شوفي المنتدى كيف كل وحده تحط فكره. والي تنزل صور ترتيبها لبيتها والتنظيف راح تتحمسي اكيد وووووو
انتبهي زوجك لا ينفر منك لانه اكيد يبي يحصل بيته نظيف وعياله وزوجته بيفتحو النفس ممكن الحين الشغل متراكم عليك بس اباي. كل يوووم غرفه تنظيف عمييييق كل البيت بياخذ يمكن اسبوع وبعدها صدقيني ساعه تخلصي شغلك ك ترتيب عام للبيت
السهر السهر السهر ابتعدي عنه سبحان الله كل م تسهري كل ماتروح بركه يومك اصحي يوميا 9/30صباح حتى لو فيك نوووم قاوومي وراح تتعودي وتصحي من دون منبه ولا حاجه فطري عيالك وابدي شغلك باذن الله م يجي الظهر الا وانتي مبخره البيت وبالاستمرار بيقل الشغل وبيظل بيتك نظيف وبالتوفيق حبيبتي

الله يعينك ويشفيك هذا ياحبيبتي مرض ماهو كسل وحتى انا اعاني منه والله ماودي المس شي في بيتي والاخوات الي ردوا وفوا وكفوا بس ابغى انصح بشي بسيط المعطرات اشتري فواحات من عند بودي شوب ونكتار تلقينها في حدود العشرين وفيه معطرات عند التخفيضات في حدود العشره ومحلات التخفيضات تبيع بخور بخمسه او عشره مرررره روووعه والفحم سريع الاشتعال بخمسه ريال
والملابس اشتري مجفف ويرلبول وراح تدعينلي تنسين الكوي وسنينه من المجفف الى الدولاب مرررره روووعه والله كنت اتعب في كوي المراييل والثياب للمدرسه وبعد ماجبته نسيت هم الكوي
والحمامات خلي في حمامك مكنسه وتايد وماتتكاسلين في تنظيفه لانها في متناول يدك وممكن تجيبيبن فواحه للحمام ب 13 ريال تخلي ريحته روعه
طبعا انا اعطيتك الحلول حقت الكسالى ماهي حقت النشيطات بس ان شاء الله نتيجتها حلوه

وبالاضافة الى كلام الاخوات الله يعطيعهم العافية ويجزاهم خير سوي تحليل للغدة الدرقية هي احد اسباب الكسل اذا كان كسلك مرض

كسل عن كسل يفرق فيه كسل مرضي وكسل طبع اذا كان الي عندك كسل مرضي حاولي تشوفين السبب وتعالجينه
واذا كسلك طبع مالك حجه بصراحه لان الكسل مو حلو حاولي تغيري نفسك وتشوفي تنظيفات البنات هنا تتشجعي وتتحمسي اكثر لانه انا شجعوني كثير واتحمست معاهم واتعلم منهم الله يجزيهم خير

سبحان الله والحمد لله ولا اله الى الله و الله اكبر