موضوع الإبداع .. محتاجه مساعده

الطالبات والمعلمات

السلام عليكم

انا قدمت ندوه عن الابداع فى المؤسسه التعليميه اللى انا اشتغل فيها والمسؤولين اهناك اعجبوا بالموضوع وقرروا انهم يوكلولى الاشراف على مشروع تبنى ابداع الطلبه الموجودين عندنا بالمؤسسه ...
وطالبين منى تقديم تصور عن المشروع..
وباختصار مطلوب منى اختيار مجموعه من الطلبه بشكل عشوائى والاهتمام فيهم واكتشاف مواهبهم وتطوير امكانياتهم لحد مانطلع منهم ناس مبدعين طبعا هالكلام باى مجال كان..

صراحه انا وايد متخوفه من الفكره لانه ماكان هالمشروع فى بالى لما قدمت الندوه ومااقدر اتراجع لان وقتها مسؤولينى راح يفقدون الثقه فينى خصوصا انهم وايد متحمسين لى ..

انا طالبه مساعدتكم صراحه مانى عارفه من وين ابيتدى والا اشلون .. على اى اساس راح اختار الطلبه واشلون امشى مع كل واحد بموهبته وعلى اى اساس راح اقدر اقيم هالتجربه من وقت لى الثانى

ارجوكم لاتبخلون على بمساعدتكم لان مطلوب منى اقدم التصور باسرع وقت ممكن

ومشكورين
4
698

هذا الموضوع مغلق.

طيف الأحبة
طيف الأحبة
اعتقد ان هنا المكان الانسب لموضوعك والاخوات ما هم مقصرين معك
إشراق 55
إشراق 55
أختي اميرة الأحلام ..
مرحباً بك وحياك الله المدرسة يوجد بها معلمات وأكيد معلمات الطالبات يعرفن مستوى الطالبات اطلبي من المعلمات إختيار بعض الطالبات المتميزات وكذلك الطالبات الماهرات بمواهب غير التفوق كالرسم والفن والطبخ والعلوم المختلفة الأخرى وانت إن تعرفي بعض الطالبات المتميزات أختيارك يكون ذي فائدة إن شاء الله ووفقك الله هذه الخطوة الأولى ........
atheer
atheer
حياك الله اختي اميرة الاحلام اما مدرستكم رائعة و فكرتها اروع ..
اذا تبغي تختاري فهو زي ما قالت لك اختي اشراق ..
وممكن كمان عن طريق الاعلانات الجذابة و اللي من خلالها تقدري تحصلي على عدد مناسب من الطالبات و تعملي مسابقة فيما بينهم و من ثم تختاري الاجدر ..
تنمية المواهب ممكن يكون عن طريق عمل مسابقات مختلفة تقيس هذه الموهبة و تنميها ..
ممكن من خلال اعطاء الطالبة بعض المراجع التي تعطيها فكرة اعمق و تشدها نحو ما تمارسه بشكل اكبر .. يعني اذا هي تحب الرسم ممكن توفري لها كتب خاصة بهذا المجال .. ومن ثم يعلق انتاجها في جنبات المدرسة ..
ايضا ممكن تعملي مجلة اسمها مثلا " مواهب على الطريق " و تنشري من خلالها انتاجهن مع بعض الكلمات التشجيعية و تستطيعين ايضا عمل ورقة تعليقات خاصة بالمعلمات تمرر عليهن بعد مشاهدة العمل للتعليق عليه و كتابة بعض الكلمات التشجيعية للطالبات ..
ممكن تعملي تكريم شهري لكل طالبة قامت بانتاج متميز ويكون ذلك في الاذاعة الصباحية ..
ممكن كمان تعملي تكريم لامهات الطالبات وذلك بعمل احتفال بسيط لهن في المدرسة و ارسال بطاقات دعوة لهن و من ثم تكريمهن وذلك تشجيعا للطالبات و لامهاتهن على الاهتمام بموهبة بنوتاتهم و تشجيعهم ايضا و هنا راح تكون هذه العملية نقطة تواصل بين الام و المدرسة .. :)
ربنا يوفقك .. بس مهمة جدا رائعة .. عجبتني .. واشتهيتها في مدرستنا ..
كهرمان
كهرمان
مرحبا اختي
اول شي ابارك لك النجاح اللي حصلتيه وربنا يوفقك ومن نجاح لاخر
اختي بما انو انتي نجحتي في الندوه فبالتاكيد انو المحاور الاساسيه لتنمية الابداع لدى الطلاب متمكنه منها
بالنسبه للاختيار كونهم طلبو انو يكون الاختيار عشوائي فانا افضل ان يكون اختيارك للطلبه اختيار عشوئي فعليا يعني لاتسئلي المعلمين عن طلابهم انتي مو احتاجه طالب مبدع انتي تحتاجين انك تكوني شي من لا شيء .
في البدايه انتي محتاجه تحددين عينتك بشكل دقيق واللي راح تقومين بتجربتك عليها ومن هالعينه قومي باجراء الاختيار العشوائي.
ولتعون نتائجك دقيقه وتستطيعين تعميمها بشكل اكبر قومي باختيار عينه كبيره.
حددي بالبدايه اذا كانو طلبة ابتدائي او متوسط او ثانوي بعدها ابدئي باختيار المدارس اللي راح تكون عينتك منها ومن بعدها حددي نسبه على اساسها يتحدد عدد الطلبه من كل مدرسه وطبعا بتكونين محدده المرحله وقومي بكتابة ارقام على ورق كل رقم يخص طالب وكبيهم على طاوله واختاري العدد اللي انتي محتاجته وطبعا قبل كل شي حددي المواصفات اللي انتي محتاجتها بعينتك
وهذا كل شي..