دلول ام جنى :

مرحبا دكتورة الله يعطيك العافية، المشكلة الاولى: بنتي عمرها سنتين بالضبط، وما بتاكل نهائيا، وبتعتمد على الحليب الصناعي فقط، حاولت افطمها عدة مرات، بس فشلت انا بعطيعا بروجرس جولد، طبعا انا ما رضعتها طبيعي نهائيا لمشكلة عندي، دكتورتها بتحكيلي خليها عالحليب كويس، وعملنالها فحوصات من كم شهر كانت كويسة ولله الحمد، بس انا مو مرتاحة من إنعدام الاكل، حتى إنها ما بتغار من الاطفال لما بياكلوا، طبعا معها إمساك دائم.وبترفض شرب الحليب بالكاسة، لازم بالرضاعة. المشكلة التانية: انا نضفتها من عمر سنة و8اشهر، طبعا غلبتني شوي، وكان في إنتكاسات والكل بيحكيلي طبيعي، وبعد هيك تباعدت فترات التبول على حالها، بس لما تكون تلعب مع الاطفال بتنسى فأنا لازم اوديها، طبعا انا نضفتها بالليل كمان، وكانت مشاءالله عليها، بس هلأ من 4ايام عم تعمل على حالها بالليل، وبتصحى تبكي، ومو عارفة السبب، وكمان صارت تعملعا بالنهار احيانا، هلأ هي عندها إحمرار من تحت وبوجعها، مو عارفة شو سببه؟ الله يخليك تجاوبيني ولا تهملي اسئلتي، لانه وضعها محيرني، علما إنها بنتي البكر وما عندي غيرها.

مرحبا دكتورة الله يعطيك العافية، المشكلة الاولى: بنتي عمرها سنتين بالضبط، وما بتاكل نهائيا،...