موضوع اشوفه مهم تعالو ووشاركونا بارائكم

السلام عليكم ورحمة الله وبركاته
خواتى ذا لكلام لى ولك حواء
وياليت تعطونا ارئكم ووجهات نظركم ونخليه موضوع مفيد لنا كلنا مستقبلن أن شاء الله والله يهدينا للحق
بقول شي ملاحظته وعانيته منه انا شخصين
الى وهو تسلط ام الزوج ع زوجة ولدها فكرة ليش لام كذا ومن خلال مخالطتى لناس وللمجتمع الي احنا فيه كانى استنتجة شي الا وهو أن الام الى تتسلط وتدخل وتظلم زوجة ولدها غالبن تكون عاشة تحت ضغط بشبابها وعانة من المشاكل واكيد كلكم تسمعون كلمه اصبري ع زوجك والعوض بالله وبعيالك والأغلبيه يقولون عيالك يعوضوك لاكبرو ..
وفعلا يكبرو عيالها وتحسون انها تغارمن زوجة ولدها وكانها تبغاهم يعيشو نفس وضعها او عامل نفسي واتحس لها الحق الكامل بولدها طيب وبنت الناس مالها حق بنات يشهد الله أنى اكتب بالموضوع وانا انظلمة من ام طليقي والحمدلله عوضنى ربي بس كتبت الموضوع لان احنا امهات وفينا الى صابره ع زوجها وع ظلمه بقولها لا تطلعى حقك الى اخذه زوجك منك ببنت الناس انتى صبىتى وربيت ولك حق البر ويحطك فوق راسه وجنته انتى لا نختلف ع هاذا الشي بس لا تتسلطى ع بنت الناس وتقولى لايعطيها مصروف ولا يؤديها ولايجيبها ..
سؤال لكل زوجه صابره ع زوجها او ارمله وماتبي تتزوج ايش الشي الى تبغينه من عيالك بنظرك يعنى الى تسمونه "يعوضونك عيالك "
ايش هو العوض ولكل وحده تعطينا رايها حتى لو ماهي متزوجه ايش العوض المنتظر من العيال
انا متزوجه ومعي عيال وانتظر منهم الحب والاحترام ويقدرونى وحياتهم مع زوجاتهم وازواجهم مالى علاقه ولو بيدخلونى لمشاكلهم لو بدخل كاصلح اما أنى اسبب مشاكل لا يارب لا تجعلنى سبب مشاكل لعيالى ..
هات ارئكم ونصايحكم ربي يسعدكم خلونا نحط يظنا بيد بعض ونعالج المشاكل الى بالمجتمع ونزيد الوعي والثقافه عشان يصير مجتمعنا مستقبلن افضلا بعون الله وشكرا لك من تعطى رايها 🌹🌹
موضوعي هذا فقط عن ام الزوج المتسلطه لا تخلطو المواضيع عرفين أن في زوجات ظالمات لام الزوج بس مو موضوعنا هذا والف شكرا ..