موضوع التفرقه

السلام عليكم ورحمة الله وبركاته
انا ام البنوته بعيوني زي القمر واجمل 😍
بنتي جت بعد ولد وبعد انتظار طويل بينها وبين اخوها 12سنه
الموضوع الرئيسي
انا يا بنات بنتي ما شافها ابوي كان خارج الديره الين كملت بنتي ثلاث اشهر بس لما جاء وشافها صارن ملامحه كانه مصدوم وقال










سودا ! مع ان بنتي سموره مو سودا حتى لو كانت سودا انا ما شوفه عيب با العكس طايره فيها وفرحانه بس مكشختها ورازتها حتى بنتي للحين ما تفهم
لكن يا بنات الحلال كل ما قابلها ابوي قال سودا ويناديها بالقاب واسماء ناس من الجماعه الله ما عطاهم حظ من الجمال يعني جالس ينقص من قيمتها
مو هنا المشكله اختي ولدها ابيض وبنت اختي الثانيه بيضا صار يتغزل فيهم ويقول شوفي هذا الجمال طبيعي قلبي بيحزن ويتاثر ويستمتع اذا قرب بنت اختي البنتي وشدت شعرها او قرصتها وبنت اختي صغيره ما تفهم عمرها سبع شهور طبيعي بتسوي كذا كانه يقول هذي سودا تستاهل ومره امي شاريه البنتي فستان احمر فا قال عطيه بنت فلانه لانها بتطلع على بنتي زي الجمره المولعه
يا بنات استمر الوضع وكانه يستمتع كل ما قابلني يذكرني
اخاف يهزني انا قبل لا يهز بنتي والله اني كنت طايره بها بس كل ما اجيهم يذكرني ويستنقص
قلتله وفهمته انها عاجبتني وانها بعيوني احلى من البيض بس ضحك ضحكت استهزاء
واذا كان بجمعه والناس حوله وقال عن بنتي سودا بعضهم يضحك والنص الثاني لا يقول بلعكس حلوه تجنن
الحين يا بنات كلام كثير بصدري مع اني ادافع وكذا
بس ابوي كيف يوقف والله احزن اذا قالها قدام ناس كثيرين ياليت تلقون لي حل لانه ابوي كيف اتعامل معه مع اني سويت اكثر من طريقه بس ما فادت معه
علموني صح السمرا مو عيب !
عاد اختي ام البنت مره صار بيني وبينها سووء فهم وكل ما ابوي ضحك على بنتي تضحك وتستانس وانا اتضايق 😔


الحين وش السواه 😤