يا هلا اختي زنبقة الجبال البيضاء ، اشكرج عزيزتي على مشاركتج ومرورج الكريم وبالنسبة للموضوع فأنا اقصد عندما تكون الفتاه (معقود عليها) ولكنها تعيش مع اهلها فأظن اخيتي بان الزوج ليس له السلطة الكامله عليها الا عقب الزواج

هلا اختي ورد الغرام اشكرج عزيزتي على مرورج الكريم ومشاركتج وبالنسبة للموضوع فكما قلتي بان الفتاه تكون تحت سلطة اهلها ولا يحق للزوج بان يفرض سلطته عليها ويجب ان يراعي زوجته فيمثل هالمواقف ولكن ماذا الذي سيحدث للفتاه لو تعرضت لمثل هذا الموقف

هلا الغاليه
والله انا الحين في فترة ملجه وبالنسبه لموضوع التحكم الحمد لله اهلي وريلي عارفين حدودوهم زين
طبعا كل طرف منهم له سلطه خلينا نقول في نواحي معينه

يعني انا ان ظهرت معاه ما اقدر اطول برع وايد واهلي يقولولي ردي هالساعه لا تتاخرين

طبعا في هالوضع هوما يقدر يقول انتي حرمتي وان شاءالله نسهر لويه الفير

وبالنسبه لليسن انا خذته عقب ما ملجت لانه كان موافق وابويه الحمد لله ما عارض

وانتي الغاليه تقدرين تقعدين معاه قعده حلوه وتفهمينه انج بعده في بيت ابوج وما ترومينما تسمعين رمسته

وان شاءالله لي صرتوا في بيت واحد قوليله انج تحت امره في كل شي

يعني مثل ما يقولون ركبيه النخل عسب يركد شويه ويطاوعج:):)

وبالنسبه للتعارض انتي بفنج حاولي تخلين الطرفين راضين عليج

ريلج بالكلام الزين والمنمق بيصير زبده سايحه ان شاءالله ههههههههههههههه احلى تعبير


واهلج بيني لهم ان مالج غنى عنهم وكلامهم على العين والراس

وبالتوفيق ان شاءالله
وربي يسهل امورج ان شاءالله وسمعينا الاخبار الي تسر ان شاءالله

واي خدمه انا حاضره الغاليه


اختج في الله
حوااااء


دعواتج لي بالتوفيق عرسي قريب ان شاءالله

هلا حبيبتي اشكرج الغالية على مرورج الكريم ومشاركتج
وبالنسبة للموضوع حبيت اوضح لج اني عزباء بس هالمشكلة اللي ذكرتها تعاني منها الكثير من البنات اللي اعرفهم ومثل ما قلتي اهم شيءالتفاهم الصحيح اللي ينحل منه المشاكل والكلمة الطيبة ، والله يسعدج حبيبتي ويحقق لج الاماني والاحلام بحياة سعيدة والف مبروك حبيبتي مقدما :26: :26: :26:

الله يبارك بعمرج الغاليه

واسمحيلي اني فهمت الموضوع انه لج

السموحه