موضوع امي صارت تقابل الرجال الزفت💔

السلام عليكم الي يعرف موضوع امي كتبته من الحجر كانت تكلم واحد متزوج وكلمتها امكن رابع مرا وما تابت صارت دحين تقابله 😔 واعطاها جوال ثاني لانو جوالها تخاف انو نحنا نشوف تقولو كيف عرفت صارلها كم شهر كل اسبوع تخرج تقول انها بتروح السواق ولمن تروح تحط مكياج وتتوتر لمن نجي نسالها وشفتها مرا بالجوال المخفي وقسم قهرررانة بببموت من القهر اقدر اواجههها اخويا المسكين يوصلها يحسب بتتسوق ومايدري وكمان هي استغلت فرصة انو نحنا نروح النادي فهيه لقت فرصة تخرج ولا اصلا كنت حروح معاها اي مكان بس عشان النادي هيه كانت بتخرج اليوم قلت بروح معاكي ومالي نفس اروح النادي اتغير وجهها وقالت طيب العشاء والعصر اروح ابدل حاجة وارجع قلتلها بدليه مرا وحدة العشاء دحين هيه جالسه تفكر كيف تخرج بس انا قلت راح اروح معاها اي مكان ورجلها برجلها وما اعطيها فرصة وحتى الجوال قلت بدور عليه واواجهها بيه انا واختي بندور عليه لمن تروح الزواج خلاص تعبنا منها
مرا تقول سوق ومرا مستشفى وتحط مكياج الي يقهر انو تحسبنا ماندري وتستغفلنا وتحسبنا اغبياء انا قلت بكلم كمان اخويا الصغير اقله خليك مع امي كيف تروح مكان بدون مايكون معاها احد
والرجال الي تقابله الله ياخده متزوج وعنده اطفال
وامي تدري وتعرف ماخافو الله حرمته مسكينة ماتدري وابويا واخواني واثقين من امي وعمرهم ماحيتوقعو انها كدا.


لا تقولو امك ولا امك جربت معاها كل ششي كل همها الرجال وياليته طيب ششفت كلامه كله جنسس ابدا لا تلوم ابويا وتسوي نفسها ضحية كان بامكانها تحل مشاكلها مو تروح لواحد مايخاف الله وقح الله يوريه في اقرب الناس له


قلة حيا وقلة ادب اذا الكبار يسو كدا ايش بقيتو للصغار مراهقة وقرف ومسمينه حب
استغفرالله