ابتداءً الموضوع مهو سهل ابداً كتابته ونقدر نقول عنه احتفظت فيه سر لسنوات، لكن الإنسان في اضعف لحظاته وإذا كان متأذي يندم.
الموضوع مع سلفتي زوجة حماي واللي هي بالأصل من اقرب الناس لي وربينا مع بعض وكانت تجي بيتنا تاكل وتشرب وتلبس ملابسي وتنام وأمي عاملتها مثل بنتها لين كبرت.
الموضوع بدأ من بدينا عمر المراهقة بدت تخفي عني أمور واللي عرفتها بعدين.
انا انخطبت في عمر صغير جداً من شخص من أهل أمي وقريب لي. وكنت اي شي احب اطلبه وحتى بعض الطلعات أيام الملكة اطلب منه اخذ اختي معي وهذي قريبتنا اللي دايم تجي بيتنا. حتى في الآيس كريم إذا طلبته حسبتها مثل اختي معي.
ولما اكملنا المرحلة الثانوية انا تزوجت وهي مازالت مانخطبت.
وبدينا تقديم جامعات وكانت نسبتها ضعيفة وماقبلوها وعطيت زوجي اوراقها ووداها الجامعة اللي أنا انقبلت فيها ودخل فيها على المدير وكلمه ووضع اهلها المادي ضعيف وحرام البنت تبقى من غير تعليم ولقى لها مقعد في إدارة الأعمال.
في يوم كنت اسولف معها عن الزواج وقالت لي : أنا ابغى من العايلة الفلانية( عايلة زوجي).
بعدها بفترة جاني زوجي وفاتحني بموضوع! وهو إن هذي البنت اللي معتبرينها اختي اللي ماجابتها أمي على علاقة بشاب وزوجي كلمها من وراي وحذرها وقالت له بتوقف علاقتها بالشاب ولكن اكتشف انها مستمرة معه. واللي فهمته إن زوجي كان مثلاً في طلعتنا البحر يتكلم معها في مكان صاد ويحذرها( خلف حمامات النساء) يعني مكان عام لكن صاد.
أنا هنا تحت صدمتين:١- إنها تكلم شباب عادي عندها والثانية تكلم زوجي عن هالموضوع من دون علمي وترجع تجلس معي عادي!
طبعاً زوجي لما شاف مامنها فايدة راح للرجال وتخانق معه وقطع علاقته فيها.
بعدها أنا وزوجي انتقلنا لمنطقة ثانية. وحنا هناك بعد فترة بسيطة جانا خبر إن اخو زوجي يبغى يتزوج هالبنت!
أنا كنت في لحظة صمت وزوجي نفس الشي. رايي وقتها إن لا نقطع نصيبها بالأخص إن مواصفاتها ماكانت مطلب الأمهات في مجتمعتنا( البنت سمرا غامقة جداً وشعرها مهو ناعم).
نسيت اذكر لما زوجي راح للرجال وقطع علاقته فيها خذ جواله وحذف منه كل صورها من غير حجاب وشافها💔.
حسبالكم استحت؟ مكملة معي ماكأنها مسوية شي.
زوجي اقتنع برايي وماذكرنا شي لأخوه وأمه وتم الزواج وحضرناه.

أي إسم @ay_asm_5
عضوة فعالة
يلزم عليك تسجيل الدخول أولًا لكتابة تعليق.


أي إسم
•
الموضوع بخليه فترة مؤقتة اسمع فيه الحلول!… مابغى أحد من العايلة يالصدفة يتعرف عليه ويعرف عنها شي ويصير في ذمتي. مهما اذتني.

أي إسم :
الموضوع بخليه فترة مؤقتة اسمع فيه الحلول!… مابغى أحد من العايلة يالصدفة يتعرف عليه ويعرف عنها شي ويصير في ذمتي. مهما اذتني.الموضوع بخليه فترة مؤقتة اسمع فيه الحلول!… مابغى أحد من العايلة يالصدفة يتعرف عليه ويعرف عنها شي...
يا حليلك تحسبينه ينحذف 😂♥️♥️ صدقيني رح يعمّر سنين وسلامٌ على قلبك 😂🫶🏼
معوضة أم خلف
معوضة أم خلف

غـــيمة
•
تصرفه مع الرجال صحيح لكن مع البنت لو قالك وانتي تتصرفين معها
احسن او كلمها وانتي معهم ماهي محرم له عشان ياخذها مكان لحالهم ويتكلم معها
اما زواجها من اخو زوجك
سكوتك انتي صح لكن غريبه من زوجك كيف سكت واللي يبي يتزوجها اخوه وهو عارف اخلاقها كيف رضاها على اخوه
مشكلتها معك هي يمكن حقدت على زوجك يوم خرب عليها
مالك الا تطنشين خاصه ان ام زوجك معها والبيت لهم
حاولي ترجعين للوظيفه او زوجك يدخل وظيفه ثانيه وتدورون لكم على شقق رخيصه لما يتحسن وضعكم
احسن او كلمها وانتي معهم ماهي محرم له عشان ياخذها مكان لحالهم ويتكلم معها
اما زواجها من اخو زوجك
سكوتك انتي صح لكن غريبه من زوجك كيف سكت واللي يبي يتزوجها اخوه وهو عارف اخلاقها كيف رضاها على اخوه
مشكلتها معك هي يمكن حقدت على زوجك يوم خرب عليها
مالك الا تطنشين خاصه ان ام زوجك معها والبيت لهم
حاولي ترجعين للوظيفه او زوجك يدخل وظيفه ثانيه وتدورون لكم على شقق رخيصه لما يتحسن وضعكم
الصفحة الأخيرة
وبعد زواجها من اخو زوجي بدت مشاكلها معي، من ناحية تقدلدني ومن ناحية تتشاجر معي وهذا كله بينا من غير اهل زوجي يحسون على شي.
واستمر الموضوع طول السنوات الماضية بين شجارات ومسامحات. لكن لاظت بعد ماتطلب مني اسامحها ونتناقش واقولها سامحتك ترجع فترة صمت لا تتصل ولا ترسل وتمشي الشهور إلى أن تحصل مشكلة جديدة بسنا تشعلل الجو.
من الأمور كان لنا شقة مسميها ابو زوجي لنا إذا رجعنا مدينتنا. خذتها هي وزوجها عشانها اكبر من شقتهم اللي هم ساكنين فيها وعلى اساس حنا مطولين بعيد عنهم حكم العمل. أنا وزوجي لما جانا الخبر التزمنا الصمت وقلنا لنفسنا إن شاء الله مانحتاجها وإذا رجعنا مدينتنا بنأجر شقة اكبر خارج البيت.
ولكن الأمور تتغير ومهي دايم حسب الخطط.
وهذي السنة اللي متابع مواضيعي رجعنا بشكل غير مخطط وانا تركت وظيفتي في المنطقة البعيدة وجلست مع الرضيع والأطفال في البيت وزوجي صار متأمل على وظيفة جا لها في هالمدينة عند اهله وإلى الآن 💔 ماحصل وصار وضعنا المادي جداً صعب.
الموضوع إنها من جينا وهي زايدة جرعة الشجارات وأهل زوجي خاصة أم زوجي عرفت واللي هي حالياً في مشاكل معنا من سكنا عندها . من الأمور البيت فيه بابين، باب من الحوش الخارجي للشارع( أساسي) وباب داخلي عند الغرفة اللي جلسنا فيها( اساساً مجلس، تعرفون نظام مجلس بدورة مياه اكرمكم الله وباب يفصلهم عن الصالة للبيت وباب خارجي( مجلس رجال))، صارت سلفتي ماتدخل ولا تطلع إلا منه وعندي رضيع يصحى على صوت الدخلة والطلعة هي وبناتها( الكل محترم إن يستخدم الباب الخارجي إلا هي) وأم زوجي معها تحاربي تقول عشان حفيداتها! ولما كلمت سلفتي ليه كذا انتي أم وعارفة عندي رضيع اسهر معه! كان جوابها( حاجةً في نفس يعقوب).
ومشاكلها إلى اليوم! للحظة ندمت إني بغيت لها الخير وخليتها تدخل البيت اللي دخلته وصارت هي اكثر شخص مأذيني
وللحظة اسأل نفسي ماتستحي من عندنا؟ ماتستحي من زوجي؟
اختصرت كثير وانا اكتب واترك لكم التعليق!
تمنيت انها مادخلت بينا وفي نفس الوقت لو يرجع فيني الزمن ببقى ساكتة لأن كشف الستر. مهو هين وما تجرأ عليه. بس ماعرفت وش اللي يوقف هالإنسانة عند حدها عجزت انزل لمستواها