السلام عليكم ورحمة الله وبركاته ..

كيفكم يا مكلجات ؟؟ وأيش أخباركم ؟؟

أم هوبي.. الله يبسطك كمان وكمان ..
بس ماقلتي أيش عجبك أكتر شي ؟؟ شكلو السيريلانكية ؟؟

توتة .. كملي ضحكك وأرجعي وأكتبلينا لا تضحكي علينا وتخرجي !!!!

نور البرق .. الله يهديكي ناقصة رجة أنا ؟؟
يا حبيبتي الرجة صفة والموصوف هو المرجوج
يعني = مصفوق = مطفوق = مرجوج = مصقوع
كلها نفس المعنى يعني الإنسان المهوي = المنسم
وصلت المعلومة ؟؟
خخخخخخخخخ حلو الشرح .. كيف بس؟؟
وشكرا على تفسير معنى الطبر ..
وشكرا عالموضوع اللزيز ..

عائشة الخالدي .. شكرا ؟!؟!؟!؟!؟!

وكمان فيه مواقف كتييييييييييييير أستغفر الله العظيم ماني قادرة
أفتكر موقف محدد بس أستغفر الله مرة في حصة القرآن أستغفر الله
أستغفر الله أستغفر الله في كلمة والله ماني فاكرة في أيت سورة
( يسحتكم ) وأنا واثقة من نفسي وأقرأ قدام الأبلة وأوصل عند الكلمة وأقول (يستحم) وأقول في نفسي و أستغفر الله ربنا يقول في القرآن (يستحم) ؟؟
ورجعوالبنات يصلحو لي الكلمة ويقولولي (يسحتكم) وأرجع وأعيدها ( يستحم) (يستحم) (يستحم) مافي فايدة .. وأرجع أقرأ من أول اآية وأوصل للكلمة وبرضو (يستحم) كأني متضاربة مع حرف الكاف !!!!!! وسارو البنات يضحكو عليا ويتتريقو ..ألين آخر شي طفشت الأبلة لأنها حست إنه الكلمة من جد مو راضية تزبط معايا وقالت لي كملي تلاوتك .. وكملت أستغفر الله والكلمة مو راضية تطلع معايا :( ..
ومرة كمان أستغفر الله كنت شوية صغيرة بأقرأ سورة البقرة في رمضان وفيها كلمة (مذبذبين) أستغفر الله ماني فاكرة الآية بالزبط عشان كدة ماكتبتها بس فاكرة الكلمة ودحين كل ما أسمع سورة البقرة أنكسف من نفسي .. المهم جيت أقرأ وماألاقي غير (مذبذبين) وأحاول أقراها وماهي راضية تجي معايا وحتى أستغفر الله العظيم شكيت وقلت في نفسي شكلو هادا المصحف مطبوع غلط !!!!!!! أستغفر الله العظيم ربنا لا تؤاخذنا على جهلنا وقلة علمنا وأغفر لنا خطايانا ..
المهم حاولت حاولت ونطقتها وحأكتبلكم كيف نطقتها بس عشان تفهمو
( موذا – بوذا – بين ) قامت ماما قالت لي أيش قلتي ؟؟ أيش دي الكلمة ؟؟ سار وجهي يصقع ويرقع من الخوف قلت دحين ماما تضربني وربنا يدخلني النار عشان قريت القرآن غلط :( وقلت لها دي كلمة مكتوبة غلط !!!! أستغفر الله العظيم .. بأداري خيبتي .. قمت ووريت لها المصحف .. سارت تضحككككك وتضحككككك وبعدين قالت لي هادي (مذبذبين) كلمة وحدة مو مقسمة!!!!!!! وفضلت كل ما تفتكرها تضحك هداك اليوم ..

ولسة موقف سار اليوم طااااااااااااااااااااازة ..
بأسأل بابا على رجال يعرفه عشان صاحبتي طلبت مني معلومات وماني عارفة أسأل مين وسألته ..
قلت له : بابا إنت هداك الرجال حق المكتب تعرفه ولا هو يعرفك ولا ماتعرفه مزبوط ولا كيف تعرفه وإذا تبغا منه شي يعرف ولا مايعرف ؟؟؟؟
قام بابا قال لي بسم الله أيشبك سرتي يونس شلبي ؟؟
فاكرين لما في مسرحية مدرسة المشاغبين لما كان يونس شلبي يقول كلام مو مفهوم قام سعيد صالح قال له يابني أنا عايز جملة مفيدة ؟؟
وجلست بعدها ساكتة أفكر كيف أرتب الجملة عشان أسأل سؤالي ؟؟

وإذا أفتكرت شي تاني أقولكم ..
وزيدونا تكاليج خلينا نتريق على بعض شوية :23:
تحياتي..
جـــــداويــــــــــــة


** وعلى فكرة هادي مواقف شخصية كتبتها لعالم حواء فقططط
ولا أحلل ولا أسامح إللي ينقلوها ويقولو إنها مواقفهم ..
>>>>>>>>>>>>> عندها تعلق عاطفي بفشايلها :)
الرجاء ذكر المصدر والكاتب والمشرف والمحرر ....

هههههههههههههههههههه جداويه الله يقطع بليسك هههههههههههههههههههههههه مت ضحك

اخر ثلاث مواقف لك تفطس ضحك

هههههههههههههههههههههههههههههههههههههه

اخت نور البرق فعلاً موضوع حلوووووووو تسلمين كل يوم ادخل اقرأ شوي واضحك هههههههههههه

اول اسبوع من زواجي رايحين نتعشى في الساحل الغربي اللي في الخط السريع وانتي رايحه المدينه المهم زوجي مشغل شريط لاتحزن عائض القرني توه مشترية ودوب شغله اللي يسمع العصافير اللي في اول الشريط وجواله نغمته عصافير ومشغل الشريط في البداية واضنه سرح ويسمع العصافير اللي في الشريط واللي اشوف يطلع الجوال ويفتح السماعه ويقول نعم ما طالع في الشاشه فيها اتصال والا لا انخم فيه وإلى الان اذكر بيها ويضحك هههههههههههه
الثاني اختي كانت ساكنه في المدينة وبعد ان توفي زوجها الله يرحمه جات عندنا في جدة وبعدها بسنه وحده من جاراتها حصل عندهم عزاء واختي اتصلت وبعد ما عزتها قالت كيف الاجازة معاكم ههههههههههههههههههههههه

جـــداويـــــــــة

مرحبا فيك يا الغاليه ....... :) واشكر لك متابعتك للموضوع ......واتحفينا بمزيد من المواقف


نور البرق .. الله يهديكي ناقصة رجة أنا ؟؟
يا حبيبتي الرجة صفة والموصوف هو المرجوج
يعني = مصفوق = مطفوق = مرجوج = مصقوع
كلها نفس المعنى يعني الإنسان المهوي = المنسم
وصلت المعلومة ؟؟
خخخخخخخخخ حلو الشرح .. كيف بس؟؟

هههههههههه :D الشرح اصعب من الكلمه نفسها .......بس انا فهمت انها مثل كلمة ( خفيف الدم )

وشكرا عالموضوع اللزيز .........( العفو حبيبتي والموضوع حلو بوجودكم )


************************************************************

أمل عمري

( اخت نور البرق فعلاً موضوع حلوووووووو تسلمين كل يوم ادخل اقرأ شوي واضحك هههههههههههه )
العفو حبيبتي ........الموضوع موجود علشانكم ...........نضحك ونفرفش
*************************************
شامه
اسعدني مرورك حبيبتي

******************************** بنات نبغي مواقف كثير :39:

هههههههههههههههههههههههههههههههههه

خساااره مو فبالي موقف ولا كان ماقصرت