موضوع استفدت منه مااره واتوقع يعجبكم وتستفيدون منه !!!!!!!!

عندي كم نصيحه للبنات ::

1- طويله ورزه لاتلبسين قصير فوق الركبه يبينك هبلا

2-الضحك بصوت عالي والتميلح بالمطاعم والاسواق راح يلفت الناس لك بس مو اعجاب لا تحمدالله على العقل

3-الميك اب الملوون خلاص بح انتهي وهذا احسن شئ لانو زمن المهرجين انتهى
كل شئ سنبل فيك تروحين لعزيمه بكريم اساس وبلاشر برونز او وردي وكحله بوسط العين ومسكارا وروج وقضينا ... ماله داعي زحمه الالوان على وجهك ترى تضيع ملامحك

4-الكعب حلوو ويرز الوحده بس مو كل مكان نلبسه ..
حلو بالمناسبات فقط ..

يعني السوق والجامعه حلو الفلات او الشوزات المسكره وواطيه باي ماركه تفضلينها وتعجبك ..


5- الشنط الكبيره اللي توصل لفخذك وشوله ؟؟؟
اختاري شنطه تكفي اغراضك ودروسك بدون مايبين انك تجرين وراك شنطه سفر


6- التكرار بالملابس مو عيب بس نختار اللي يناسبنا دائما ولايق علينا وبعيد عن تقليد فلانه وعلانه


7- اللي تلبس بووت للركبه في عز الصيف وشوله ياقلبي ؟؟؟
مو مكانه ابدا بالصيف ولا الربيع

البووت للشتاء بس وحلو تحت تنوره او فستان قصير ..
اما البنطلوون لا لا ماينفع يصير مكوم ومدري شلون شكله تحت اللبس

8- شعرك هو اللي يجذب الانظار لك ..
كم كلبسه وكم حركه تعطيك شكل ...

وبلاش التسريحات والبف والاسبراي اللي يقط شعرك في الجامعه والمدرسه


9-حواجبك كثيره وثقيله بلااااااااااااااااااااااااااااش تشقرينها بليز ...
شكلها الخربوطي احلى من انو يطلع وجهك مشهب ويروع


10- المياعه والكلام المصطنع يبين عليك ومافيه احلى من تكونين على طبيعتك بكل ذوق وادب ....


نسيت اشياء ....


- اللي ماتتروش كل يوم وتحط مزيل العرق ترى تطلع ريحه العرق هي الغالبه ويصير مكس شين مره مره

اذا مو حابه تغسلين شعرك كل يوم ع االاقل غسلي جسمك ...


- اللي تاكل ثووم ومدري وشسمه وتجي تسلم ترى فيه شئ اسمه علك هولز اشياء كثيره تشيل الريحه ..
هيل او مسمار كل شئ يرووح الريحه لو قدرنا نفهم احتياجاتنا ...


- اظافر رجولك لها حق مثل الايدين ...

انا اول شئ اشوفه الاظافر
احسها مقياس لنظافه واهتمام الشخص بنفسه ...


- العبايه الملووونه والعطورات بالسووووق حرام يابنات ...

البسيها باي مكان غير السوق ..
والعطور يعني زنا ..
تخيلي نفسك زانيه مع هندي مع سوري مع كل اللي بالسوق
من يشموونه تعتبرين زانيه عند الله يارب استغفر الله انتبهوووا يابنات ....


- حلو تلبسين شئ بايدك ساعه وخاتم بس لاتحطين كل اللي بالدرج فاصابعك


- احترمي الناس تحترمك ...
يعني اللي تقعد تقزز الرجال ومرته وهم جالسين سوا وهاتك ياحش قدامهم ترى عيييييييييييييييييييييييب

والبلاء لاصار الموضوع عناد وصاروا يطالعون الرجال يقهرون مرته
طيب تعرفونها يوم كل هالحقد ؟؟؟ وش هالعقد ؟؟


- تذكرووووووووووووووو

كل شئ صار سنبل يعني عادي مافيه شئ اووفر
لامكياج ولا ملابس سهره ولا طلعات ولاشئ ...

خليك طبيعيه تبانين احلى من الكل ....










بنات اللي يقولون عن المصافحه ..

الحين ماعاد يصافحونك نوع من البرستيج اللي مدري وش يبي ؟؟؟؟

ترى فيها حسنات يابنات ... وخلوا البرستيج على جنب

لي رجعه الكلام كثير وتعبت ...

1- لاتفتحين شنطة اي وحده مهما كنتي تمونين عليها
ان شاء الله امك اختك صديقتك العزيزة .... عيـــــــــــــب ترى


تخيلوا مرة وحدة سألتني عن عطري وقلت لها مخلط... بس ماقلت لها اسمه
لاني بالعربي عارفة انها سيدا ع السوق وبتشتري مثلة
المهم لمن قمت من مكاني شوي
رجعت قالت لي معليش ترى فتحت شنطتك عشان اشوف اسم العطر عاجبني ماااررا




2- ولا تتلقفين بعد وتقولين بتفرج ع الرسايل بجوالك .... عيبين

3- لبس ال كت اوالقصير وانتي مانظفتي بالحلاوة... ماله داعي ابد

4- انتبهي تسألين عن اشياء مالك دخل فيها..خاصة لو يكون اشخاص ماتمونين عليهم مرة
كم مصروفك ؟, بكم هذا؟ كم عمرك؟ وش سيارتكم؟ شنطتك اصلية والا تقليد؟؟؟
ليه ماحملتي؟ ليه ماتزوجتي للحين؟
فيه مساحة حرية للاشخاص اتركيها لهم


5- رائحة الجسم والفم ... اعرف كثير تكلموا عنها
بس ولو اللي نشوفه يخلينا نعيد ونزيدفيها

ترى في حالات طلاق بسبب الرائحة
يعني يحق لاي من الطرفين الطلاق او طلب الطلاق بسبب رائحة الشخص الاخر
تخيلتي لاي مدى الرائحة لاتطاق؟؟؟

6- التمطيط بالسالفة... وتشبعينها وصف ماله داعي. .. ماهو لصالحك
اللي يسمعك بيمل منك ومن سوالفك.. خلي كلامك to the point

يعني بتقولين لهم سالفة قوليها باختصار
خليك محددة
مثلا موقف صار لك بالسوق قوليه مباشرة
مو تقولين صحيت من النوم قلت لامي بروح السوق قالت استني شوي وقعدنا نحتري السواق وتاخر علينا قامت امي اتصلت عليه.... بلا بلا بلا

7- كثرة التمسخر والحش بالعالم مو زينة
تفقدك صداقاتك واحبابك
وماتكسبين بها الا السيئات والعداوات

لسانك لا تذكر به عورة امرئ **** فكلك عوراتٍ وللناس ألسن
وعيناك إن أبدت إليك معايباً **** فدعها وقل يا عين للناس أعين




ايه تذكرت شي

بلاش تعلكين قدام الخلق
احيانا الواحد ينسى نفسه وهو يعلك يطلع شكله بايخ
وبلاش الفصفصة في مكان عام


موفقين يالحلوات

طبعا الكلام زي ماقلتلكم منقول عجبني ونقلته





فيه حركتيـــن تنرفزني بجد..


الاولـــــى:

مثلا كنتي بعزيمه وجالسين قدامك ثنتين ((طبعا أخوات في الغالب )) ويطالعونك ويتكلمون مع بعض ليـــه الحركات البايخه هذي!! مافيهم صبر ابد يعني في راسك حش استني الى ماتروحين البيت وخذي راحتك وهي بتستفيد منك من الحسنات اللي بتآخذها منك



الثانيـــــه:

عدم الانتباه مع الشخص اللي يتكلم معك سواء بالتليفون او فيس تو فيس

مثلا كنتي تسولفين مع وحده وهي عيونها مع اللي حولكم مو معك طيب احترمي الشخص اللي يسولف معك كذا تشتتينه وماراح يكمل وهي يعني معاك بالخط ايه وعيونها طايره باللي رايح وجاي ..!!!
أو : تكلمينها بالتليفون وانت متحمسه في سالفتك وخطر ببالها سؤال تقطع كلامك وتسأل يعني شئ ماله دخل بالسالفه بس هي لقافه يعني انتِ في وادي وهي في وادي أو تسولف مع اللي جنبها وتضحك معهم وانتِ معها بالتليفون او تقطع كلامك كل شوي تقول لحظه ..(( الحركات هذي اعرف وحده تسويها )) ..ترفع ضغطي سوري يعني اسميها قلــــــة ادب اقل شئ احترمي اللي مع بالتليفون هي متصله بتاخذ اخبارك مو تسفهينها !!!!


سوري طولت .. بس من كثر مانشوف حركات ترفع الضغط لازم نفضفض .

اللي ببالي حاليا كم شغله


- حاولوا تكون عباياتكم نظيفه
دايم اشوف بعض البنات عباياتهم ماسحه الغبار من الأرض وبقع وخيوطها منتشه وحاله
كنت استغرب منهم
بس قريب قالت لي وحده إن بعضهم يعتبرون هالشي من الستر
يعني أول مره أعرف إن الستر مايصير إلا بالبهذله
الشكل المرتب والنظيف مايتعارض مع الستر ..






- فيه تصرف مره يقهرني
انا اسميها حرب العيون
تجيك وحده بالسوق تقزك من فووووق لتحت
وتثبت عيونها عليك
اجلس اطالعها عشان تستحي وتشيل عيونها ولا فيه أمللل
ليش طيب؟
انا بنت حالي حالك وش اللي تطالعينه بهالقوه
والله إن الرجال صايرين أهون بنقطة القزقزه

عجزت افسر هذي الظاهره
هي لقافة وشفاحة؟ ولا إستفزاز عشان تحس إنها قوية؟ ولا فرحانة انو محد بيعرفها؟






- الحروب اللي تصير عند الكاشيرات
بليز بليز وقفوا طابور وبلاش مساقط
المشكلة نزعل إذا قالوا عننا الأجانب شعب همجي
وقسم إن أشيل هم المحاسبة من هالحركات

بالمطاعم بالفود كورت متجمعين عند كاشير المطعم وكل واحد ماد فلوسه ويامحمد ويامحمد
كأننا بجمعية خيرية توزع أكل للناس





- إذا احد ساعدك اشكريه
مره وحده بالسوق سألتني عن مكان محل
وجلست اوصف لها وشوي واقولها تعالي اوصلك لباب المحل من الحماس
بعد ماوصفت وخلصت مشت ولا قالت حتى شكرا




- اللي يكون معها عربية سوبرماركت وعربية بيبي وتدخل المحل وتسوي زحمه
سوي شوبينق وبعدين ادخلي السوبرماركت لا تضيقين ع الناس داخل المحلات ..

كلامك صح

وشكلك مقهووور و قرفااااااااااااااانه

كل شي يهون إلا الوساخه وقلة الحياء

بس لازم نراعي الناس في اشياء زي لو رحتي سوق او جمعه و جات وحده و معاه عيالها و هاتك بكى

صح ازعاج بس مو هي يلي قالتلهم رحوا ابكوا لا لازم نساعدها نحاول نسكت الاولاد