موضوع بناقشكم فيه بس بهدوء الله يصلحكم

السلام عليكم ورحمه الله بنات بناقشكم بسالفه ادري بتقولون قديمه بس مضايقتني انا وزوجي مره مره امس رحت سنتر بوينت وشفنا الناس متجمهره وزحمه كثير واللي يسب ويلعن من الكاشيرات بطيئة جداااااااً وما تعرف شغلها مضبوط اتوقع معقولة جداً يوظفون البنات في الملابس الداخلية والماكياج غير كذا لا الرجال يعرفون شغلهم بسرعه هدا غير سوالفهم بالصوت العالي قدام العالم ولا همها استغفر الله تنادي زميلاتها بالشغل وضحك وتتريق على الناس اللي جايه تحاسب وتمزح وضع ماتقبلته جداً انا وزوجي وطلعنا وتركنا الأغراض أحس فيها أهانه لوضعنا كمسلمات تتنافى مع عاداتنا وتقاليدنا حتى بودي شوب ومكياجي كنا نقول للرجال على الشغلة ويجيب طلبك بثواني لحين صرت اهم اذا دخلت اجلس أدور مع الموظفة على طلبي الزبده سالفه أنهم يحطون حريم بكل شئ ما ينفع ممكن ملابس النساء الخاصه غير كذا لا والله طبيعه الحرمة عندنا ما تناسبها هالوظيفه أبداً وتخوف بنفس الوقت ليش ما يحطون وظائف بمجالات ثانيه بفهم يعني بالمدارس او المستوصفات النسائية يعني مثلا بالمدارس يقدرون يوظفون بنات عندهم شهادات حاسب مو ضروري يكون عندها شهاده جامعية اعرف مدارس يجيبون بنات يسوون لهم شغلهم على الكمبيوتر بنات ثانوية وعندهم دورات يعني هالبنات اللي عندهم دورات يفهمون بالكمبيوتر اكثر من المعلمات نفسهم غير كذا يقدرون يقاعدون المعلمات اللي خدمتهم طولت ويستفيدون من الإداريات مساكين ويكونون معلمات جدد وبنات الثانوية مساكين مافيه احد ملتفت لهم غير هالمحلات حسبي الله عليهم بجد أهانه شغلهم طبيعتنا ما تساعد الحرمه تشتغل هناك أبداً انا متزوجة وجامعيه بعد وموظفه لا احد يهجم ويسب ويقذف كالعادة يعني اقصد من موضوعي تسوي الدولة معادله في موضوع وظائف الحرمه وأنا أعارض كونها بالسوق كاشيره او غيره حتى في محلات المكياج والعطور ما أبدعت بدورها البنت اللهم الملابس الخاصه فقط ياليت ينظرون للموضوع بجديه فيه مليون مجال للبنت غير هناك ما ينفع الوضع حاملات الثانوية بجد انظلمو المفروض هما جيل الكمبيوتر والأجهزة لو يحطون بكل مدرسه عشرين بنت مابين مقاصف وكاتبات للمعلمات والمديرات وغيرهم ويراتب اقل لو ألفين ريال بديل عن حافز لهم وكذالك بالجامعات وغيرها كثير غير الأسواق من تأيدني في كلامي ولكم ودي واحترامي و السلام وسامحوني لو غلطت بس جد مضايقتني هالسالفه :icon29::icon29::icon29: