نـُهــــى 24 :

اعتقد أساس هذي المشاعر حاجة لها علاقة بالشخصية ... مثلا انتي  طبيعتك معطاءة ، وشخصيتك تتسم بالنبل ، السعادة عندك تكتمل بالمشاركة  وتقديم النفع للناس عشان كذا عندك دايم جوع في هذي النقطة ..لأن سعادتك مرتبطة فيها .. وهذي طبيعة شخصيتك .فالأحاسيس هذي دايما متخلقة ومتواجدة داخلك .تحتاج تشبعينها   تحتاجي  بس تجلسي مع نفسك وتحددي وش مهاراتك اللي تملكيها وش اللي تقدري تعطي فيه؟ واللي تخدمك في الوصول للهدف اللي تبين . ممكن نفعك للناس تطبقيه  بصورة دعم نفسي منك لاي شخص يحتاج الاحتواء . وتكوني مقررة انك مآخذة المسألة هذي كهدف وقضية... ممكن يقع خيارك ع فلان  اللي حياته منكوبة ماادعي لنفسي الا أشركه في الدعاء وكأنه قضية عمر عندك ...ذا بيشبع إحساسك جدا .. ممكن لو ماديتك زينة تتكفلي بمحتاج .. ممكن حتى يكون عندك حساب تحفيزي تشجعي الناس لأمور الخير ،ممكن تقدمي نصايح حلوة  وممكن انك تحطي هدف إنك تقدمي يد المعونة بطرق مفتوحة  سواء بطرح حلول او تسلطي الضوء ع ايجابيات الآخرين بقصد تعزيز الثقة  ..او او ...لكن قرارك هو اني انفع الناس وامارس أشياء نبيلة حتى تحسي بالرضا والشبع  احس فيه خيارات كثير متعددة بس انتي اللي تعرفي وش أكثر الأشياء اللي تشبع عندك هذي الرغبة وتحسي منها إنك فعلا قاعدة تقدمي المنفعة اللي ترضي الرغبة المُلِحة داخلك. لأنه اعتقد ان نتيجة الشيء اللي تسعين له مرتبط برؤيتك له كقضية  وهدف . اذا حسيتي بهذا الشعور وقتها بس بتحسي إنك فعلا قاعدة تسوي شي ،وشي مرضي حتى لو كان صغير . والعكس لو كنتي تمارسي ادوار كبيرة وصعبة لكن نظرتك للموضوع مالها منطلق يسندها ،وانه بس حتى اسكت الصوت اللي داخلي .اعتقد بيكون حماسك لحظي .وماتستمرين . وبالتالي يبقى عندك إحساس دايم وجوع تجاه شي غير مفهوم عندك . هذا تحليلي لإحساسك . نفع الناس صوره كثيرة . بس وش الصورة اللي تتطابق مع شخصياتنا حتى نقدر نأدي دور فيه .هذي الفكرة.

اعتقد أساس هذي المشاعر حاجة لها علاقة بالشخصية ... مثلا انتي  طبيعتك معطاءة ، وشخصيتك تتسم بالنبل...