موضوع النقاش... كيف تدخلين وكيف تطلعين ... ومتى تطلبين

الأسرة والمجتمع

ؤ
السلام عليكمى ورحمة الله وبركاااته



كيف جميع الحوائيات ان شاء الله بخير وسلامه



وودي نفتح مواضيع للنقاش الفعال اللي نستفيد منها بحياتنا ونفيد



انا بصراحه وودي اتناقش معكم اليوم اذا كنت حابه زوجك يقولك كل حاجه ويتعود انه مايخبي عنك شي


يعني ماشاء الله اشوف كيف اخواني ينقلون لحريمهم كل حاجه تصير في بيتنا استعجب يعني ماشاء الله سواليف عاديه ينقلونها لهن


ما اعرف كيف يسألنهم؟؟؟



انا حاولت كثير اني اخلي زوجي يحكي لي مو من باب البلاغه لا لكن الحرمه المتزوجه تفهم ليش تحب زوجها يحكي لها كل شي

من الطرق اللي جربتها ومانفعت معاي


اساله بشكل مباشر

كيف اهلك

طيبين ويسكت

طيب سولف لي ايش تكلمتو فيه


يقول ماقلنا شي مهم


طيب جربت اساله اذا صار اهله مو فيه


ووين رايحين ؟؟ ما اعرف انا ما اسال عن شي
يعني يقهرن

ودايما اذا اللحيت عليه بالسؤال يقولي اسرار اهلي لاهلي واسرار بيتي لبيتي


المشكله اللي تقهرن انه مو اسرار اشياء عاديه

مثلا مره قال ابوي موصين على حاجه اجيبها له

قالت له
ايش هي


قالي حاجه خاصه

قالت ايش دعوى انا مو غريبه زوجتك

المهم رفض يقولي
المهم عرفت بالنهايه انها حاجه سخيفه من البقاله


الزبده اللي استشفيتها من زوجي انه يبغى يسوي زي الرجال الثانين مايقولي

لانه دايم يقول صدقين اصحابي الحرمه لا تقوله شي

لانه اشووفه عند اهلووه يسولف بالعكس يدور سواليف عشان يقوولها لهم


اخر موقف اليوم دق اخوه قعد يكلمه المهم قلت ايش يبغى

قال يبغى دينمو من صديقي لانه شاري سياره جديده قلت ماشاء الله متى شاريه

المهم قال شاري كسره سياره قالت وراك توك تعلمن
قال توه يقولي

وهو يكذب لانه جاوبه عن الدينمو كانه يعرف الموضوع مو جاوب واحد توه يعرف




يعني اسلوب ليش ماعلمتنا مانفع معاه بلعكس زاااده وانت تجحد وتغبي عني مانفع معاااه


فكرو لي بأسلووب ثاااني؟؟





هو يعتقد انه انا اجحد عليه ما اقووله مع اني اخبره كل شي


انتم ايش تشيرون علي ابدا مثله اقول ما ادري اذا سالن عن شي ولا كيف ؟؟؟




اللي لها تجارب وحاولت مع زوجها انها تدخل له وتاخذ اللي عنده تساعدنا يااحلوااات
23
6K

يلزم عليك تسجيل الدخول أولًا لكتابة تعليق.

تسجيل دخول

عزوتي شمريه
عزوتي شمريه
نفس اللي عندي لكن انا ابد مااسال ابدا لانه مايهمني وش صاير اذا بيقول الحمدلله مو قايل بسلامته اما هو يزعل اذا ماقلتله او ما وضحت له شي من اللي يصير عند اهلي
رقة الخيال
رقة الخيال
الله يسخره لك
عصير الربيع
عصير الربيع
الله يعين ياعزوتي ... لكن ما حاولتي تغيرين من طبعه هذا
& غــرووب &
& غــرووب &
ياختي ياحبيبتي اذا كان اسلوبك مع زوجك بهالشكل ترا بتنفرينه منك

حبيبتي الرجال مايحب الحرمه اللحوحه خصوصا ان زوجك من النوع الكتوم

وانتي تسالينه عن اشياء ماتخصك وش تبين باهله واحوالهم مهما كانت علاقتك فيهم زينه

لااااتسالينه عنهم هالشي غلط

اساليه عن احواله هو اشياء تحسينه تخصك وش لك واهله خصوصا انهم اهله وترا هالموضوع حسااااس

اكيد هو له عقليه معينه وقناعات متربي عليها لاتجبرينه يتغير لان هالشي موب بصالحك ابد

عيشي حياتك ببيتك واتركي الاشياء اللي تصير برا هذي مالك اي دخل فيها ماراح تستفيدين منها

اللي يقولك اياه تقبليه واللي مايقوله لاتنبشينه لايقعد يقول عنك ملقووفه ( سوري :) )

ترا الحيات بينكم اكبر من قال فلان وحط علان سواء اهلك والا اهله

اذا كانت حياته هوو لغز بالنسبه لك يمكن اعذرك اما انه مايقول السوالف اللي تصير ببيت اهله ترا موب مشكله ابد

بالعكس هالشي يريحك لانك تضمنين ان شالله انه موب راعي حكي ولا ينقل اللي بينكم لاحد حتى لو كانوا اهله

نصيحه ياحبيبتي عيشي حياتك وخلي الخلق للخالق ترا انتي اللي بتخسرين بالاخير

اتركك برعاية الله سبحانه ...
التوبة
التوبة
الله يعين ياعزوتي ... لكن ما حاولتي تغيرين من طبعه هذا
الله يعين ياعزوتي ... لكن ما حاولتي تغيرين من طبعه هذا
هههههههههههه الحل المجرب انك كمان ماتقولين له عن اخبار اهلك
واذا سالك قولي
اسرار اهلي لاهلي