بفضل من الله في هذه الفتره تقوم جميع مدن المملكه وقراها
بتكريم طلاب وطالبات حلقات تحفيظ القرآن ،،
وهم يتوجون والفرحه تملأ قلوبهم ،، والفرحه لا تسع والديهم واهاليهم،،
اطفال بنات واولاد كان القرآن جليسهم يوميا يتدارسونه ويحفظونه ،،
ولابد ان يجد الطالب اثر ذلك في حياته ،،وكذلك الاهل سيلمسون
امور وهي بركات القرآن ..
اتمنى غاليتي تسعدينا وتفدينا بأي فائده لمستيها
بأي تغير كان للقرآن اثره على ابناءك ،،
على اخوتك ،، او على من حولك .؟؟
لتعم الفائده ولك الاجر بأذن الله ..
فموضوعي انتم من سيثريه بالفوائد القيمة .. ؛؛
كثير من اللي اعرفهم يقولون بعد استمرار اطفالهم بالتحفيظ ،،
يلاحظون تحسن الحفظ عندهم ،، وطلاقة اللسان ،،
فبـ التالي تحسن مستواهم الدراسي بشكل ملحوظ..
وحدة من قرايبي تقول كنت معارضه لفكرة دخولهم التحفيظ،،
بس ابوهم كان مصر ،، ومع السنوات تقول حمدت ربي
انه دخلهم ولا سمع كلامها لانها لاحظة تحسن مستواهم الدراسي
وسهولة حفظهم للمواد ،، هذا غير الصحبه الجيده لاولادها وبناتها مع الرقابه طبعا ..
وهذي وحده اعرفها بعد تقول
عندها ابنها الصغير ماشاء الله ذكي ونبيه وملفت للنظر
ببعض تصرفاته ،،
قبل دخوله المدرسه بسنه تغير تدريجيا ،،
اصبح انطوائي ،، يبكي سريعا ،،لايتكلم ولا يشارك الاطفال اللعب او الكلام ،،
يسوي بوجهه حركات مثلا ابتسامه بدون داعي او يصغر عينه ،،
المهم تقول لدرجه صار ملحوظ بين القرايب ،، جلس سنه وهو على هذا الوضع؟؟
تقول احترنا فيه وقررنا نوديه طبيب نفسي ولكن كل يوم بكره ووو حتى دخل سنه اولى ،،
والمشكله مازالت عنده ؟؟ يضربونه بالمدرسه
ولا يشتكي لأحد ،، يكره المدرسه ،،
وبعد كم شهر التحق بتحفيظ القرآن ،، وكان كل عصر يروح للتحفيظ ،
وطبعا فترة الظهر يكون يحفظ بالبيت ويراجع ،،
بعد كم شهر من التحاقه بالتحفيظ بدأ يتحسن تدريجا الى ان رجع الى طبيعته ..
تقول تفاجأنا من تحسنه بدأ يسولف ويتضارب مع اخوانه،، رجع لطبيعته
وتحسن مستواة الدراسي ،، وكرموه المدرسه ..
تقول فكرت ايش اللي تغير بالموضوع ماتدري ؟؟
الى ان سمعت نقلا عن احدى المشايخ يقول اذا ابنك بالتحفيظ اذا صابته عين او حسد
يروح بأذن الله ،، لانه برتباط دائم بالقرآن والجن وووو مايتحملون القرآن .
فـ ألف مبروك لأهل الله وخاصته ..
وهذه فرحتهم با الدنيا ،، فكيف بفرحة وجزاء الآخره ..
اسأل الله ان يفرج هم كل من شاركت وأفادتنا من تجاربها وتجارب من حولها..
ويرزقها سعادة الدنيا والاخره :26:
WIDTH=0 HEIGHT=0
لا اله الا الله