موضوعي عن الحمل واطفال الانابيب

اول اشي السلام عليكم حابه احكيلكم قصتي واذا ممكن حدا يستفيد منها او يسالني انا جاهزه
انا تزوجت كان عمري ٢٠ ضليت ٣ سنوات ما حملت
كان كل الموضوع مش مفهوم من دكتور ل دكتور وصلنا للسبب وكان في مشكله عند زوجي ضعف حيوانات منويه مع تشوهات فيهن ونسبتهن قليله كثير كثير وما تصلح الا للزراعه بعد العلاج
تعالج زوجي ورجعنا لدكتور واعطانا فحوصات وكانت تمام وما احتجنا ادويه وبعدها بلشت ب مرحله
زراعة الانابيب ما كنت فاهمه اشي طبعا وصغيره وخايفه من كل اشي وحابه يكون عندي طفل
قلت اني رح اقوي نفسي ورح اتحمل اي شي
اعطاني دكتور برنامج ابر ووبعدها ابرة تفجير وبعدها عملت عمليه سحب مبايض واطلعو مني ١٣ بويضه
وكان زوجي معطي عينة وحطوهم بالمختبر
وحكالي الدكتور انو رح يرجعلي ٣ اجنه ورجعت بعدها ب ٥ ايام رجعت الاجنه وبدات رحلتي طبعا الملل الي احس فيه والتعب وممنوع اعمل اي اشي واذا تحركت احس بتانيب الضمير انو ممكن هاد الاشي الي عملته يكون اذاني
كل يوم افتح على تلفون واقرأ عن العمليات واشوف كلامكم وصراحه اكثر شي فادني تجاربكم ونصايحكم
طبعا كنت احس بمغص بطني ووجع ما اتحمل وجع فجاه ويروح ونغزات يمين ويسار وظهري يوجعني وطبعا اروح على حمام وارجع ولا حتى افتح باب الغرفه اهلي يفتحولي اياه
وصلت لليوم العاشر صرت احس بالغثيان بس ما اقول لان عارف انهم رح يفكرو اني متوهم وصرت احس اني بتوهم بنفسي انو لا مستحيل من وقت هاد احس بغثيان ضل مستمر لليوم ١٢ حكيت لدكتوري وحكالي افحصي دم حساس وفحصت واستنيت النتيجه لحد ما وصلتني نتيجه وحكولي (( مبروووك حامل ))انتي وقتها ابكي واصيح بنفس الوقت واكذبهم ما صدقت والحمد الله رب العالمين نجحت معي وربي يطعم كل حدا مشتهي وضليت مداوم ع الاستغفار والقران والادعيه واستودع اجنتي يوميا ويارب تطعم كل محروم الذريه الصالحه يارب العالمين وما تحرم حدا
وبالوقت هاد عندي مرجعه بعد اسبوع عشان اعرف كم كيس حمل نجح
واي سؤال انا جاهزه
وربي وفقكم اجمعين واسف على الاطاله 💙