصبح فيهن
ليش الدنيا تلهينا عنهم وتغمض عيوننا
لو كل مدرسه تعطي الخاله 100 ريال من كل راتب والله لتصير بجنه هالخاله
وتعيش احلى عيشه ببركه اهل الخير
وانتو تعرفون زين ان رواتبهن ضعيفه ومارضن يشتغلن هالشغله الا لضروف قويه
,,,
ويننا عن الكاشير اللي بالمحلات
ليش ماناخذ بالنا ونفكر شوي بحالهم
يعني لو مقتدر يفكر يشتغل هالشغله؟
انا مااقول الشغل عيب او اقلل من شأنه
بس ابي الفت انتباهكن للناس اللي تعودنا نشوفهم حولنا ولا نفكر نساعدهم لو بالقليل
ونفس الشي حراس الامن للمولات
يوووة كل مول عليه حارس او حارسين امن
تخيلو معي موسم رمضان موسم الخير
خصوصا 25-8
المولات والسوبرماركات ززززحمه وضغط
وجا رجل وحط بيد حارس الامن 500 ريال >طبعا بطريقه غير مباشرة
ياااااه ياكبر فرحته
لاتفكرون ال500 هينه عنده
لا
ابد
لان راتبه مايتجاوز ال2800
واذا كان له خبرة مررة ماراح يتجاوز ال3000
,,,
والله البلد هذا مليان من اهل الخير
افرح من اشوف صاحب عماير للايجار يمتنع عن اخذ الاجارات بشهر 9 ويحتسب الاجر
ويعتبرها صدقه ودفع بلا عنه وعن اهله
همسه:
والله اللي يبغي الاجر يروح للحارات الشعبيه بنفسه ويشوف المعاناه الحقيقه,
وووووووالسجون مليااااااانه فقرااااااااااء
,,,
رجل مسن له بالسجن 6 شهور اوسنه او سنتين والسبب دين
اه ياقلبي يتحمل هم الدين ولا السجن ولا العائله اللي تنتظرة عشان يجيبلهم لقمه عيش....
مجرد فضفضه,,:(
ارحب بالانتقادات الهادفه الغير جارحه
واطمع بالشكر اذا عجبكم الموضوع
:26: