السلام عليكم
الله يكون بعونكم
بس بقولك حبيبتي تأكدوا إن أمك ماعندها مرض نفسي او شي زي كذا
امي الله يشفيها ويحفظها مرت عليها فترات بحياتها كانت صعبه وأثر هالشي على نفسيتها وبعد وفاة الوالد بفتره انقلب حالها صارت عصبيه وتدعي علينا ياعيالها كلنا وتقول كلام يذبح وتبي تفرقنا عن ازواجنا حنا البنات وماهي راضيه عن زوجات اخواني وتدقق على كل شي وتصرف فلوس بشكل خيالي وعلى اشياء موضروريه وتتكلم كلام غير منطقي في الأخير وديناها عند طبيب نفسي وطلع عندها مرض ثنائي القطب والحمدلله بعد العلاج رجعت تدريجيا لطبيعتها
الأمراض النفسيه كثير تأكدوا إن ماعندها شي الله يحفظها من الأمراض


واحنا لما ودينا أمي قلنا لها دكتور عادي ماقلنا لها طبيب نفسي عشان ماترفض
الدكتور تكلم معها وعلى طول فضفضت له كل شي وتبكي والدكتور فهم مرضها على طول بعد ماتعبنا معها سنتين وصارت احداث الله لايعيدها كنا نواجهها ونتصادم معها بالكلام وهالشي كان يزيد نوبات الغضب عندها


الله يفرج همكم وهم كل مسلم

امك ثم امك ثم امك..يمكن غلطت هي وابوك ..احنا ماندري هذا شي بينهم..
بس انتي واخوانك كمان غلطو ليش لما طلقها ابوك ..ماوقفتو بوجه وقلتو امي ماتطلع من البيت..واخوانك يصرفون عليها حتى لو ماعندهم وظايف هذا ام حملت وربة وسهرت ليالي عليك وعلى اخوانك...
انتي الحين زوجه ويمكن ام...وكما تدين تدان...

تذكري وحطي ببالك جملة فيعافيه الله ويبتليك...
.
ممكن بعد مدة ربي يبلاك بذنب ولا تشوفينه ذنب او ابتلاء من الله بغلط
تخيلي احد يفضح ويفضح فيك ولا احد عيالك يستلمك
النصيحة يا ملقوفة تكون بينك وبين الشخص فقط وحتى انكار المنكر يكون بالستر والسر .... نصحتي تكلمتي خلاص انتهى دورك...
ترا الافلام اللي سويتيها غالبا هي سبب عنادهم الان انه البنت اللي ربيناها وكبرناها وهي مفعوصة صارت تتهم ولا خلت احد الا ودخلته...

ربي يسعدك قلت عني اللي ابي اقوله

لستي ولية الله على خلقه
نصحتي خوفتي خلااااص خلص دورك ... ارتقي ترا الناس مهو عبيد عندك يسوون اللي انتي تشوفين... وهذه حكمة الله يهدي من يشاء ويضل من يشاء لحكمة لا يعلمها الا هو...
ثم لا تعلمين عند الله سبحانه قد يكون ما اتيت انتي به اعظم ذن..
انشغلي بنفسك ترا محد داخل قبرك بدالك ولا انتي داخلة قبر احد بداله
..
تعرفين ليش لان الهداية من الله اولا واخرا ..
لو وكلتي امرك وكنتي فعلا تثقين بالله قلتي ياااارب ونسيتي السالفة لانك ستضعين حملك على العدل الحكيم...
لكن اللقافة ذبحتكم هذا الحين خسرتي رضا امك وابوك يعني الوالدين كلهم
الله يرحم حالك اللي وصلتي نفسك اليه...