موضوع بهم اي بنت من جنس حوا بتمنى الكل يدخل و يعطينا رأيه

صبااااااااااايا
اليوم بدي ناقش معكن موضوع بهمنا احنا جنس حوا بشكل عام
بنات هلأ ليش المجتمع بيظلم البنت كتيير يعني الشب لو حكا مع ستين بنت معلش بس البنت لأ و لعلمكن انا ضد انو البنت تحكي مع الشباب ابدااا بس انو ليش الشب معلش و بقولو هاد شب بأول طلعته


ليش البنت ما فيا تطلع لوحدا و تنبسط و تتأخر شوي مع رفقاتها او اهلها و الشب بصيير ليش الشب اذا حكااي كلمة حتى لو كانت عيب بقولو معلش اما البنت اذا حكت عن شب ما بتعرفه ابدا انو حلو ببهدلوها و بقلولها انتي قليلة حيا و من هالكلام اللي بسم البدن

من فترة كنت بحكي مع رفيقتي بالمدرسة و المهم فكانت تسألني انتي بس تكبري شو بدك تصيري قلتلها مهندسة مدنية او مهندسة ديكور يا أما اصير دكتورة قامت قالتلي حبيبتي هذا شغل رجال للصراحة عادي يعني لما هيك بقول لماما بتقلي ياريت تطلعي هيك بس ما بعرف بحس هاد تخلف وين العيب انو البنت تصير مهندسة مدنية يعني العيب انها تدور عالمواقع ما هية حتطلع محتشمة و تدور عالمواقع ليييش هيك؟؟؟


و غير هيك ليش عيب انو الوحدة تطلع مذيعة مرة استاذة كانت تسألني شو بتتمني تطلعي قلتلها مذيعة قامت قالتلي انتي محجبة قلتلها اكيييد قامت قالتلي هم ما يبون محجبات قلتلها لأ بدهم محجبات و في اكتر من قناة بشوفهم بطلعوا مذيعات محجبات و بصراحة من يوم ما قالتلي هيك صرت احاول اغير فكري و اصير مهندسة مدنية يعني لعلمكن مو عييب ابدا الوحيدة تصير مهندسة مدنسة او مذيعة انا بنت عمي بتدرس هندسة عااادي جدا بس ليش في ناس بالمجتمع بفكروا هيك يعني عنجد صرت اتعرض لأكتر من موقف و يخليني اكره كوني بنت



انا من يوم يومي مبسوطة اني بنت بس لما اسمع الناس بقولوا هم البنات للمات ليش يعني؟؟؟؟؟؟؟؟؟؟؟؟؟ شو مالهم البنات و بعدين لعلمكن المرأة الله كرمها بالقران ليش يعني مالها حقوق؟؟؟؟؟؟؟ ليش لازم تبقى ساكتة



بنات لعلمكن انا صغيرة بس لاحظت هالموضع يعني طول عمري بسمع البنات بقولوا ياريتنا شباب و بعمري ما سمعت شب بقول ياريتني بنت

لعلمكن انا عمري 13 سنة و عبكتب هالكلام كيف لو وحدة اكبر مني يعني اكيد لسة الأكبر مني شافوا اكترر بس بدي افهم لييييش النساء مظلومات ؟؟؟؟؟؟؟؟؟؟؟؟؟؟؟؟؟؟؟؟؟؟ عنجد مضايقة من التفريق كل المنظمات عمتسعى للمساوة بين المراة و الرجل بس كلو ما عبيزبط

و ياريت اي حدا شاف الموضع يعمل رفع بلييز