موضوعي عن مشكله مطبخي

السلام عليكم ورحمة الله و بركاته
بناءا على رغبة مجموعة من الاخوات اللي حابين يعرفوا ايش سار بالحلقة الاخيرة من مطبخي
اولا رايحة اختصر الموضوع من البدايه للي ما قراوا الحلقه الاولى وبعدها نكمل عادي
فصلت مطبخ بشارع صاري عند محل اسمه كنوز الشرق للمطابخ ، اتفقنا مع المصري على انه يحط لنا اجود شئ ، فكنت كل ما اقول له اكتب هذه الاشياء بالعقد يقلي يا مدام هذه اشياء طبيعية ما يحتاج اكتبها لاننا ما نسوي غير كذا مثلا قلت له ابغى المفصلات ايطالية قالي احنا ما نحط غير ايطالي فما يحتاج اكتبها طبعا ما كتبها وما ركبها لانه ركب صيني يقول انا مشيت حسب العقد
المهم قلت له اكتب سمك الرفوف انها تكون 4 مل ما رضي يكتبها لكني اصريت وكتبها
لما ركبوا المطبخ الرفوف كانت 2.5 مل وطلبنا تغييرها وغيروها لانها مكتوبه بالعقد لكن حطوها 3مل
كنت طالبه ماجيك كورنر وكتبها بالعقد وسعرها 900 ريال بس ما ركبها
لما كلمه زوجي عنها قال ما لقيناها بالسوق قال له طيب ليه ما حذفتوا سعرها قال له نسينا (معقووووول؟؟؟؟؟؟)
وركبولنا درفه مكسوره قالهم زوجي هذه مكسورة قالوا له معليش مو باينه ( عجييييييبه )
واشياء كثيرة لو اكتبها يبغالي اقل شئ 3 ساعات
وفي النهايه راح اشتكاهم زوجي للشرطة قالوا احنا ما لنا دخل روحوا لوزارة التجارة رحنا قالوا ما دام معاكم اثباتات من حقكم كمان تعويض عن الوقت وقدرولنا مبلغ ثم تم تحويلنا لعمدة الحي وبعدها تحولنا للمحكمه وجلسنا من جلسه لجلسه يعني يتم تاجيل القضيه لان الطرف الثاني اللي هو صاحب محل المطبخ ما جاء وجلسنا 6 شهور تقريباتؤجل قضيتنا الى ان تم تحويلنا للصلح مع العلم زوجي رافض الصلح نهائيا يقول انا ما ابغى هذا المطبخ
وبعدها صدر القرار باننا ناخذ جزء من المبلغ اللي دفعناه وياخذوا المطبخ وتم حذف التعويض مع العلم القاضي يقول لزوجي انا عارف الحق معاك لانه معاك اثباتات كانت عينات للرفوف اخذها زوجي للمحكمه والعقد كمان
عارفين كم اخذنا من الوقت وانا بدون مطبخ 11 شهر والى الان لم نستلم الفلوس
ما اقول غير اللهم اجرنا في مصيبتنا واخلفنا خيرا منها وحسبنا الله ونعم الوكيل
فيا اخواتي احذروا من
مطابخ كنوز الشرق بجده