موضوعي مع عضوه هنا حيرني

الأسرة والمجتمع

السلام عليكم والرحمه
بنات مدري وين اكتب هالموضوع لكن صارلت لي سالفه مع عضوه هنا وقلت اكتب واسئلكم كان بالموضوع ريبه ولا انا اتوهم

انا مااتهم ولا اكذبها لكن بحطكم بالصوره

وحده عارضه ملابس وساعه بالمستعمل واعجبتني الساعه ارسلت لها بالخاص انوه ابيها قالت لي اوكي
برسلك اياها بشركة الشحن قلت اوكي هذا رقمي عشان نتفاهم على العنوان والذي منه
قالت انا ماني حاطه رقم لكن هذا رقم الحساب باسم فلان حولي له المبلغ وانا ارسلها لك واخلي الشركه يدقون عليك ياخذون عنوانك

انا بصراحه ترددت شلون احول وهي رافضه تكلمني قلت طيب بستشير زوجي
طبعا المعزب رفض رفض باات وقال انا بدبر لك واحد هناك يستلمها طبعا انا بالرياض وهي بالشرقيه

ارسلت لها انوه ترا بيتصل فيكم شخص ويستلمها منك لان زوجي رفض التحويل قالت طيب وارسلت لي رقم واحد قالت انه بيوصلها للرجل واعطوه المبلغ

الرجال اتصل فيهم لكن تفاجئنا برساله منهم تقول كنسلنا الموضوع؟؟؟؟!!!!!!:09:

انتظرت منها رسالة اعتذار وتوضيح للي حصل لان زوجي انحرج مع الرجال الي وصاه كان ابدا مايمون عليه لكن حنييت ونقيييت لين دبر واحد هناك
انتظرت منها مسج على جوالي لاحس ولاخبر
قلت انا اتصل بالرقم الي ارسلته واستفسر الا يرد علي شخص قال ماادري عنها ليش هونت
وهي سافرت وماراح ترجع الابعد شهر:(

طيب وعد المؤمن دين وانتي وعدتي ترسلينها ليه كنسلتي من غير ماتفهميني السالفه
انا شكيت الحين ان الموضوع كله لعبه
وزوجي حلفني مااحول لاحد بالنت وعقب هالموضوع مالي امل اشتري شي عن طريق التحويل

عموما الاخت الكريمه لو دخلتي اتمنى تزيحين هاللبس وتفهمينا وش الي صار
41
3K

يلزم عليك تسجيل الدخول أولًا لكتابة تعليق.

تسجيل دخول

شمعــ نهـارــة
خلاص ياقلب ماتدري يمكن خيره لك

احمدي ربك على كل حال

وربي يعوضك باحلى واحلى
نـــورهـ
نـــورهـ
ماقول إلا صج الله يهديكم يا التاجرات

ياما مواقف صارت لي و للبنات

و يخربووون على التاجرات الأمينات الّي يبون يتاجرون بذمة و ضمير !!
سكوووت احلى
سكوووت احلى
حركه موحلوه بصراحه الله يعينج حطتج بموقف موحلو
كبرياء شمر
كبرياء شمر
الله يعينك

والله انا استغرب الي تبيع ملابس مستعمله وين حنا عايشين

ياكثر الجمعيات الخيريه ولا مايبون الاجر لازم التجاره بكل شي

بس الي يشتري من النت مثل الي يشتري سمك بالبحر وش يضمنك صدقه لو حولتي المبلغ ولا ارسلت لك شي

والله انا اخاف من هل الاشياء

مره انا بغيت بخور دوسري وكان فيه رقم جوال رقم رجال مهب حرمه

خليت زوجي يكلمه قال كم حبه تبون قال رجالي وحده نجرب

قال اشوف وسحب علينه يبنه ناخد كميه مهب وحده حنا ما اعطينه فلوس لان سلم واستلم

عقبه حرمة اخد رقم من النت اشتري شي قدامي احسن

يالله كل دقه بتعليمه والحمد الله انك ما دفعتي شي
بلونة وردية
بلونة وردية


ممكن ناقلته من منتدى ثااانى وتورطت ماتوقعت احد يطلب


وممكن كمان صااار عليها موت احد من قرايبها صعب تتصل


وممكن من النوعيات الكسوله الى ماتهتم 000