موضوع إلى بنات الرياض >>> المجمعات الحلوه ومعالم الرياض

أنا مو من الرياض لكن أقول لك الرياض ملياانه مجمعات نسائية ومولاتها حلوة أعتقد ماتفرق عن الكويت
زوري برج المملكة وبرج الفيصلية تعرفي على حريم وروحي معهم ملاهي نسائية
وإن شاء الله البنات يدلونك على اللي تتمنينه.
سلمي لي على السعودية وحشتني.

مرحبتيييين
اختي الرياض ملياااانه
وانتي اذا تحبين نوادي
عندك المناهل في السفارات روووعه
وعندك نيو لوك
اممممم واذا تبين اسواق مليانه حدث ولاحرج
والمطاعم والكوفيهات في التحليه

والله فيه اشياء كثيره بس بالضبط انتي وش ميولك وش طبيعة شغلك
لانه ممكن السكن اللي انتي فيه يوفر لك كل وسائل الترفيه اذا كان اسكان خاص


بالتوفيق

ياحيالله اهل الكويت ...

انا من الرياض بس ليتني فيها ...
الرياض كلها مجمعات ومن اهمها :المملكه وفيه دور خاص للمرأه يعني مايدخله الرجال وفيه صالون نسائي ..
الفيصليه-الحياة مول -غرناطه-صحارى-صحارى بلازا-العليامول -الأندلس

تبين اسواق شعبيه فيه:طيبه -العويس
اهم شوارع الرياض :شارع الملك عبدالله -شارع التحليه
مشاغل او صالونات:دارنور-ابولو
وفيه كثيييييييييييييييييير بعد بس هذا اللي ذكرته وان شاءالله البنات يفيدونك

وليتني كنت بالرياض كان قابلتك وتعرفت عليك بس الله يوفقك وتستانسين بالرياض

أختي أنا من الرياض

ومثل ما قالوا البنات هذي الأماكن الأشهر غير المطاعم وأشياااااء كثيرة

مدينة الرياض مررررة كبيرة ماشاء الله تبارك الرحمن .. لكن زحمة ..!! :22:

عموماً ادخلي قسم ساعدوني .. ان شاء الله بتلقين من يساعدك

http://forum.hawaaworld.com/forumdisplay.php?f=126

ياهلا والله اسفرت وانورت الرياض بك يالغالية

بالبداية ارحب فيك بالرياض وان شاء تعجبك.. اخخخ ياربي اشتقت لها
ثانيا اشتري اول ما تو صلين خريطة للرياض تكون حديثه عشان تعرفين تحددين اماكن الاشياء اللي بتروحين لها والله يعينك على الزحمات...
ثالثا اعرفي الارقام المهمة..
رقم الدليل (الاستعلامات)905
رقم الاسعاف 997 الله لا يحيجك له
رقم الشرطة 999
رقم المرور 996
ارقام المستشفيات اللي يغطيها التأمين اذا عندكم تأمين
ارقام شركات التاكسي والليموزين اللي تركبين معاها
...


بالنسبة للصالونات عندك المناهل بحي السفارات صالون ونادي.. فيه اجانب وسعوديين
وعندك باريس غاليري وابولو..والصالونات كثر البنات بالرياض ههههههه

المجمعات:
(حياة مول ..صحارى مول.. وصحارى بلازا )هذولا جنب بعض تقريبا على الملك عبد الله

(مجمع غرناطة) على الدائري الشرقي مخرج 9

عندك (مجمع خريص بلازا+ جيان)جنب بعض على خريص

طبعا فيه عماير السيركون وبرج الفيصلية والمملكة تلقين ما غيرهم مرتزات بالرياض خخخخخ:42:

والمجمعات كثيرة بس هذولي اللي انا اروح لهم كثيير وان شاء الله يعجبونك..


وبالنسبة للشوارع اشهر الشوارع اللي تلقين فيها محلات وماركات ومطاعم راقية:
العليا العام
شارع التحلية
طريق خريص
طريق الملك عبدالله
طريق الملك فهد
شارع الستين بالملز
شارع الثلاثين بالسليمانية


بالنسبة لمطاعم الفاست فود تلقينها بكل قرنة..هههه يعني بكل مكان...
بالنسبة للمطاعم الراقية ان شاء الله البنات يفيدونك كل حسب ذوقه بس انتي قولي لنا وش ذوقك بالنسبة لي انا احب الاكل الهندي وجربت اغلب المطاعم بس ما فيه زي مطعم شيزان الهندي على طريق الملك فهد خلف مكتبة الملك فهد الوطنية .
وفيه مطعم دارين للأكلات البحرية على طريق الملك عبدالله ومطعم ماريز الدور العلوي بطريق الملك عبدالله وجنبه مطعم كبابجي للكباب يمممممي .

بالنسبة للأماكن العامة فيه على الدائري الشرقي مخرج 9 ملاهي ستار سيتي والحكير لاند وجنبهم شاليهات المرسى وعلى فكرة مجمع غرناطة قريب منهم بعد!
وعندك حديقة حيوان بالملز بس ترا من زمااااان ما رحت لها يمكن خربت...!!ويمكن زانت؟؟
وفيه شاليهات الثمامة شعبية جدا:icon28:
وفيه مهرجان الجنادرية فترة الشتاء ما ادري تلحقين عليه او لا لكن فيه كل منطقة بالسعودية وعاداتهم ايام زمان ولبسهم واكلاتهم وعرضاتهم ...الخ:22::icon28::icon28:

عندك مكتبة الملك عبدالعزيز لهم نشاطات ومعارض فنية بين فترة وثانية.. ومكتبة الملك فهد الوطنية ..
ومركز الملك فهد الثقافي ومركز الامير سلمان الاجتماعي اسألي عن نشاطاتهم واحضري.. اتصلي عليهم وقولي لهم انك من الكويت وتحبين تحضرين نشاطات تملا فراغك وهم ان شاء الله يساعدونك..


فيه شغلة بالرياض اللي هي المعارض المؤقته (معارض الكتب او منتجات وطنية او منتجات دولية او ماركات مقلدة او الشغلات اللي يسوونها سيدات الاعمال ودايما تكون شغلات حلوة جد)هذي المعارض كثيرة وبكل مكان يسوون لها اعلانات بالجرايد ويسمونها بازارات..
تكون غالبا بقاعات زي قاعة نيارة وبعض الاحيان مركز معارض الرياض وفندق العليا و...الخ


اههههههههه تعبت:09: ان شاء الله تكوني استفدتي ويارب يارب تعجبك الرياض وان شاء الله تفوتك الطيارة من كثر انك ما تبين تطلعين منها خخخخخخخخخخخخخخخ:22:


...