موضوع الوظيفه وامي

طبعا انا سابقا
كتبت اني بمحافظه
والوظايف عندنا شبه معدومه
حتى المول ماعندنا الا واحد وكل وظايفه بواسطه
متخيلين!!
انا جامعيه تعبت ودرست واخذت دورات
ووصل عمري ثلاثين
فكرت وفكرت
قلت لو بطاول اهلي وبطاول المحافظه اللي
انا فيها
ماراح اتوظف طول عمري
قدمت بشركات وعيادات خاصه بالرياض
وانقبلت لكن
اميييييي
جننتني يابنات
تعبت نفسيا
ولا ارتاحت لين تركتها
يعني حصلت ضغط بالدوام وكرف ولعن وسب
من المدير وكنت اضغط واتحمل
تجي امي تكمل الناقص
زي بس تكلمني تبكي ارجعي ارجعي
والمصيبه تدري ان رجعتي مامنها فايده
بس تسدح ىتبطح لين يروح عمري !!
صرت ابكي واصارخ عندها اقول ارجع وش اسوي.؟
لين يروح عمري لين اصير مثلك ومثل غيري
اللي راحت اعمارهم بدون شي
امي للاسف تحبنا بس حبها فيه انانيه
تبي تربطنا مدى الحياة جنبها
حتى لما يخطبني احد من الرياض او الشرقيه
على طول تجلس تبكي وتقول ارفضي صعبه
وشلون نشوفك
وارفض وارفض لين جلست!!
لكن كل شي يهون الا مستقبلي يابنات
تركت الوظيفه ولما علمتها اني تركت
اقسم بالله يابنات
فرحتها زي فرحت الام بزواج عيالها
لدرجه مصدومه انا
الامهات يتغربون بناتهم للوظايف والدراسه
وهم يشجعونهم
وامي مستانسه اني تركت الوظيفه اللي حصلتها
مع اني اكثر من مره اعطيها
ع بلاطه
واقولها نفسيتي تعبت وجاني اكتئاب
من جلسة البيت ىلا وظيفه ولا شي عندي
تقول ماضر فلانه وعلانه هذاهم كبرك واكبر
بعضهم وصلو اربعين
ماشاف قالو جانا اكتئاب
حتى بنفسيتي حتى بالتعب النفسي تقارني بالناس
تقول ليس تتعبين
هذا غيرك ماضرهم جلست البيت
انا صدق صدق يابنات
لما توظفت وانشغلت انزال كل شي فيني
الهم راح التفكير الانشغال بغيري كل شي راح
حسيت لي قيمه بس للاسف امي كثرة الضغط
علي لين رجعتني
ولما رجعت وحملتها المسوليه
حتى اختي جلست تهاوش تقول لامي حرام عليك
انتي خربتي مستقبله تقول من زين الوظيفه عاد؟
يعني شفتي اللي تستهتر بكل شي بس تبي تربطنا
عندها ؟
هي كذا ماهمها مستقبلنا ماهمها حياتنا
ماهمها نتزوج تروح اعمارنا اهم شي نصير عندها
بالبيت
ولما قلت انتي السبب كرهتيني بالوظيفه
لما تركتها قالت من قالك اتركيها
انا قلت لك انطقي
هي كذا تبكي وتسوي مناحه وتجلس تدعي
على اللي وظفني وعلى اني اتركها وبعدين وهي تبكي
تقول كيفك اجلسي
لين تملين
لين تطفشين!
يعني حاطه امل بمل وبطفش وبرجع
وكل يوم بالدوام ترسل لي
ماطفشتي
مامليتي
ماراح ترجعين
اتركيهم بس طول وقتها يمين بالله
بالصبح والليل وكل وقت
هذا كلامها
انضغطت من كل جهه لين كرهت كل شي
واخر شي تقول ماقلت لك خليها!!
وهي تسوي كل هذا تغثني وتصايح ونياح
ومناحه كاني ميته واخر شي تقول ماقلت اتركيه
ومن زين وظيفتك ومن وين لك سكن ومن وين لك
مواصلات وش بثى من راتبك يعني تطلع حجج
لما تركتها ولو تشوفون سعادتها
لما تركتها لدرجه اسال نفسي ليش امي انانيه كذا
يعني مبسوطه ان بنتها تركت الوظيفه وبيروح
عمري وانا مقابله الجدران
الحين رجعر لمحافظتنا لي يومين
بس قاففله على نفسي حتى الاكل اكل لحالي
والله والله
يابنات مالي خلق حتى اشوفهم
مو قادره اتقبل امي خاصه الايام هذي
احس لو بتكلم بنفجر
لو بتكلم بجيب العيد
وبيكي وبصارخ وبطلع كل اللي بقلبي ان هي السبب
امي للاسف تعوووووودت
اننا بس عندها وهالشي غلط منا
تبينا بس عندها واخدمي وسوي وعادي
يروح عمرك ويضيع مستقبلك اهم شي تكون عندها
مافكرت بعد عمر طويل انها ماراح تدوم لنا
مافكرت ابد فينا لابوظايف ولا برجل ولا شي
كل همها اجلسو عندي
نفسيتي تعبانه لدرجه ماقدر احط عيني بعينها
ولما سوت اللي براسها وتركت الوظيفه
قالت من زين هالوظيفه
وانا ماقلت لك ومن زينك عشان ابكي عليك
وكلام جارح كثيرر
وكل ماجيتهم زياره قبل اترك الوظبفن الامهات
يقابلون بناتهم بحب وضحك انا ببكاء ونياح وتقولي
من اول مادخلت اتركي الوظيفه واجلسي
ويومين جلست عندها وقت اجازتي كله بكي
ونفسيه زفت من امي وتتميرض وانا ضغطي طاير
وانا فيني وفيني عشان كل هذا تحملني شي فوق طاقتي
وللاسف قدرت وتركتها ورجعت لهم
لدرجه فاقده الامل هي اتوظف تقول ناس ممتازين
مانقبلو وشلون هالعياده قبلتك وكلام كثير جارح
يعني هي لما قدمت كانت فاقده الامل احصل وظيفه
وتسلك لي لما صار الجد انقلبت علي
انا الحين جالسه ادور وظيفه ثانيه بس عارفه
بينعاد نفس الشريط وش الحل وش اسوي
لاتي تعبت من الوضع
وانا قلته امس لهم
قلت لامي ماراح تنفعيني لا انتي ولا ابوي ولا اخواني
ولا خواتي بكرا كل واحد يتوظف وتوهم صغار
المستقبل قدامهم وانا اللي بتروح علي
قامت تعدد لي بنات العايله اللي طقت اعمارهم اربعين
ولا توظفو !!
انا شدخلني فيهم!!
ليش حاطتهم قدوه ومثل انهم ضاعت اعمارهم
وهم ماتوظفو ولا تحركو من المحافظه !!
وراضين !!
مو مجبوره انا اصير مثلهم