موضوعي مؤلم💔

بنات انا زوجي كريم ومايقصر معي ولا مع ولدي ابد وكم مره فتشت جواله فاضي مشكلتي بقولكم عشان اشوف هل اسبابي مقنعه للطلاق ، ياناسس بعييد عني مره ومايفهمني الموضوع مره مؤلم اشوف الازواج كيف قريبين لبعض وانا مقدر اتكلم معه بعفويه هو عنده ان كل سالفه مؤامره ودايم كلمته (وش قصدك) لي 3 سنين معه توي افهمه طلع مايؤمن بالسوالف العاديه لاااا يحطها مؤامره وقصدي فيها حاجه هو طيب بس معقدد وانا ماني اخذ راحتي معه والله علاقتنا يعع رسميه وماحنا قريبين لبعض ااه مدري شلوون اشرح لكم💔💔 والله هالمشكله امرضتنني وتعبتني نفسياً ليييه بس لييه والله اني اكتب وخانقتني العبره فالبدايه نصحوني يقولون خليك رسميه وانا اقول لااا هذا شريك حياتي باخذ راحتي بس كم مره اتكلم بعفويه واسولف بكل شي صار باليوم ويعلق تعليقات تقهر 😭💔 مثلاً قلت سالفه قال والله مدري شقصدك والله انتي متغيره عاد مدري وش وراك وكثير كثير من التعليقات وسوء الظن لين صرت مدري وش اسوي معه معاد اخذ راحتي متخيلين زوجي وشريك حياتي اكلمه برسميه كني اكلم زميل مثلاً والله اني مقهوره ومتحسره وافكر ليل نهار اني انفصل بس بيجيني الم نفسي قووي من سالفه الانفصال يارب فاهميني وتحسبونه يفهم اذا علمته وقلت انت بعيد عني لا يمشكلني وينفس ويطلع من البيت حتى وانا اتكلم بهدوء وابتسامه واسلوب حلو الا مايكشرر وينقهر مدري ليش بنات هو مره معقد وعصبي يعني طلب حاجه وتاخرت شوي يقول عفتها مابيها بسرعه يزعل وينهار من كل شي ودايم يقول انا بسرعه اعوف كل شي ويتهاوش مع كل الناس فالدوام وفالمحل وفكل مكان مشخصنها ويكره كل الناس مرات احسه عقوبه علي وتخيلوا ناقشته بموضوع البيت واقسم بالله نقاشنا عادي وطقت اعصابه ونفسيته صارت صفر وقعد منهااار مدري وشفيه تحسون وجهه صار وجه واحد تعبان او مرضان
صرت معاد افتح له اي موضوع مغيرر اضحك ومبتسمه وما اناقشه في اي شي ابد واحياناً اسولف معه بسوالف يحبها لاني حزينه على حاله ويقعد يتفلسف ويسولف مايسكت وانا اجامل بس ماااهي جوي ابد حتى ردودي تقولون ردود في مقابله من كثر الرسميه وماني متقبله ابد الوضع .