ماشاء الله لاقوة الابالله قممممممممممممممة الروعة
الله يرزقك ويسهل ولادتك ويعطيك العافية يارب
طيب ياعسل ابغى طريقة كيكتك المعتمده وش مقاديرها
وطريقة الكريمة للتغطية .. اذا امكن بطريقة الدريم ويب
وابغى اخذ رايك بشغلة
افكر اسوي حليب واحط قليل زيت وسكر ونشاء واحطها على النار
حتى تثقل وااعجنها مع سكر بودرة واجرب استعملها بدل الفوندان تتوقعين تزبط
او اخسر وقتي عالفاضي
تحياتي لك يامبدعة الفوندان ماشاء الله
ماشاء الله لاقوة الابالله قممممممممممممممة الروعة الله يرزقك ويسهل ولادتك ويعطيك العافية يارب طيب ياعسل ابغى طريقة كيكتك المعتمده وش مقاديرها وطريقة الكريمة للتغطية .. اذا امكن بطريقة الدريم ويب وابغى اخذ رايك بشغلة افكر اسوي حليب واحط قليل زيت وسكر ونشاء واحطها على النار حتى تثقل وااعجنها مع سكر بودرة واجرب استعملها بدل الفوندان تتوقعين تزبط او اخسر وقتي عالفاضي تحياتي لك يامبدعة الفوندان ماشاء اللهماشاء الله لاقوة الابالله قممممممممممممممة الروعة الله يرزقك ويسهل ولادتك ويعطيك العافية يارب ...
هلا حبيبتي ..
تسلمي ياقلبي ماطلبتي شي :26:
بالنسبة لطريقة الكيكة المعتمدة عندي هي طريقة ماخذتها من النت من موقع اجنبي ومرة حلوة للكيكات اللي تجي طبقات وودك تنحتيها لانها متماسكة ماتتفتت معاك وطرية ولذيذة بنفس الوقت ..
المقادير :
علبة كيك جاهز النكهة اللي تحبيها ( انا احب بيتي كروكر التربل شوكلت فدج )
زيدي على كمية البيض المكتوبة بيضة زيادة ( غالبا مايكون مكتوب 3 بيضات انتي حطي 4 بيضات )
استبدلي كمية الزيت بكمية معادلة زبدة
اضيفي كوب جبنة فيلادلفيا للخليط
استبدلي كمية الماء بكمية معادلة حليب او لبن شرب ( انا افضل اللبن )
(اخلطي المقادير السابقة كالمعتاد مع اي خليط كيك وادخليه الفرن حتى ينضج وممكن تقسمي الخليط في صينيتين منفصلتين من نفس الحجم والشكل حتى تعمليها لاحقا كيك طبقات بدون الحاجة لقطع الكيك من النص ..)
انا عندي كم طريقتين كريمه دايم معتمدتهم وحلوين مع الكيك والكب كيك للزينة والحشو بين طبقات الكيك مافيهم دريم ويب للاسف بس جربيهم واحكمي بنفسك ..
1- كريمة الزبدة ( حلوه للحشو بين طبقات الكيك وتغليف الكيك من الخارح وحلوه كمان لو تزيني فيها الكب كيك بالكيس الحلواني وممكن تلونيها باللون اللي تبغيه) :
نصف كوب زبدة طرية
نصف كوب شورتنق ( السمن الابيض الخاص بالحلويات )
4 اكواب سكر بودرة
ملعقة صغيرة فانيلا
ملعقتين حليب سائل
( أخفقي الزبدة مع الشورتنق ثم اضيفي الفانيلا والحليب ثم السكر تدريجيا حتي تتماسك ويفضل تبريدها قبل الاستخدام )
- 2كريمة الجبنة ( جدا لذيذة مع انواع الكيك او الكب كيك اللي فيه نكهات مثل كيك/كب كيك التمر ، الجزر ، الموز ، الرد فلفيت ، البرتقال ..الخ ) :
نصف كوب زبدة
كوب جبنة فيلادلفيا
4 اكواب سكر بودرة
ملعقتين صغيرة فانيللا
( اخفقي الزبدة مع الجبنة ثم اضيفي الفانيلا ثم السكر البودرة تدريجيا حتى تتماسك ويفضل تبريدها قبل الاستخدام )
بالنسبة لفكرتك لعمل الفوندان ماانصحك تجربيها اخاف تضيعي المقادير عالفاضي لان اساس الفوندان الجيلاتين والجلسرين اللي هم متوفرين بالمارشماللو وبمقادير فوندان الفرد ..
اتمنى اكون افدتك حبيبتي :26:
الصفحة الأخيرة
حبيبتي والله انا الاسعد بمرورك وزيارتك الموضوع ..
الله يسعدك ياقلبي زي مااسعدتيني بدعواتك الحلوه جزاك الله كل خير .. ومشكورة عالكلام الحلو مثلك ياقمر ..
تسلمي حبوبة .. ارسلتلك الروابط عالخاص :) ..